San Martin

Erantzun 1

Uda iristear dago. Negu hotz eta ez dakit zenbat elurte igaro ondoren (zortzi uste dut izan direla), eguraldi ona dagoeneko hemen da. Neguko arropak armairuan gorde eta kalera irteteko garai iritsi da gure udako arropekin. Izerdiz blai egoteko eguraldia egiten ari da azken egun hauetan gure ibarrean.

“Oñatin”:http://www.oinati.org beroari aurre egiteko eta freskatzeko leku anitz ditugu. Naturak ematen dizkigun aukerak erabili egin behar dira. Mendira irten, parkeetara joan, uretan bainatu…

Oñatiko lekurik onenetakoa itzalpean egoteko San Martin-eko parkea da. Parke hau pertsona ugarientzat egokia da. Kirolarientzat kirola egiteko, pasioak gustatzen zaionari ibiltzeko toki anitz baitago, umeentzako jolas parkea daudelako (azken honen egoera ez dakit nolakoa izango den), irakurleentzat irakurtzeko naturaz inguraturik sekulako plazerra delako, musika entzuten dutenentzat, bikoteentzat eta abar luze bat.

Horregatik deitzen diet denei San Martineko parkera hurbil daitezen eta goza dezaten parke polit honetaz. Hori bai, beti ere errespetuz. Guk hondatzen badugu gure ondorengoek ez baitute jakingo zein den Oñatiko lekurik ederrenetakoa.

Maiatzak 24

2 erantzun

Emakumeareen mundu martxa Euskal Herrira iritsiaz batera, blog hau sarean jarri da. Goiena.net -eko globosferan blog bat bat gehiago dago.

Eskerrak eman nahi dizkiet Ibaneri eta Maiderreri, beraiek irakatsi baitzidaten zelan editatu blog batean. Eskerrak baita ere diseinatzaileari (barkamena eskatzen diot ez dakidalako bere izena) head polit eta elegante bat egin didalako. Eta irakurleei, batez ere Leire Kortabarriari eta Iban Aranzabaleri, lehenengo erantzunak ematearren.

Ezin dut daukadan poza hitzez azaldu. Esker mila.

Post data: Badirudi mundua Iban-ez dagoela josita (Ikastaroan hiru gizonezkoetatik hirurak ginen Iban eta jaso ditudan erantzun bietatik, gizonezkoa ere Iban deitzen da).

Debagoienean astebukaerak ez daude hilda

2 erantzun

Astebukaera eta ekintza askoren sinonimoak dira gure ibarrean. Denetarik egiteko aukera egon da, kiroletatik hasita ikuskizunetara arte.

Larunbatean Arrasaten herri kirolak ikusteko aukera egon zen eta 3X3-ko saskibaloi txapelketa antolatu zen. Gainera erdi aroko merkatu bat jarri zuten. Herriko alde zahar osoa (kaleak eta dendak barne) oso ongi apaindu zuten arrasatearrak. Larunbatean baita ere, Aretxabaletan euskararen eguna ospatu zen. Aste osoan egindako ekitaldiei bukaera itzela eman zioten. Gure hizkuntza gero eta gehiago bultzatuz, giro bikaina sortu zen herrian. Niaz, zuaz, euskaraz.

_Oñatin_ errekaldeko jaiak ospatu ziren. Nik aipatu bezala larunbateko artikuluan, ostiralean txupinazoarekin batera gazteei zuzendutako kontzertuak egin ziren, ondoren larunbatean egun handia 11 ekintzez eta gabean erromeria, eta igandean antzerki saio bat. Eta hori gutxi balitz, arrantza txapelketa igande goizean.

Ostiralean Eskoriatzan HUHEZI fakultatekoek beren eguna izan zuten. Bazkari ederra jan omen zuten unibertsitateko parking-ean, eguzki azpian. Bat baina gehiago erreta bukatu zuen eguna.

Ondorioztatu dezakegu Debagoiena ez dagoela hilda, inoiz baino bizi gehiago du.

Erockaldeko jaiak 2005

4 erantzun

Atzo gabean Errekaldeko jaietan egon nintzen lagunekin. Izugarri ondo igaro nuen gaua. Musika kontzertuak izan ziren protagonista nagusiak. Horrela izan ohi da azkenengo hiru urteetan. Errekaldeko jaiek badute bere “estrategia”. Ostiral gabean kontzertua gazteei zuzendua eta larunbat gabean erromeria, helduagoei zuzendua. Horrela ostiral gabean gazteak urten egiten dira (hori gero eta gutxiago egiten da gazteen partetik) eta larunbatetan gazteak herriko taberna edo poteo inguruan ibiltzen dira. Ondorioz Errekaldeko jaietako arduradunak eta tabernariak pozik. Bi kontzertu ikusi nituen. Drakes eta Potemkin . Lehenengoan nire kintadako bat zegoen eta nahiko ezagunak dira Oñatiko gazteen artean, eta bigarrena Danbakako finalean bigarren gelditu zen. A ze nolako bi taldeak! Asko gozatu nuen. Nik ez daukat ideia askorik musikari buruz baina ongi pasa nuela ziurtatu beharra daukat.

Beste alde batetik jai hauen alde ona oso ongi antolatuta dagoela da. Atzo jende ugari bildu zen eta gaur ere ekintza ugari daude jendea hurbiltzeko: mendi bizikleta, saskibaloi txapelketa, arku tiroa…

Besterik gabe, animatu egiten zaituztet hurbiltzeko Errekaldeko jaietara… edo Aretxabaletara Euskararen eguna ospatzera. Baina irten eta ongi pasa, gaur egun ona izango baita horretarako.

Bukatu da (lehen atala)

Erantzun 1

Gaur, maiatzak 20, eguerdiko ordu-batak eta erdietan, Txantxiku Ikastolako batxilergo bigarren mailako ikasleok hirugarren hiruhilabeteko azterketak amaitu ditugu.

Bederatzi azterketa egin ondoren, amaitutzat ematen dira ikasturte honetako azterketak. Hemendik aurrera selektibitaterako prestatzen arituko gara eta baten batek zerbait utzi badu, datorren astean izango du bigarren aukera gainditzeko lehenengo insufizientzian. Ikasturtea joan da. Irailean hasi ginen eta orain bukatu dugu. 8 hilabete baino gehiago izan dira. Denetarik egon da gurean: hitzaldiak, Ikastolako egun bat, txangoak… Barre egiteko momentuak eta negar egitekoak ere egon dira. Eskerrak emateko garaia iritsi da, bata besteari zoriontzeko momentua eta norbaitek zer edo zer utzi badu, animatzeko garai da, esanez pertsona horreri burua altxatzeko eta bizitza jarraitu egiten duela.

Bidean geratu zareten denoi, animo, eta aurrera jarraitu duzuenei, zorionak. Askorik eta askori, eskerrik asko hor egoteagatik. Zuei esker iritsi naiz ona.

Monaco

Utzi erantzuna

Osteguna da. Gaur Formula 1 -eko entrenamenduak hasi dira Monacoko hirian. Bi entrenamendu saio egin dituzte. Azkarrena Fernando Alonso asturiarra.

Bere atzetik geratu dira Wurz, Coulthard , Fisichella … Eta hamaikagarren Michael Schumacher. Argi geratu dira gauza batzuk, Renault eta McLaren-Mercedes talderik puntakoenak dira, Red Bull racing sorpresa izan daiteke sari honetan eta Ferrari krisian dago (baten batek dudak bazituen).
Nire gustokoa Fernando Alonso da. Eta nire ustez lasterketa honetarako hautagai nagusia garaipena lortzeko. Oraindik astebukaera luzea izan arren.

Beraz larunbat eguerdian telebistaren aurrean jarriko nahiz pole position-a lortzeko lehenengo bira emango baitdute eta pilotuek. Eta hurrengo egunean goizeko hamarretatik aurrera jarriko naiz sofan ikusteko bigarren bira eta GP2 ko saria. Ondoren eguerdiko ordu bitan hasiko da Monacoko sari nagusia.

Nire pronostikoa:

Fernando Alonso.
Giancarlo Fisichella
David Coulthard.

Azterketekin jarraitzen dugu.

Kirola alde batera utzita. Esan dezaket gaur bi azterketa eduki dugula, atzo aipatzen nituenak. Eta bihar amaitzen dugula beste bi azterketekin. Humanistikokoen kasuan, Ekonomia eta Euskara dugu.

Zorte on denoi (berriz) eta asko ikasi (berriz)!!!

Historia

Utzi erantzuna

Txantxiku Ikastolan ari naiz ikasten, batxilergo bigarren mailan. Hau da nere azkenengo ikasturtea ikastetxe honetan. Datorren urtean ez naiz bueltatuko gelatara klaseak hematera. Ikastetxe honetan behintzet ez.

Azken egun hauetan, nire kurtsoko ikasleak azterketak egiten hari gara. Hirugarren hiruhilebeteko azterketak. Ikasturteko azkenengo azterketak. Dena gainditzen duena, selektibitatea edukiko hemendik gutxira, ekainak 8, 9 eta 10. Ez duena dena gainditzen datorren astean edukiko du bigarren aukera, maiatzaren 23tik 27ra. Eta dena gainditzen badu, selektibitatera baita ere.
Urte hauetan Ikastolako geletatik jende ugari ikusi dut paseatzen. Asko eta asko nire lagunak egin dira, beste batzuk ezagutu ere ez ditut egin ordea. Berdina gertatu zait irakasleekin. Batzuk joan egin dira, beste batzuk etorri.

Urte asko izan dira eta bukatzear dago etapa hau. Bihar berriro bueltatuko gara klasera, goizeko 9:15etan historiako azterketa (Espainiako bigarren errepublika, gerra zibila, Francoren diktadura eta trantsizio garaia) eta ondoren 11:30tan ingelesa.

Ostiralean ere beste bi azterketa. A ze nolako astea ari garen igarotzen. Pasa den astean bi azterketa, astelehenean beste bi eta atzo bat.

Horrelakoa da bizitza. Zerbait nahi duenak, gogor aritu beharko da. Baina emaitzak laister iritsiko direla uste dut. Batzuk unibertsitatera joango dira eta beste batzuk heziketa zikloetara. Beraz zorte on denoi eta asko ikasi!!!

Nire lehen artikulua blogean.

Hau izan da nire lehen artikulua blog honetan. Espero dut interesgarria eta erakargarria iruditu izana.

Nire lehenengo aldia izanda suposatzen dut ez dela izan perfektuena baina hobetuko dut.

Besterik gabe agur bero bat.