2. erronka: sanprubusera!

2020-6-18

2. erronkari ekiteko gogoz, Biterin lagun taldetxoa elkartu gara. Musukoaz egon arren, elkar erraz ezagutu dugu. Gaurkoan, azken garaian hain gustukoa dugun terraza berri batera joango gara, sanprubusera hain zuzen ere.

Eskuz eginiko mahaien inguruan eseri, atsedena hartu, kontu kontari, Eliren azalpenak entzun eta… hor, pausu batzuk aurrera egin eta, Elik aipatu altxorra aurkitu dugu: harrizko armarri ederra, galanta. Armarri bakartia, utzia, abandonatua; aurki goroldioak estalia, janda… Egoera penagarria. Zein jauregiko horma edertu ote zuen? Zergatik orain hor, baztarrean? Ahaztua? Erantzunik gabeko zenbat galdera. Eta gaurkoan, guztion JAKIN-MINA asetugabe gelditu da. Norbaitek argibiderik izango balu… eskertuko geniokeen azaltzea.

Irteera aberasgarria gaurkoa ere beraz, erronka GAINDITUTA!

Paseatzen genuen bitartean, bitxikeri bat gertatu da: gutariko baten alaba Radio Euskadin elkarrizketatu dute, Bera ikerlaria da EEBBn eta, ELA gaitzaren ikerketari buruz hitz egin du. Entzun nahi izanez gero, 24′-40’ra. https://euskalpmdeus-vh.akamaihd.net/multimedia/audios/2020/06/18/2620284/20200618_13243602_0012872809_002_001_BOULEVARD_MA.mp3

INFORMAZIO OSAGARRIA

Deja un comentario

Tu dirección de correo electrónico no será publicada. Los campos obligatorios están marcados con *