27. irteera, ikasturteko azkena!

Azken irteera bete betea izan da. Ibilbidean zehar, Ruperren gomendioak arretaz entzun eta, bukaeran berak gidatutako luzatze ariketak egin ditugu.

Jarraian Kultur Aten, sasoibideko lehen asanblada ikasturtearen errepasoa egin eta hurrengorako asmoak aurkezteko. Itsasok, gure lagunak, ikusmen murriztuari buruzko azalpen interesgarria eman digu. Bukatzeko, sasoibide I Argazki Lehiaketaren epaia: Saria, Miguel Jiménezen argazkiarentzat. Aipamen berezia aldiz, Edurne Mongek aurkeztu duenari. Azkenik, Fabianek berak landutako makil ederra eskaini die sasoibide ekimenaren sortzaileei Lorea eta Margariri. Bikoteak, emozionatuta jaso du.

Ekitaldia amaitzeko, elkarrekin mokadutxo bat hartu eta, Joxe Lz de Arkautek girotutako dantzalditxoaz gozatu dugu. Agurtu aurretik, taldearen izenean hitz ederrak eta bi orkidea ikusgarriak eskaini dizkiete bi antolatzaileei. Guztiok hunkituta. Mila esker eta, AUPA ZUEK!

Deja un comentario

Tu dirección de correo electrónico no será publicada. Los campos obligatorios están marcados con *