Gaztetxea

2 erantzun

Oñatiko gaztetxea sortu zenetik nahiko denbora pasa da. Orreri buruz ez dut ezer idatzi oraindik eta uste dut garaia dela idazteko.

Udan lanean nengoela Kasablankako ikastolatxoa okupatu zutela esan zidan herriko batek. Berria pozik hartu nuen eta Oñatira joan nintzen egun batean, gaztetxera joatea otu zitzaidan. Ez zegoen inor, dena obrak ziren baina asko gustatu zitzaidan eraikin horretako barrenetan zehar ibiltzea. Nire autobisitari bukaera emateko agur bat idaztea pentsatu nuen paper zati batean. Eta badirudi atean jarri zutela idatzi hori. Ordu askotako lanak egon dira gaztetxe hori errealitate egiteko, ametsa egi bihurtzeko. Udaletxe azpitik liburutegira, liburutegitik San Martin parkera eta hortik Kasablankara. Otsailean hartu zuen OGA-k udaletxetik aldentzeko erabakia eta orain herriaren zati handi bat bere oniritzia du, Ezker abertzalea esaterako.

Orain gazteen alternatiba bihurtu da. Gaztetxeari esker aste-bukaerak hiru egun dute eta ez bat eta erdi lehen gertatzen zen bezala. Orain Oñatiko jaiak asteartean erroxaixo bixamonaren ondoren ere ekintzak antolatzen dira.

Zorionak Oñatiar ibiltari baten partez. Segi aurrera eta urte askotarako!!!

Bookcrossing

Erantzun 1

Liburuak gure artean daudenean, askotan preso egoten dira. Apaletan egoten dira egunak pasa egunak etorri, inor ohartu gabe hor daudela.

Hori ez gertatzeko bookcroossing fenomenoa sortu da. Edonork kodigo bat jartzen dio liburuari eta edozein lekutan uzten du beste pertsona batek har dezan (parkean, tabernan, geltokietan…) Horrela beste batek hartzeko.
Beste horrek egingo duen lehenengo gauza interneten erregistratzea izango da. Ondoren irakurri eta beste toki baten utzi. Horrela hamaika aldiz.

Honen eraginez liburu batek bira eman diezaioke globo osoari. Euskal Herrian askatutako liburu bat Txinan bukatu dezake.

Nola lortu kodea? Erraz, lehenengo bookcrossing-eko estatuko orrian erregistratu eta ondoren pauso batzuk jarraitu beharko dituzu liburu bat asaktzeko. Pena da ingelesez askatu behar delako, baina logika pixka bat erabiliz lortu daiteke.

Nik dagoeneko nire lehen liburua askatzekotan nago. Ez noa esatera noiz eta non, fenomeno honen xarma ere ehizan dagoelako. Baina beno, norbaitek hartzen badu… espero dut ez galtzea liburu hori, datuak itxaropentsuak ez izan arren.

Nik, blog honetatik, deitu egiten dizuet dituzuen liburuak aska dezazueten! Animo eta ongi izan zuen abentura berri honetan.

Oñatiko txosnak 2005

Erantzun 1

Berriro gozatu dut musikarekin zuzenean. Bart gabean Oñatiko jaietako txosna gunean. Sorkun bakarlaria egon zen.

Asko gustatu zitzaidan emandako kontzertua. Lagun asko elkartu ginen eta bat baino gehiago gustura joan ginen etxera. Kantu melankoliatsuak, kantu biziak… Errepertorio zabal bat erakutsi zuen neska bakarlariak. Gainera bere dantza exotikoak txundituta utziko zuen baten bat. Hasiera batean gabardina gorri batekin, eta giroa berotzen joan zen heinean gabardina bere gorputzetik joaten hasi zen. Azkenean gabardina gabe bukatu zuen kontzertua eta lehenengo kantuaren erritmo berarekin, bizi-bizirik.

Eskerrik asko Sorkun. Kontzertu izugarria izan zen atzokoa.

Meritu handiko neska.

Txundigarria iruditzen zait lagun honek egin eta egiten jarraitzen duena. Bakarlaria da, euskalduna da eta gainera neska da.

Denok dakigu ezaugarri hauek duen jendea, oso gutxi dela. Nik ez dut horrelako neska bakarlaririk ezagutzen, gehien jota talde batean joten duen bakarlaria (hauek ere beren meritua badaukate). Azken aldiz ikusi nuenean neska bat taula gainean Klorofilako kontzertuan izan zen, Oñatiko jaietan ere.

Betidanik lotu dugu musika euskalduna genero maskulinoarekin. Sorkuneri esker hori aldatzen ari da.

Kolaborazio eske

Erantzun 1

Laguntza eske idazten dizuet. Unibertsitatean Amerikako historiarako sarrera deituriko asignatura daukat. Irakasleak gai bat aukeratu du, Euskaldunak eta Amerikarrak, Amerikarrak eta Euskaldunak. Lau hilabete bukaeran ikerketaren bat egiteko eskatuko digu, gure herriko biztanleak eta Amerikaren artean. Baten batek informazioren bat edukitzen badu Oñatiarrak eta Amerikarrak lotzen dituenei buruz, bidali ezazue informazio hori, edo erantzunen orrian ezarri, mesedez. Asko eskertuko nizueke.

Azken ohar bat, edonork Oñatiko Cristobal-i buruz informazioren bat edukitzen badu,baita ere bidal dezala. Badirudi Cristobal hau ipar mendebaldeko Mexikoko konkistan pertsona garrantzitsua izan zela XVI. mendean.

Formula Alonso

Utzi erantzuna

Dena esanda eta idatzita dago. Batzuk oraindik esango dute Fernando ez dela aurtengo piloturik onena. Raikkonen dela, lasterketa gehiago irabazi dituelako, edo Schumacher dela bolido txarra izan arren. Nik diot datuak objektiboak direla eta aurtengo piloturik onena Alonso izan dela. Piloturik onena, erregularrena da. Kirol guztietan gertatzen den bezala.

Zorionik beroenak Fernando. Lortu duzu. Oraindik gogoratzen dut zelan geratu zinen orain dela lau urte Britainian Handiko Sari Nagusian gurpil gabe eta boxes-etan sartu ondoren bukatu zenuela lasterketa.

Eutsi goiari! Oraindik urte zoriontsu asko emango baitiguzu.

Musika irratian

Utzi erantzuna

Bizi garen egunetan, irratia komunikabiderik onena bihurtu zaigu, internetekin batera. Albisteak zuzenean emateko gai den komunikabide bat da, eta gainera aniztasun handikoa. Arreta jarri ezkero gauza interesgarriak, dibertigarriak… entzun litezke. Musika kate ugari daude. Horrek musikaren aniztasunera eramaten gaitu. Hamaika kate daudenez, hamaika musika entzun daiteke. Gure musika ezagutzak ireki dezakegu. Niri asko gustatzen zait Euskadi irratia. Batez ere euskal musika entzun daitekeelako. EITB ere ondo dago baina batzutan oso astuna egiten zait. Kiss FM-rekin ere beste hainbeste, hala ere, euskal musika ez dute ematen. Eta Los40 atsegin dut, baina denbora tarte txikietan eta momentu konkretuetan entzuteko.

Irratiak duen onena, edozein tokitan eta edozein momentutan entzun daitekeela. Esaterako, nik uda honetan lanen ordu gehienak irratia entzuten igaro nuen. Bakarkako lan batean asko eskertzen da ahots alaiak entzutea.

Interneti esker, gaur egun mundu osoko musikak eta irratiak entzun ditzakegu.Horretarako niri asko gustatzen zait Winamp programa. Gainera Cd eta MP3 erreproduktorea da.

Vuelta, garrantzitsu al da?

2 erantzun

Txirrindularitza munduan hiru itzuli daude: Giroa, Tourra eta Vuelta. Badirudi askok pentsatzen dutela Tourra de urteko lasterketarik garrantzitsuena eta azken urte horietan hori eman du. Baina oker dago multzo hori. Tourra egia da garrantzitsua dela, baina ez hainbesteraino. Egia da batez besteko abiadurarik handien Frantziako lurretan egiten dela, baina Espainiar eta Italiar penintsulek badute beren gauzak lasterketak bereziak egiten dituztenak. Munduko mendaterik gogorrenak hor daude. Mortirolo Italian eta Angliru Espainian. Gainera askotan errepideak hobeagoak dira, zabalagoak. Espainian behintzat, bestela gogoratu Belokiren erorikoa. Hori bai errepide kaxkarra. Pro-tour-a sortu zenetik, Tourrak garrantzia galdu du. Orain munduko sailkapenean ez du hainbeste puntuatzen. Liga horreri esker lasterketa txikiagoek garrantzia hartu dute eta horrek mesede egin diote txapelketa minoritarioei.

Tourrak jaun eta jabe bakarra eduki du azken zazpi urteetan. Lance Armstrong amerikarra. Errekor bat ezarri du, eta hori nork hautsiko duen zain egongo gara urte askotan. Hautagai ugari daude errekor hori datorren urtean berdintzen hasteko, baina nork edukiko du adorea zazpi edo zortzi aldiz jarraian irabazteko? Hori ikusteko dago.

Berdina gertatu da aurten Vueltan. Roberto Heras espainiarrak errekor berria ezarri du. Lau aldiz irabazi du Espainiako Vuelta. Orain, nor ausartuko da lau edo bost aldiz irabazten?

Eztabaida irekita dago. Zer errekor da garrantzitsuagoa? Nire ustez biek dute garrantzia berbera. Biak direlako txalogarriak. Biak dutelako meritua.

Audientziak beste kontu bat dira. Badakit erakargarriagoa dela Tourra. Baina hor asko jokatzen dute antolatzaileek eta komunikabideek. Adibidez Giroa ez da telebistaz ematen estatu mailan kate publikoaren bidez. Hemen ezkerrak etb-k ematen duela. Eta Vueltako etapak ikustean publizitatera jotzen badute bost minuturo eta bakarrik ordu eta erdi telebistau… ez da oso atsegina galtzea momentu garrantzitsuenak. Askotan jeitsieratan gertatzen dira halakoak, ikus bestela aurtengo Vuelta edo 91ko Tourra. Indurainek Tourmalet jaisten eraso zuen. Edo etapa lauetan… Beraz esandakoa, komunikabideek eta itzulietako antolatzaileek zeresan ugari dute erakargarritasunari buruz.

Gasteizen ikasturtea igarotzera

3 erantzun

Batxilergoko titulua atera eta gero, historiako lizentziatura egitera ausartuko naiz. Gasteizeko Euskal Herriko Unibertsitateak duen kanpusean. Nire Oñatitik hiru bat ordu laurdenera kotxean eta bi autobusetara.

Nire lehenengo urte hau ikasle egoitza baten emango dut. Gaur goizean goiz iritsi naiz. Dagoeneko egin ditut lehenengo harremanak. Lauk historia ikasi behar dugu, bik euskaraz eta beste bik erdaraz. Beste batzuk Topografia, Filologiak eta gradu erdiko moduluak. Denetarik dago, eta gainera giro bikaina dago gure artean.
Ordutegia ona dela iruditzen zait, klaseak arratsaldez. Goizean lo egiteko astia badago eta beste gauza asko ere.Ordu libre ugari ditugu gauza anitz egiteko baina garrantzitsuena ikastea da. Esaterako gaur aurkezpena eduki dugu. Ordubete iraun du eta goizeko hamaiketan izan da. Hurrengo orduak irakurtzen eta EGA prestatzen aritu naiz, eta lagunak egiten ikasturte luze honetarako.

Besterik gabe, gaurkoz agurtzen naiz eta hurrengo batean gehiago kontatuko dizuet ikasle bizitzari buruz. Besarkada bat eta ondo izan.

Azken ohar bat: uda Lizarran iragan dut eta orreri buruz idatzi bat egiten ari naiz laster ikusiko duena argia. Besterik gabe, izan pazienteak eta aio!

Uda bat (baino gehiago) Lizarrako lurretan II

Erantzun 1
  • Ekainak 29. Lehenengo eguna… kanpignean.

Gaur Iratxeko kanpingera itzuli naiz. Nire azkenengo eguna sorosle moduan abuztuak 26 edo 27.

Eguraldia apartekoa izan da. Aste barruan gaude eta ez daude kanpinglari ugari, baina beno, pazientzia apur batekin zortzi orduak erraz igaro daitezke.

Hemendik aurrera hoteleko eta kanping-eko igerilekuetan egongo naiz. Erdi eta erdi. Uda hilabete honetan ematen du hasiko dela, uztailak 6an. San Ferminak. Ea zenbat jende etortzen den. – Ekainak 30. Operación pufo.

Gorroto dut horrelako saioak. Gainera kulturarekin jolasten dute, sormenarekin jolasten dute, pertsonen pentsamenduekin jolasten dute.

Ez ditut atsegin. Ez zaizkit horrelako programak gustatzen non batek esaten dion besteari nolakoa izan behar den. Adibidez elkarrizketa baten nolako erantzunak izan behar dituen. Gainera ez da justua aktore hauei aukera gehiago ematea beren produktuak saltzeko, merkatuan onagoak dauedenean eta ez dietenean publizitate deusik egiten.

Ez dakit zer den telezaborra, baina horrelako lehiaketak ez dira oso atseginak ikusteko.

  • Uztailak 01. Blogariak Berrian.

Oñatitik 100 kilometrora nago (gutxi gora behera). Internetetik ez dut, horretarako Lizarra jeitsi behar naiz gaztelekura. Baina goiena.net-eko blogosferako artikuluak jarraitzeko aukera dut. Horregatik eguneko momenturik onenetako da jaiki eta berria erosi bitartean. Momentu horretan oso pozik sentitzen naiz eta Berria irekitzen dudanean eta Udakotartea zabaldu, hor izaten da momenturik hunkigarriena ikusten dudanean goiena.net-eko blog komunitateko artikuluren bat. Lehena Leire Kortabarria izan zen, ondoren Joxe Aranzabal eta gaur beste artikulu bat.

Ea horrela gehiagotan izaten den, niri eguna gehiago alaitzeko.

Uda bat (baino gehiago) lizarrako lurretan

Utzi erantzuna
  • Ekainak 11. Kopako gaua.

XIX. Txantxiku Saria ospatu da Zubiko kiroldegian. Ni, igeriketa taldekokidea naizenez laguntzera joan naiz. Mikrofonoarekin lana egitea tokatu zait. Zazpirak baino lehenago amaitu dugu.

Zortzirak eta laurdenetan, nire gurasoek eta ni iritsi gara Aiegira. Ekaitz izugarri batek ongietorria. 45 minutufalta dira kopako finala hasteko Osasuna eta Betisen artean. Etxera iritsi eta maleta guztiak utzi ondoren telebista piztu dut. Telecinco katea jarri dut, ETB ez dabil.

Andaluziako taldeak irabazi du partidua. 2-1. Nafarrek ahal dutena egin dute eta azpitxapeldun duhin batzuk bilakatu dira. Aupa Osasuna!

  • Ekainak 12. Erruedaz betetako eguna. Goizean Catalunyako motorren Sari nagusia egon da. 250 cc-tan Dani Pedrosak irabazi du maisutasun handiz. Moto GP-n Sete-Rossi norgehiagoka eduki dugu. Italiarrak irabazi dubere aurkariaren etxean.

Bazkalostean txirrindularitza. Iñigo Landaluzek maillot horia eramango du bere etxera. Dauphine Libereko elastiko horia, baina oso baliotsua. UCI pro tour barruan sartutako itzulikoa. Lehenengo garaipena Euskaltel-Euskadirentzat. Chaeau Landaluze!!!

Arratsaldean bat formula. Ekaitza hasi da hemen. Hori Canadan nabaritu da Renault taldean. Bi kotxeak kalera. 19 bira falta dira.

Gabean futbola. Bi euskal talde lehenengo mailara igoteko aukera dute. Eibar eta Alaves, zorte on!!!

  • Ekainak 13. Lehen eguna.

Gaur lehen lan eguna izan da. Igerilekura bueltatu naizenean dena hankaz gora zegoen. Hori bai, botikina nahiko txukun zegoen eta nahi adina material eta sendagai lehen egunak lasai igarotzeko.

Oraindik ezin dugu ateak publikoari ireki. Gure planen arabera hori asteazkenenan gertatuko da.

  • Ekainak 14. Lehen igerilariak.

Igerilekuaren garbiketa lanak aurrera jarraitzen dute. Gaur asko aurreratu da, eta biharko presta dago dena ateak ireki ditzagun. Hala ere gaur bi igerilari hurbildu dira eta baimena eman diegu bainu bat har dezaten.

  • Ekainak 15. Ateak ireki, lehen larrialdiak.

Gaur ateak ireki ditugu. Goizean ez da inor hurbildu. Arratsaldean bai. Hala ere jende gutxi hurbildu da, eguraldi eguzkitsua izan arren hotz baitzegoen giroa.

Lehen larrialdia izan dut. Zehazki esateko intsektu baten ziztada hanka batean. Krema bat aplikatu ziztaden eragina baretzen duena eta arazoa konponduta.

  • Ekainak 16. Txirrindulari baten heriotza.

Txirrindularitza atsegin dut. Atsekabe handiz hartu dut Galetti italiarraren heriotza.

Halako gertaerak ez dira oso atseginak irakurtzeko, baina askotan gertatu ohi dira. Hor daude Kivilev, Sanroma edo Casarteliren kasuak. Pena bat da eta txirrindularitza doluz egotea oso tristea da. Hala ere Galetti gehien atsegin zitzaiona egiten zendu zen. Horregatik aurrera begiratzeko deia egiten diet txirrindulari eta zale guztiei.

  • Ekainak 17. Lehen larrialdi larria.

Gaur hiru larrialdi izan ditut. Lehenengoa nahiko larria. Buruan kolpe bat eta odol jarioa ondorioz. Sueroarekin garbitu ostean odol jarioa eten egin da. Bigarren kasuan neska gazte bateri kristal zati txiki bat azalean sartu zaio eta pintza batzuen bidez zatia atara diot. Zatia ematen zuena baino handiagoa zen. Eta hirugarren kasua mozketa bat belaunean, eskerrak ez zuela odol jariorik.

  • Ekainak 18. Eibarren eguna.

Gaur egun lasaia eduki dut igerilekuan. Bero handia, jende ugari baina ezustekorik ez. Emozioa 18:30etatik aurrera etorri da irratia piztu dudanean. Eibarren partidua entzuten egon naiz azken ordu eta erdia.

Hamalaugarren minutuan lehen mailako taldea zen, 44. minutuan bigarren mailara itzuli da eta hor geratu da beste urte betez. Celtak eta Cadizek beren partiduak beren alde jarri dutelako. Bigarren zatian Cadizek bigarrena sartu dueta Racing de Ferrolek berdindu egin du bere neurketa Eibarren aurka. Hor ametsak amaitu dira eta Celtak bigarren gola sartu duenean are gehiago. Azkenean bigarren mailan jarraitu behar. Aupa Eibar!!!

Ekainak 28. Lehnengo jai eguna.

Gaur lehen jaieguna dut. Nire lankidea unibertsitatetik itzuli egin bait da.

Hau da hau lasaitasuna gaurkoa, bihar berriro itzuli beharko dut lanera baina gaurko eguna topera aprobetxatzera noa.

Orain ordenagailu aurrean nago zuei denoi hau idazten. Ez zarete kexatuko. Badakit ez direla artikulu honak baina etxera bueltatzen naizenean errepasatuko ditut eta matizatu egingo ditut. Eskerrik asko hor egoteagatik eta hurren arte.