Kategoriaren artxiboa: Sailkatugabeak

Errepresioa ez da bidea

*Orain dela hilabete batzuk, galdetu zidatenean blog hau zergatik egin, hau erantzun nuen: gaztea naizelako eta gauza asko kontatu nahi ditudalako. Oñatiko gaztetxearen gaia pil pilean dago oraindik eta orreri buruzko beste artikulu bat idaztera noa. Ez da azkena izango.*

Hiru aste igaro dira dagoeneko A-8tik. 21 egun Oñatiko gaztetxea bota zutenetik. Erarik ankerrenean bota ere. Oraindik kaleak jarrita ez dauden ordu batean, goizeko zazpietan.
Horiek ez dira gazte askori elkartzeko tokia kentzeko era. Goiz hartan hori ez zen gertatu behar. Eraikuntza ez zegoen erortzeko, hortik Oñatiko mila gazte igaro baitira beren deabrukeriak gauzatzeko. Eta jausteko bazegoen, zergatik ez dute bota hori esan zutenetik?

Arratsalde horretan gazte mordoa elkartu ziren herriko plazan. Manifestazio bat deitua zegoen goizeko txikizioa salatzeko. Kale zaharretik gora joan ziren eta bueltarako ertzainak itxaroten. Hauek manifestazioa sakabanatzeko gomazko pilotak jaurtitzen hasi ziren.

Ez al dugu ba pertsonak elkartzeko eskubidea eta adierazpen askatasuna? Ertzaintza ez al da herriaren segurtasuna bermatzen duena? Lehenengo galderari ezetz erantzun zioten beltzek eta bigarrenari berdin. Badirudi indar hauek partidu politiko baten eta tokian tokiko alkatearen mende daudela, kasu honetan PNV eta Andoni Garcia. Edo bestela zergatik ez zuten utzi elkarretaratze baketsu bat egiten?

Hauek ez dira erak, Andoni. Zuk hori ondo dakizu.

Seguruenez artikulu hau ez da izango OGA eta gaztetxeari buruzko idatziko dudan azken artikulua.

Pd: Askok ez dakite Gazteleku eta gaztetxe baten arteko aldea. Askok esaten dute izenak ez duela garrantzirik, ba badu. Hemen erraz samar azalduko dut. Gaztetxe batean gazteek beraiek erabakitzen dute zer egin eta zer ez. Gazteleku batean udalak ezartzen ditu arauak, hau da, proiektu politiko bat da eta beraiek agintzen dute.

Heras, momentuz errugabe

Utzi erantzuna

Txirrindularitza berriro ere informazio lizunez irakurri daiteke egun hauetan. Espainiako lau itzulietako irabazlearentzat, Roberto Heras, egun ilunak dira hauek.

Aurtengo Espainiako itzulian jokatutako azken aurreko etapan EPO nabaritu dute beren gernu analisietan.

Informazio honekin ez da soilik pertsona baten izena zikintzen, kirol oso batena baizik. 1997tik, Festina tourretik bota zutenekoa, gaur egun arte doping kasuak egunkarietako orriak eta orriak betetzen dituzte. Egia da txirrindulari batzuk drogatu egiten direla beren kirol maila igotzeko, baina oso gutxi dira. Kirol guztietan gertatzen dira horrelako kasuak. Zergatik agertzen diren gehien txirrindularitzan? Erantzun erraza: kontrol gehien egiten den kirolean delako.

Min egiten dit entzuteak 200 kilometro egiteko dopatu egin behar dela bat. Hori entrenamenduen ondorioz lor daiteke. Eta bestela horrelako esaldiei erantzuteko horrelako bat erabiliko nuke: Eta 90 minutu baloi bateri ostikadak emateko, eta baloia 100 kilometro baino gehiagoko abiadura hartzeko eta 50 metro eta 100 metro bitarteko distantzia batera botatzeko, ez al da dopatu behar? Eta horrela mila adibide, baina ez dut jausi nahi joku horretan. Guk, txirrindularitza maite dugunok, duinak garelako.

21ean dena argituko da

Momentuz Heras errugabea da eta hilaren 21ean egingo den kontraanalisiaren emaitza jakin arte ezin daiteke ezer esan.

Momentuz dena espekulazio hutsa izan da. Mesedez itxaron dezagun eta utz dezagun gauzak dauden horretan.

Gaztetxea bizirik jarraiutko du

2 erantzun

Oñatiko gaztetxea zer esan ugari eman ditu hilabete hauetan. Bizitza ugari eman dio Kasablankako auzoari, eta are garrantzitsuagoa, gazte mugimendua hazi egin da.

Gaur egun tristea da. Atzo goizean gazteek izandako lekua azken bi hilabeteetan bota egin zuten. Horren ondorioz manifestazioa deitu zuten gazte asanbladakoek eta istilu ugari sortu ziren arratsaldean. Gaur grebatara deituta daude ikastetxeak. Hainbeste orduz lan egin ondoren ikusteak makina batek zure lanak bota dituela ikusten denean, normalean, ez da egoten aurrera jarraitzeko gogorik. OGA-k ordea hori lortu du. Edozer gertatzen dela beti etorkizunera begira dagoen talde bat da. Dagoeneko pentsatzen hasiak dira astebukaera honetan programatuta zutena burutzeko asmoa dutela.

Oñatin gazte mugimendua luzaroan jarraituko du. Gazte ugari dago etorkizunean berriro ekintza ugari egiteko asmoarekin. Gainera herriko hainbat elkarteetako laguntza jasotzen dute.

Nire animurik beroenak OGA-ri, hilabeteetan bizitza eman diola Oñati herri hilari. Inkomunikatutako herri batean, ikusi denez, gazte askok beraien artean koordinatzen baldin badira, bizia ematen diote lotan dagoen gizarte bateri.

Zorionik beroenak eta hurrengo gaztetxea betirako izan dadila!!! Eutsi goiari eta segi aurrera!

Nire lehen hizkuntza

Utzi erantzuna

Gasteizen bizi naiz astean zehar. Residentzia baten nago beste 29 lagunekin. Leku askotakoak gara: gipuzkoarrak, bizkaitarrak, nafarrak… baina Euskal Herritik kanpo ere bada jendea: kataluniarra, kantabriarra…

Hizkuntza hiru daude beraz gure etxebizitzan. Euskara, katalana eta erdara. Unibertsitatean hizkuntza gehiago daude: italiarra, galegoa, frantsesa, ingelesa…
Nire ustez hizkuntza guztiek maila bera eduki behar lukete. Hizkuntza guztiak ofizialak izan beharko ziren eta ez bata bestearekiko mendekoa. Horregatik nik, hiri honetan nire lehenengo berba euskara da. Hatzaileak ez badaki nire hizkuntza ni bere hizkuntzara edo bera nirera moldatuko litzake. Baina garrantzitsuena gai honetan hizkuntza bat ez galtzea da.

Euskaraz berba egin behar, ez bakarrik komunikatzeko, ondare kultural bat urteen ondorioz mantentzeko ere. Horregatik nire animorik beroenak ematen diet euskara defendatzen duten guztiei eta horrela jarraitzeko. Gainera euskal ikasleei eta ez diren euskal ikasleei eskatzen diet beraien lehenengo hizkuntza euskara izan dadila, jakiten badute. Horrela gure bizitza erosoagoa egin baitezakegu.

Lanez gainezka.

Azken aldi honetan lanez gainezka egon naiz. Ahal dudanetan idatziko dut blogean. Ikaslearen mundua ordu askotako lana da.

Alonso eta Raikkonen

Utzi erantzuna

Bi gidari gazte. Bata munduko txapelduna eta bestea bi aldiz azpitxapelduna. Bata espainiarra eta beste finladiarra, hau da, bat formula ekarpen handirik ez duten bi lurralde. Azken urte hauetan estatuan bat formularako zaletasuna igo egin da Asturiarrari esker.

Alonso eta Raikkonen. Raikkonen eta Alonso. Nor baino nor. Buruz buruko itzelak edukiko ditugu etorkizunean. Norgehiagoka honetako hurrengo geltokia: Txina. Azkena: Japon. Azken lasterketan gauzak erabakitzeko oraindik.

Munduko gidarien txapelketa erabakita dagoenean, kotxe egileena falta da oraindik. Atzo izugarrizko lasterketa ikusi genuen, eta bi pilotu titularrek ez zuten huts egiterik egin. Izugarrizko ikuskizuna eman zuten bi gidariek. 16. eta 17. postuetatik, 3. eta lehenengo postura. Finlandiarrak historiaren hirugarren erremontadarik onena burutu zuen. Denbora asko pasa da Niki Laudak eta John Watson-ek AEB-ko Long Beach zirkuituan 21 postu aurreratu zituztenetik. Hain zuzen ere 22 urte.

Gakoa bigarren pilotuan egongo da igandean. Montoyak; pikutara bota zuen ordutako lana lehenengo bira tamalgarri baten, eta Fisikok urrezko bi puntu galdu zituen azkeneko itzulian, lasterketa osoa buruan egin ondoren. Bietako batek emango dio titulua bere taldeari. Helmugan lehenago sartzen dena, bigarren pilotu ona izango da, bestea txarra. Zer gertatuko den? Zazpi egun barru erantzuna.

Igande honetan bukatuko da 2005eko denboraldia. Michael Schumacher tronutik jaitsi den denboraldia.

Gaztetxea

2 erantzun

Oñatiko gaztetxea sortu zenetik nahiko denbora pasa da. Orreri buruz ez dut ezer idatzi oraindik eta uste dut garaia dela idazteko.

Udan lanean nengoela Kasablankako ikastolatxoa okupatu zutela esan zidan herriko batek. Berria pozik hartu nuen eta Oñatira joan nintzen egun batean, gaztetxera joatea otu zitzaidan. Ez zegoen inor, dena obrak ziren baina asko gustatu zitzaidan eraikin horretako barrenetan zehar ibiltzea. Nire autobisitari bukaera emateko agur bat idaztea pentsatu nuen paper zati batean. Eta badirudi atean jarri zutela idatzi hori. Ordu askotako lanak egon dira gaztetxe hori errealitate egiteko, ametsa egi bihurtzeko. Udaletxe azpitik liburutegira, liburutegitik San Martin parkera eta hortik Kasablankara. Otsailean hartu zuen OGA-k udaletxetik aldentzeko erabakia eta orain herriaren zati handi bat bere oniritzia du, Ezker abertzalea esaterako.

Orain gazteen alternatiba bihurtu da. Gaztetxeari esker aste-bukaerak hiru egun dute eta ez bat eta erdi lehen gertatzen zen bezala. Orain Oñatiko jaiak asteartean erroxaixo bixamonaren ondoren ere ekintzak antolatzen dira.

Zorionak Oñatiar ibiltari baten partez. Segi aurrera eta urte askotarako!!!

Bookcrossing

Erantzun 1

Liburuak gure artean daudenean, askotan preso egoten dira. Apaletan egoten dira egunak pasa egunak etorri, inor ohartu gabe hor daudela.

Hori ez gertatzeko bookcroossing fenomenoa sortu da. Edonork kodigo bat jartzen dio liburuari eta edozein lekutan uzten du beste pertsona batek har dezan (parkean, tabernan, geltokietan) Horrela beste batek hartzeko.
Beste horrek egingo duen lehenengo gauza interneten erregistratzea izango da. Ondoren irakurri eta beste toki baten utzi. Horrela hamaika aldiz.

Honen eraginez liburu batek bira eman diezaioke globo osoari. Euskal Herrian askatutako liburu bat Txinan bukatu dezake.

Nola lortu kodea? Erraz, lehenengo bookcrossing-eko estatuko orrian erregistratu eta ondoren pauso batzuk jarraitu beharko dituzu liburu bat asaktzeko. Pena da ingelesez askatu behar delako, baina logika pixka bat erabiliz lortu daiteke.

Nik dagoeneko nire lehen liburua askatzekotan nago. Ez noa esatera noiz eta non, fenomeno honen xarma ere ehizan dagoelako. Baina beno, norbaitek hartzen badu espero dut ez galtzea liburu hori, datuak itxaropentsuak ez izan arren.

Nik, blog honetatik, deitu egiten dizuet dituzuen liburuak aska dezazueten! Animo eta ongi izan zuen abentura berri honetan.

Oñatiko txosnak 2005

Erantzun 1

Berriro gozatu dut musikarekin zuzenean. Bart gabean Oñatiko jaietako txosna gunean. Sorkun bakarlaria egon zen.

Asko gustatu zitzaidan emandako kontzertua. Lagun asko elkartu ginen eta bat baino gehiago gustura joan ginen etxera. Kantu melankoliatsuak, kantu biziak… Errepertorio zabal bat erakutsi zuen neska bakarlariak. Gainera bere dantza exotikoak txundituta utziko zuen baten bat. Hasiera batean gabardina gorri batekin, eta giroa berotzen joan zen heinean gabardina bere gorputzetik joaten hasi zen. Azkenean gabardina gabe bukatu zuen kontzertua eta lehenengo kantuaren erritmo berarekin, bizi-bizirik.

Eskerrik asko Sorkun. Kontzertu izugarria izan zen atzokoa.

Meritu handiko neska.

Txundigarria iruditzen zait lagun honek egin eta egiten jarraitzen duena. Bakarlaria da, euskalduna da eta gainera neska da.

Denok dakigu ezaugarri hauek duen jendea, oso gutxi dela. Nik ez dut horrelako neska bakarlaririk ezagutzen, gehien jota talde batean joten duen bakarlaria (hauek ere beren meritua badaukate). Azken aldiz ikusi nuenean neska bat taula gainean Klorofilako kontzertuan izan zen, Oñatiko jaietan ere.

Betidanik lotu dugu musika euskalduna genero maskulinoarekin. Sorkuneri esker hori aldatzen ari da.

Kolaborazio eske

Erantzun 1

Laguntza eske idazten dizuet. Unibertsitatean Amerikako historiarako sarrera deituriko asignatura daukat. Irakasleak gai bat aukeratu du, Euskaldunak eta Amerikarrak, Amerikarrak eta Euskaldunak. Lau hilabete bukaeran ikerketaren bat egiteko eskatuko digu, gure herriko biztanleak eta Amerikaren artean. Baten batek informazioren bat edukitzen badu Oñatiarrak eta Amerikarrak lotzen dituenei buruz, bidali ezazue informazio hori, edo erantzunen orrian ezarri, mesedez. Asko eskertuko nizueke.

Azken ohar bat, edonork Oñatiko Cristobal-i buruz informazioren bat edukitzen badu,baita ere bidal dezala. Badirudi Cristobal hau ipar mendebaldeko Mexikoko konkistan pertsona garrantzitsua izan zela XVI. mendean.

Formula Alonso

Utzi erantzuna

Dena esanda eta idatzita dago. Batzuk oraindik esango dute Fernando ez dela aurtengo piloturik onena. Raikkonen dela, lasterketa gehiago irabazi dituelako, edo Schumacher dela bolido txarra izan arren. Nik diot datuak objektiboak direla eta aurtengo piloturik onena Alonso izan dela. Piloturik onena, erregularrena da. Kirol guztietan gertatzen den bezala.

Zorionik beroenak Fernando. Lortu duzu. Oraindik gogoratzen dut zelan geratu zinen orain dela lau urte Britainian Handiko Sari Nagusian gurpil gabe eta boxes-etan sartu ondoren bukatu zenuela lasterketa.

Eutsi goiari! Oraindik urte zoriontsu asko emango baitiguzu.