Entzungai duzue dagoeneko Anthony B abezlari Jamaikarrari eskeinitako saioa.
Anthony B ren 8 diskatik aukeratutako 16 abezti guztira. Lehenengo abeztiaren melodia denok ezagutzen duzue eta hurrengoak mugitu eta dantzan jarriko zaituzte edonon saioa entzuten zaudetela.
Badakizue saio guzti hauek zuzenean edo deskargatu eta edozein momentuan entzun daitezkela.
(Badakit oraindik nerbio apur bat falta zaidala hitzegiterakoan) 🙂
Gaurko Kingston Hiriko protagonista Anthony B izango da, 96.0FM Bilbo Hiria irratian 19:00etan.
Afrikar jatorria gogoan du Anthony B bere abeztietan eta afrikar
abezlari askok izan dute lagun bere lanetan, rastafari Jamaikar gazte
hau azken boladako dancehall abezlari garrantzitsuenetarikoa bihurtu
da.
Saio oso mugitua izango da, Anthony B ren abeztiak oso dantzagarriak
bait dira. Gaurko saioan ez dugu Anthony B Euskal Herrira noiz datorren
eskatu beharko Azaroaren 21ean izango dugulako Bilbon Santana 27 Aretoan.
Jamaikaren aroa izaten ari da oraingo hau, Euskal Herrian! Ez naiz Jamaikatik datozen artisten kontzertuak aurkezteaz aspertzen eta oraingo hau ez da gutxiagorako: Black Uhuru eta Abbysians taldeak izango bait ditugu Bilboko Santana 27 Aretoan abezten Urriaren 31an, asteartea.
Black Uhuru edo Abbysinians ezagutzen duenak, badakit ez duela joateko aukera galduko eta oraindik ez Black Uhuru ez Abbyisians ezagutzen ez dituenak, reggaea maite badu, joatea gomendatzet diot, ez da damutuko.
Datorren Urriaren 28an, larunbata,
kriston musika-emanaldia entzuteko aukera izango dugu gaueko
21:00etan, Ordiziako Jakintza ikastolan! BIG YOUTH dator abeztera!
U Roy eta Big Youth DJ Setetako famatuenetarikoak ziren Jamaikan 70. hamarkadan. Ez da oso ohikoa Big Youth abezten entzuteko aukera izatea, beraz ezin dezakegu inola ere aukera hau galdu. “Sustariez Blai” deituriko jai honetan, egun berean beste kontzertu batzuk entzungai izango dira:
Asian Dub Foundation (DJ Set) (London)
BIG YOUTH (Jamaica)
ZORABIOK (Euskal Herria)
JAVI P3Z DJ (Euskal Herria)
Sarrera: 15€
Gaur gauean hamarretan, The Congos talde Jamaikarrak joko du Bilboko Santana Aretoan.
70. hamakadaren bukaeran sekulako abeztiak atera zituzten arren, The Congos taldeak ez du mundu mailako errekonozimendu handirik izan. Pasa den urtean, “Give them the rights” diska atera zuten eta horri esker ari dira orain Europatik biran, eta zorte izan dugu gaur Bilbon izango ditugulako, kalitate eztabaidagabeko musikari hauek: THE CONGOS!
Entzungai jarri berri dugu Tanya Stephens -en Kingston Hiriko saioa. Abezti aukeraketa oso ona egiteko aukera ematen dute errepasatutako Gangsta Blues eta Ruff Rider diskek.
Emakumeen eskubideen aldarrikatzaile sutsua da Tanya Stephens eta bera abeztien hitzetan ala agertzen da.
Entzun Tanya Stephens oraintxe bertan!
Hirugarren denboraldia hastera goaz bihar asteartea, Urriaren 3an. Hortik dator Kingston Hiria 3.0 izenburua.
Pasa den urtean bezela, aurten ere hamabostean behin saio berri bat emitituko dugu Bilbo Hiria 96.FM irratian astearteetan19:00 etatik 20:00etara. Eta errepikapenak asteartean gaueko 1:00etan eta igandeetan arratsaldeko 16:00etan.
Irrati saioak interneten entzungai ipiniko ditugu, bai kingston hiria blogean bai bilbohiria.com web gunean, eta datozen saioen eta kontzertuen berri ematen ere segituko dugu blog honetan.
Kingston hiriko hirugarren denboraldi honetako lehen artista Jamaikar protagonista Tanya Stephens da.
Tanya Stephens ezagutzen duenak badaki Gansta Blues eta Ruff Rider diskak errepasatuz, sekulako ordu bateko saioa egin daitekeela , eta hori da hain zuzen ere prestatzen ari garena!
Oraindik Tanya Stephens ezagutzen ez baduzu, ezin duzu galdu saio hau, galdu kanta benetan onak entzun gabe geldituko bait zinateke.
Steel Pulse ez da talde Jamaikarra, baina egiten duten reggaea horren ona izanik, ezin genituen Kingston Hiria blogetik kanpo utzi Jamaikari oso lotuta bait dago Steel Pulse reggae taldea.
Steel Pulse 1975. an jaio zen Birminghamen, Jamaikatik Inglaterrara lan bila etorritako Jamaikar asko hiri honetan geratu ziren lanean, eta David Hinds (abezlari eta gitarra jolea) Jamaikar hauetako baten semea da eta baita Basil Gabbidon (gitarra eta koruak) eta Ronnie McQueen (baxua).
David Hinds izan da hasieratik Steel Pulse taldeko motorra, bere abeztien hitzek Birminghameko gazte beltzak liluratu zituzten bere afrika zabalaren irudiarekin eta punk taldeekin jotzen zuten aldi askotan.
Burning Spear izan zen ateak zabaldu zizkiena, Island disketxeari taldea aurkeztuz eta horren ondorio izan zen 45rpm ko “Ku Klux Klan”.
“Handsworth Revolution” izan zen hurrengo diska eta hemen taldea musikari gehiagok osotzera pastau zen Selwyn Brown, Steve Nesbirt eta Fonso Martinekin, diska honek Inglaterrako reggaeren eboluzioa isladatzen du.
Hala ere Islandekin harremanak apurtu eta Elektra sigiluarekin grabatu zuten hurrengo diska True Democracy.
Honen ondoren Earth crisys etorri zen, Elektrakoek diska komertzialago edo Eddy Granten antzekoago bat grabatzeko presionatzen bazuten ere “Not King James version” bezelako abezti bikaina grabatu zuten.
State of Emergency MCArekin grabatua dago.
Rastafary Centennial Pariseko Montmatren grabatu zuten Haile Selassi hil zeneko 100 urte betetzen zirenean. Kontzertu hau Fonso Martin hil zenetik egiten zuten lehen kontzertua zelarik.
Estatu Batuetan arrakazta lortzen joan ziren eta goia ukitu zuten 1992an David Hinds New Yorkeko Taxistek beltzei autoetan igotzea galerazten zietela salatu zuenean. Epai bat egon zen eta irabazi ere egin zuen.
Reggae musikako ahotsik berezienetakoa izan arren, Horace Andy ez da inoiz oso ezaguna izan Reggae munduan oso berandurarte. 90. hamarkadan lortu zuen osperik handiena Massive Attack taldearekin zenbait abeztitan parte hartu zuenean.
Horace Hinds da bere jaiotzezko izena, baina Coxsone Doddek Bob Andyrekin abeztiak idazteko zuen parekotasunagatik Horace Andy ezizena jarri zion. 1951an jaioa, Horace Andy Jamaikako reggae abezleen bigarren generaziokoa da. Horace Andy beste abezleetatik bereizten zuena oso laister geratu zen agerian: bere ahots tenore altua. 21 urtekin Horace Andy musika eskenako beteranoenetarikoa zen eta bazituen grabatuta “Skylarking,” “The Love of a Woman” eta “I Found Someone” abezti arrakaztatsuak beste batzuen artean. 70. hamarkadaren erdi aldera gehien eskatzen zen abezlaria zen eta Bunny Leerekin grabatu zituen hainbat abezti hamarkada honetan zehar.
Bunny Lee utzi ondoren, Horace Andy New Yorkera joan zen Everton Dasilva ekoizlearengana. Honek askatasun gehiago eman zion eta grabatutako abeztiak itzelak izan ziren, Agustus Pablorekin, Horsemouth Wallacekin… ez ziren asko saldu diska horiek 80. hamarkadan eta “In the Light” orain oso diska preziatua da reggaea maite dutenengatik.
Geroago, 80.hamarkadako bigarren zatian, Lloyd Barnesekin aritu zen baina ez zuen maila handiko ezer atera denbora honetan. 1990. urtean ordea, Horace Andy Massive Attack taldearen Blue Lines diskan ahots apartak abeztu zituen eta horregatik bandak 1994. urtean ateratako ondorengo diskan ere abeztera gonbidatu zuten eta baita 1998.urteko Mezzanine diskan ere. Horace Andy bere bakarkako lanak egiten segitzen zuen bien bitartean: Bob Marleyen omenezko LPa edo Blood & Fire berrekoizketa “In the Light” abeztiarekin.
Reggae musika entzuteaz gain, orain ikusteko aukera izango duzu atal berri honen bidez. Interneten aurkitzen ditudan Reggae bideoak hemen biltzen joango naiz.
Hasteko hemen daukazue Burning Spear taldearen abeztiaren “SUBJECT IN SCHOOL” bideoa: