Arrasateko «balkoia»

Biteritik abiatu, San Andres kaletik aurrera, Ulgor parean Iramendi baserriruntz doan bidea hartu; tuneletik irten eta ezkerrera dagoen bidetik aurrera egin, hor Solozar baserria.

Solozar parean pasatzerakoan leiho eta arkudun sarrerari erreparatu diogu. Historia duen eraikina zalantzarik gabe, baina tamalez, teilatua jausita; hormak zutik, baina zenbat iraungo ote dute? Gure jakin-mina piztu da, ea informazioa lortzen dugun.

ARRASATEKO TOPONIMIA. J.L.Ormaetxea Lasaga, liburuan, honako aipua aurkitu dugu: SOLOZAR, casería de…… 1625.

A.Z.E.k prentsaurreko baten aipatua: el abandonado caserío Solozar de San Andrés, de 1.477

2015ean PUNTUA aldizkarian, Gure Altxorrak atalean, Solozar mintzagai

San Josepeko ermitaren hormek zutik diraute, zalantzarik gabe eraikin sendoa izan zen. Gure artean zenbaitzuk haurtzaroko oroitzapenak aipatu dituzte: urtean behin bertan egiten zen ospakizunetara etortzen zirela, eta umeei txokolatea eta boladuak ematen zizkietela; erromerian dantzan ibilitakoak ere baditugu gure artean… Beste batzuentzat aldiz, kontu berriak, atseginak. Gertuko historiak guztiak.

San Jose eta Andramariazuriaren ermitaren aztarnak: gaur San Josepe izenarekin ezaguna, aurreko mendeko 50. hamarkada arte leku garran- tzitsua izan zen Arrasateko baserritarrentzat, egun, pareta batzuk gelditzen ez diren arren. Urtero, udaberrian, Arrasateko herritarrek San Joseren Zaindaritza eguna ospatzen zuten baselizaren inguruan dagoen Dantzaleku eremuan. (arrasate.eus)

San Josepe erromeria. San Josepe ermitaren aztarnak aurrean; lehenengo erreferentziak 1614koak dira. Oso ospetsua zen San Josepe zelaian egiten zen erromeria, maiatzeko San Jose Patrocinio egunean, herri osoa joaten zen hara, meriendatzen eta olgeta egiten. (arrasate.eus)

San Andreseko ur depositoaren aurrean dagoen balkoira iristean, Arrasateko ikusmira ederraz gozatzeko aukera pare gabea. Altuera horretatik herria maketa balitz bezala ikusten da, ikuskera berria eta erakargarria aldi berean.

Ospitaleraino doan bidean aurrera. Lokatz apur bat bazegoen baina, onik pasatu dugu; Kurtzetxikiko bidea, Lakre, Balduenpoto… eta hor Zalduspe ingurua.

Gaurko paseoa bukatu aurretik, martxoaren 5etik 8a bitartean egingo den LILATONa mintzagai. Sasoibideko lagunen artean parte hartzeko gogoa, izena emango dugu? Oinez egiteko aukera dagoenez, gu 5 kilometro egiteko prest. Eta zu, bazatoz gurekin?

Etxera bueltatu aurretik, salda goxoa eta tarteka, kontu kontari. Gaurkoan, lilatonean parte hartzeko planak gai nagusia. Baietz partaidetza esanguratsua lortu sasoibiden? Martxoaren 5erako, anima gaitezen ba!!

INFORMAZIO OSAGARRIA

https://www.baserrisarea.com/ondare-historikoa/7622/610-solozar-baserria

https://goiena.tok-md.com/pdf/Puntua_036_2015-10-30.pdf

https://www.arrasate.eus/eu/files/hezkuntza/herria-ezagutzen/6.-ibilbidea

https://www.euskaltzaindia.eus/dok/iker_jagon_tegiak/18177.pdf

https://lilaton.es/eu/

https://ahotsak.eus/arrasate/pasarteak/arr-155-030/

Deja un comentario

Tu dirección de correo electrónico no será publicada. Los campos obligatorios están marcados con *