sasoibide+: udala

Urtarrilako lehen irteeran, udalarantz abiatu gara; oraingo honetan, ezohiko bidea aukeratu dugu: ederteketik gora, arteagatik aurrera egin eta artadian gora hartu.

Artadia, baso mediterraneoa da, ederra, inoren eskuak diseinatua, berezkoa; enborrak goroldioaz jantziak, bihurriak, askotariko formak… Naturagune atsegina!

Artadiarekin mugan pinudi hazi bat, basoaren itxuraldaketa handia. Udala auzora heldu gara, Udalatx mendiaren irudi ederra, baserri zainduak…

Eliza itxita baina ingurua txukuna, berritze lanak egiten ari direnaren itxura, Anbotoren haitza zutunik, natur eskola… Film baten eszenatokia dirudi auzoa, ederra!

Arratsaldeko azken izpiek inguruko mendiak argi bereziarekin goxatzen dituzten bitartean, gu etxe aldera. Gaurkoan ere, gustura!

Deja un comentario

Tu dirección de correo electrónico no será publicada. Los campos obligatorios están marcados con *