Gaur emakumearen eguna, hausnarketa eguna, errebindikazio eguna… eta hori guztia elkarrekin egitea emankorragoa da.
Jada, guk ama ponteko edo amabitxirik ez daukagu, beraz, gaurko karapaixoa geuk geure kontura. Karapaixoa Aramaio estilora, sagar errearekin. Merienda goxoa!
Karapaixoa Debagoiena eskualdean, ama pontekoak bere besoetakoari garizuma garaian (Hausterre egunetik Pazkoa igande arte) oparitzen duen opila edo ogi berezia da. Opari hau ezkontzen diren egun arte egiten da, orduan, bere independentzia edota heldutasunera heldu dela uste baita. Aramaion, adibidez, mutila soldaduskara joan arte egin izan da.
Gaur egun, eskualdeko gozotegietan, karapaixo gozoak eta gaziak ere egiten dira, eta Arrasaten Karapaixo eguna ospatzen da, non, besteak beste, karapaixoa egiteko tailerra egiten den. (www.turismodebagoiena.eus)
