Hileko artxiboak: maiatza 2005

Mendiko bizikletari agur

Utzi erantzuna

Larunbatean mendi bizikleta denboraldia bukatu nuen. Egia esan bizikletan ez naiz asko ibili aurten, baina orain eguraldi onarekin espero gehiago ibiltzea.

Arrasaten izan nintzen antolatutako mendi aste barruko egitarauko ekintza burutzen. Mendi bizikleta. Musakolako kiroldegian elkartu ginen eta antolatzaileentzako sorpresa ikaragarria izan zen halako jendetza bildu izana. Atxabaltara jo genuen lehenik eta ondoren mendia zehar Arlaban-eraino. Tiro zelaian jatekoak genituen eta hortik bueltan Arrasatera. Goiz ederra igaro genuen eta ibilaldi ederra prestatu zuten antolatzaileek. Nik ez nuen inoiz olako parajetatik ibili, ez baitut asko ezagutzen inguru hau asko. Baina horrelako ekintzekin gure ingurua erraz ezagutu dezakegu. Horregatik nabarmendu nahi ditut horrelako ekintzak gure ibarrean ematea. Eskerrik asko goiz eder bat eskaintzeagatik.

Beste alde batetik aurtengo denboraldian lehenengoz mendi bizikleta Durruma Kanpezun hartu nuen. Beste mendi ibilaldi baten. Urriak 31. Bezperan Kalañatasarayko taldearentzat egun ahaztezina bere lehen puntua lortu baitzuen Oñatiko Herriko futbol txapelketan.

Ibilaldia Izkiko parke naturaletik zehar izan zen. Paraje ikusgarriak ikusteko aukera ezin hobea. Datorren urteko urriko azken igandean ere animatu egingo naiz bizikleta hartzera.

Bigarren aldiz Jaen-en eta Kordoban hartu nuen txirrindua. Trena igaro zen lekutik ibili ginen nire aita eta koinatuarekin. Hemen izugarrizko hotza egiten zuen bitartean, han (niretako) uda zen. 33 gradu eta hori eguerdiko hiruretan. Beste aste bukaera zoragarri bat igaro genuen, istripu txiki bat izan arren.

Eta orain errepideko bizikleta hartzeko ordua iritsi zait. Helburu bat dudalako eta nire zaletasuna delako. Helburua: Donejakue bidea egitea Orreagatik irailean.

Horren berri blogean denbora igaro ahala kontatuko dizuet.

Sobron

Utzi erantzuna

Gaur ez dugu eduki klaserik. Txangoa izan dugu. 8.15etan hartu dugu autobusa kiroldegi aurrean eta Sobron -era abiatu gara. Hango kirol eremuan igaro dugu goiza. Daukagun tentsioa kirola egiten kentzeko aukera izan dugu. Jardunaldi ona ikasle estresatuentzat. Praktikatzen eta normalean gure inguruan ez ditugun kirolak egiten ordu alai batzuk igarotzeko aukera izan dugu. Kirolen artean puenting, rappel, kayak, paintball arku-tiroa… aukeratzeko zeuden.

Gure arteko harremanak estutzeko balio izan da egun hau baita ere. Eta ahazteko azterketekin, baina berriro arratsalde honetatik aurrera ikastera ekin beharko diogu. Biharko emaitzen arabera, batzuk datorren asteazkenerako ikasi beharko dute (selektibitatea) eta beste batzuk ekaina bukaerarako (bigarren sufizientzia).

Zorte on guztioi!

Bi memei erantzungo diet.

Erantzun 1

Bertol Bellosok eta Leire Kortabarriak meme bana egin dituzte bakoitzak. Ni biei erantzungo diet.

Musika meme-a.

1) Testigo recibido de: Bertol Belloso

2) Tamaño total de los archivos de música de mi ordenador: 50 MB inguru.

3) Último disco que me compré: Ez dut gogoratzen…

4) Canción que estoy escuchando ahora: Kaos Etiliko Imposible

5) 5 canciones que escucho un montón o que tienen algún significado para mí:

  1. Bruce Springsteen Born in the USA
  2. Ken Zazpi Ilargia
  3. Queen We will rock you
  4. Kortatu Mierda de ciudad
  5. Ken Zazpi Ezer ez da betiko

Liburuei buruzko meme-a.

1) Inoiz izan dudan liburu kopurua

Ez dakit. X.

2) Erosi dudan azken liburua

Memoria de mis putas tristes (Gabriel Garcia Marquez).

3) Irakurri dudan azken liburua

Angeles y demonios (Dan Brown).

4) Niretako asko esan nahi duten bost liburu edo liburu sorta (edozein ordenetan)

Pasa lekukoa bost laguni

Edozein blogari edo irakurleri doa zuzendua meme hauek.

Gipuzkoako Aldundia eta blogak

Utzi erantzuna

Gipuzkoako Aldundiak DV-rekin blog lehiaketa bat atera zuen. Hasiera batean erdara hutsez izatea erabaki zen. Baina hori ez zen gauza bakarra izan. Aldundiak blog euskaldunen aitzindaritza egunkariari eman zion, eta hori guztiz faltsua da. Blog euskaldunak sustatun hasi baitziren. Ondoren eibar.org-ek zerbitzu publiko bezala eman zuen eta goiena.net-ekoek otsailean hasi zuten ekimen hau.

Hori denagatik nire kexa aditzera ematen dut. Gipuzkoako Aldundira bidali den eskutitzean nire izena jartzeko baimena eman dut guztiz ados nagoelako gutunarekin. Komunitateko blogari gehienko baiezkoa eman diogu eskutitzari.

Gutuna irakurtzea nahi baldin baduzu, jarraitu irakurtzen. Goiena.net-eko blogariok bidali diogun bloga Gipuzkoako Aldundiari:

Apirilaren hondarrean Gipuzkoako Foru Aldundiak hitzarmen bat egin zuen El Diario Vasco egunkariarekin, blog lehiaketa bat antolatzeko. http://blogs.diariovasco.com/ Ez zituen aintzat hartu ordura arte Gipuzkoan bertan blogintzan egindako ahalegin oparoak, eta DV-rekin ezkondu zen.

Nork bere ezkontideak hautatzen ditu, eta Gipuzkoako Foru Aldundiak eskubide osoa du berea aukeratzeko. Hautuak, ordea, sortu zituen protesta batzuk, adibidez: Blog&roll lehiaketa printzipioz gaztelania hutsez izan behar zelako; edo saritzea nahi zutelako blog onena, baina horretarako ezinbestekoa zelako blog hori Diariovasco.com-en egitea; edo, oro har, aitzindarien lana kontuan hartzen ez zelako.

Okerrena, baina, orain dator: Gipuzkoako Foru Aldundiaren organo ofiziala hasi da hainbat informazio banatzen, eta hor aldatu egiten da euskal blogintzaren historia, DV-ri emateko ez daukan aitzindaritza. Eta hori ez diogu onartuko.

Gipuzkoako Foru Aldundiak antolatu du E-gobernua eta hiritarren parte-hartzea, jardunaldi batzuk, non gonbidatu dituen Europa Press-eko ordezkari bat, eta beste bat DV-koa, teknologia berriez hitz egiteko. Eta DV-ren ordezkaria aurkezterakoan, hauxe dio: ³Diariovasco.com fue el primer medio digital en incorporar foros de discusión sin pre-moderación, y ha sido también el primero en poner a disposición de sus usuarios un servicio de blogs².

Blogei dagokienez, hori ez da egia. Gipuzkoako Foru Aldundiak eta DV-k badakite Euskal Herrian lehen bloga, Sustatu, 2001ean kaleratu zela, Code&Syntax (Eibar) eta Goiena (Debagoiena) enpresek sortua. Lehen blog zerbitzua Eibar.org erakundeak sortu zuela 2004ko uztailean. Goiena.net-ek 2005eko otsailaren 22an aurkeztu zuela bere blog komunitatea Koldo Mitxelena kultura gunean, Donostian. Eta gero etorri zela DV bere blog zerbitzuekin. BainaŠ, hor egon liteke aitortu gabeko koska Gipuzkoako Diputazioarentzat, blog horiek guztiak euskaraz daudelako. Horiek ez ezik, beste asko ere, 170 blogetik gora, euskaraz daude, eta Aurki.com albiste biltzaileak jasotzen ditu uneoro.

Bada beste bidegabekeria bat egin duena Gipuzkoako Diputazioak eta da hauxe: asko gara gaudenak izena emanda e-postazko buletin batera, Gipuzkoa.net atari ofizialean zer dagoen berri jasotzeko. Oraingo astean etorri denak, konpentsatzeko-edo, berritasunetan zekarren lotura bat: Goiena.net. Berritasuna, non eta 2003ko udazkenetik dabilenean ekimen hau sarean!. Nola hartuko gaituzte kontuan Deba ibarrean, San Vicente de la Barqueraren parean… Horientzat Gipuzkoa hasten da DV-ko orrietan eta amaitzen da Igara-Ibaeta inguruan.

Gipuzkoako Foru Aldundiak aukeratzea dauka nahi dituen aliatuak, baina, mesedez, ez dezala historia faltseatu eta izan dezala errespetu apur bat punta-puntako teknologia erabiliz euskarazko ekimen berriak bultzatzen dihardutenekiko.

Joxe Aranzabal, ŒEibar.Org¹ eta ŒGoiena.Net¹ komunitateetako blogarien izenean

San Martin

Erantzun 1

Uda iristear dago. Negu hotz eta ez dakit zenbat elurte igaro ondoren (zortzi uste dut izan direla), eguraldi ona dagoeneko hemen da. Neguko arropak armairuan gorde eta kalera irteteko garai iritsi da gure udako arropekin. Izerdiz blai egoteko eguraldia egiten ari da azken egun hauetan gure ibarrean.

“Oñatin”:http://www.oinati.org beroari aurre egiteko eta freskatzeko leku anitz ditugu. Naturak ematen dizkigun aukerak erabili egin behar dira. Mendira irten, parkeetara joan, uretan bainatu…

Oñatiko lekurik onenetakoa itzalpean egoteko San Martin-eko parkea da. Parke hau pertsona ugarientzat egokia da. Kirolarientzat kirola egiteko, pasioak gustatzen zaionari ibiltzeko toki anitz baitago, umeentzako jolas parkea daudelako (azken honen egoera ez dakit nolakoa izango den), irakurleentzat irakurtzeko naturaz inguraturik sekulako plazerra delako, musika entzuten dutenentzat, bikoteentzat eta abar luze bat.

Horregatik deitzen diet denei San Martineko parkera hurbil daitezen eta goza dezaten parke polit honetaz. Hori bai, beti ere errespetuz. Guk hondatzen badugu gure ondorengoek ez baitute jakingo zein den Oñatiko lekurik ederrenetakoa.

Maiatzak 24

2 erantzun

Emakumeareen mundu martxa Euskal Herrira iritsiaz batera, blog hau sarean jarri da. Goiena.net -eko globosferan blog bat bat gehiago dago.

Eskerrak eman nahi dizkiet Ibaneri eta Maiderreri, beraiek irakatsi baitzidaten zelan editatu blog batean. Eskerrak baita ere diseinatzaileari (barkamena eskatzen diot ez dakidalako bere izena) head polit eta elegante bat egin didalako. Eta irakurleei, batez ere Leire Kortabarriari eta Iban Aranzabaleri, lehenengo erantzunak ematearren.

Ezin dut daukadan poza hitzez azaldu. Esker mila.

Post data: Badirudi mundua Iban-ez dagoela josita (Ikastaroan hiru gizonezkoetatik hirurak ginen Iban eta jaso ditudan erantzun bietatik, gizonezkoa ere Iban deitzen da).

Debagoienean astebukaerak ez daude hilda

2 erantzun

Astebukaera eta ekintza askoren sinonimoak dira gure ibarrean. Denetarik egiteko aukera egon da, kiroletatik hasita ikuskizunetara arte.

Larunbatean Arrasaten herri kirolak ikusteko aukera egon zen eta 3X3-ko saskibaloi txapelketa antolatu zen. Gainera erdi aroko merkatu bat jarri zuten. Herriko alde zahar osoa (kaleak eta dendak barne) oso ongi apaindu zuten arrasatearrak. Larunbatean baita ere, Aretxabaletan euskararen eguna ospatu zen. Aste osoan egindako ekitaldiei bukaera itzela eman zioten. Gure hizkuntza gero eta gehiago bultzatuz, giro bikaina sortu zen herrian. Niaz, zuaz, euskaraz.

_Oñatin_ errekaldeko jaiak ospatu ziren. Nik aipatu bezala larunbateko artikuluan, ostiralean txupinazoarekin batera gazteei zuzendutako kontzertuak egin ziren, ondoren larunbatean egun handia 11 ekintzez eta gabean erromeria, eta igandean antzerki saio bat. Eta hori gutxi balitz, arrantza txapelketa igande goizean.

Ostiralean Eskoriatzan HUHEZI fakultatekoek beren eguna izan zuten. Bazkari ederra jan omen zuten unibertsitateko parking-ean, eguzki azpian. Bat baina gehiago erreta bukatu zuen eguna.

Ondorioztatu dezakegu Debagoiena ez dagoela hilda, inoiz baino bizi gehiago du.

Erockaldeko jaiak 2005

4 erantzun

Atzo gabean Errekaldeko jaietan egon nintzen lagunekin. Izugarri ondo igaro nuen gaua. Musika kontzertuak izan ziren protagonista nagusiak. Horrela izan ohi da azkenengo hiru urteetan. Errekaldeko jaiek badute bere “estrategia”. Ostiral gabean kontzertua gazteei zuzendua eta larunbat gabean erromeria, helduagoei zuzendua. Horrela ostiral gabean gazteak urten egiten dira (hori gero eta gutxiago egiten da gazteen partetik) eta larunbatetan gazteak herriko taberna edo poteo inguruan ibiltzen dira. Ondorioz Errekaldeko jaietako arduradunak eta tabernariak pozik. Bi kontzertu ikusi nituen. Drakes eta Potemkin . Lehenengoan nire kintadako bat zegoen eta nahiko ezagunak dira Oñatiko gazteen artean, eta bigarrena Danbakako finalean bigarren gelditu zen. A ze nolako bi taldeak! Asko gozatu nuen. Nik ez daukat ideia askorik musikari buruz baina ongi pasa nuela ziurtatu beharra daukat.

Beste alde batetik jai hauen alde ona oso ongi antolatuta dagoela da. Atzo jende ugari bildu zen eta gaur ere ekintza ugari daude jendea hurbiltzeko: mendi bizikleta, saskibaloi txapelketa, arku tiroa…

Besterik gabe, animatu egiten zaituztet hurbiltzeko Errekaldeko jaietara… edo Aretxabaletara Euskararen eguna ospatzera. Baina irten eta ongi pasa, gaur egun ona izango baita horretarako.

Bukatu da (lehen atala)

Erantzun 1

Gaur, maiatzak 20, eguerdiko ordu-batak eta erdietan, Txantxiku Ikastolako batxilergo bigarren mailako ikasleok hirugarren hiruhilabeteko azterketak amaitu ditugu.

Bederatzi azterketa egin ondoren, amaitutzat ematen dira ikasturte honetako azterketak. Hemendik aurrera selektibitaterako prestatzen arituko gara eta baten batek zerbait utzi badu, datorren astean izango du bigarren aukera gainditzeko lehenengo insufizientzian. Ikasturtea joan da. Irailean hasi ginen eta orain bukatu dugu. 8 hilabete baino gehiago izan dira. Denetarik egon da gurean: hitzaldiak, Ikastolako egun bat, txangoak… Barre egiteko momentuak eta negar egitekoak ere egon dira. Eskerrak emateko garaia iritsi da, bata besteari zoriontzeko momentua eta norbaitek zer edo zer utzi badu, animatzeko garai da, esanez pertsona horreri burua altxatzeko eta bizitza jarraitu egiten duela.

Bidean geratu zareten denoi, animo, eta aurrera jarraitu duzuenei, zorionak. Askorik eta askori, eskerrik asko hor egoteagatik. Zuei esker iritsi naiz ona.

Monaco

Utzi erantzuna

Osteguna da. Gaur Formula 1 -eko entrenamenduak hasi dira Monacoko hirian. Bi entrenamendu saio egin dituzte. Azkarrena Fernando Alonso asturiarra.

Bere atzetik geratu dira Wurz, Coulthard , Fisichella … Eta hamaikagarren Michael Schumacher. Argi geratu dira gauza batzuk, Renault eta McLaren-Mercedes talderik puntakoenak dira, Red Bull racing sorpresa izan daiteke sari honetan eta Ferrari krisian dago (baten batek dudak bazituen).
Nire gustokoa Fernando Alonso da. Eta nire ustez lasterketa honetarako hautagai nagusia garaipena lortzeko. Oraindik astebukaera luzea izan arren.

Beraz larunbat eguerdian telebistaren aurrean jarriko nahiz pole position-a lortzeko lehenengo bira emango baitdute eta pilotuek. Eta hurrengo egunean goizeko hamarretatik aurrera jarriko naiz sofan ikusteko bigarren bira eta GP2 ko saria. Ondoren eguerdiko ordu bitan hasiko da Monacoko sari nagusia.

Nire pronostikoa:

  1. Fernando Alonso.
  2. Giancarlo Fisichella
  3. David Coulthard.

Azterketekin jarraitzen dugu.

Kirola alde batera utzita. Esan dezaket gaur bi azterketa eduki dugula, atzo aipatzen nituenak. Eta bihar amaitzen dugula beste bi azterketekin. Humanistikokoen kasuan, Ekonomia eta Euskara dugu.

Zorte on denoi (berriz) eta asko ikasi (berriz)!!!