Pandemiaren itxialdia sortu zenerako prestatuta zegoen irteera, orain egiteko aukera izan dugu, beraz, ilusioz, bisita hori gaur gauzatu dugu.
Gasteizen badago zer ikusi, eta gu Katedraletik, Santa Mariatik hasi gara. Hiriaren aztarnak, historia, arkitektura ezaugarriak, arazoak eta emandako soluziobideak… Interesgarriak oso, gidak modu ulergarrian emandako azalpenak. Gustura!
Arratsaldean aldiz, hiriaren beste eskaintzak ezagutu ditugu: azoka, parkeak…
Vital erakusketa aretoan, Arrasateko hiru emakume margolariren lanak ikusgai: Amaia Aranzabal, Arantza Baskaran eta Matilde Saiz Osinagarenak. Aukera aparta, Amaia eta Arantza gurekin izan baitira euren margoen inguruko azalpenak ematen. Bejondeizuela, ARTISTAK!
Eta buserantz abiatzean, han, txoko batean, beste arrasatear artista baten obra, Iñigo Arregirena. Hau ezustekoa, gaurko azken oparia!
