Etiketa honen artxiboa: taldeak

Steel Pulse

Steel Pulse ez da talde Jamaikarra, baina egiten duten reggaea horren ona izanik, ezin genituen Kingston Hiria blogetik kanpo utzi Jamaikari oso lotuta bait dago Steel Pulse reggae taldea.

Steel Pulse 1975. an jaio zen Birminghamen, Jamaikatik Inglaterrara lan bila etorritako Jamaikar asko hiri honetan geratu ziren lanean, eta David Hinds (abezlari eta gitarra jolea) Jamaikar hauetako baten semea da eta baita Basil Gabbidon (gitarra eta koruak) eta Ronnie McQueen (baxua).

David Hinds izan da hasieratik Steel Pulse taldeko motorra, bere abeztien hitzek Birminghameko gazte beltzak liluratu zituzten bere afrika zabalaren irudiarekin eta punk taldeekin jotzen zuten aldi askotan.

Burning Spear izan zen ateak zabaldu zizkiena, Island disketxeari taldea aurkeztuz eta horren ondorio izan zen 45rpm ko “Ku Klux Klan”.

“Handsworth Revolution” izan zen hurrengo diska eta hemen taldea musikari gehiagok osotzera pastau zen Selwyn Brown, Steve Nesbirt eta Fonso Martinekin, diska honek Inglaterrako reggaeren eboluzioa isladatzen du.

Hala ere Islandekin harremanak apurtu eta Elektra sigiluarekin grabatu zuten hurrengo diska True Democracy.

Honen ondoren Earth crisys etorri zen, Elektrakoek diska komertzialago edo Eddy Granten antzekoago bat grabatzeko presionatzen bazuten ere “Not King James version” bezelako abezti bikaina grabatu zuten.

State of Emergency MCArekin grabatua dago.

Rastafary Centennial Pariseko Montmatren grabatu zuten Haile Selassi hil zeneko 100 urte betetzen zirenean. Kontzertu hau Fonso Martin hil zenetik egiten zuten lehen kontzertua zelarik.

Estatu Batuetan arrakazta lortzen joan ziren eta goia ukitu zuten 1992an David Hinds New Yorkeko Taxistek beltzei autoetan igotzea galerazten zietela salatu zuenean. Epai bat egon zen eta irabazi ere egin zuen.

Horace Andy

Reggae musikako ahotsik berezienetakoa izan arren, Horace Andy ez da inoiz oso ezaguna izan Reggae munduan oso berandurarte. 90. hamarkadan lortu zuen osperik handiena Massive Attack taldearekin zenbait abeztitan parte hartu zuenean.

Horace Hinds da bere jaiotzezko izena, baina Coxsone Doddek Bob Andyrekin abeztiak idazteko zuen parekotasunagatik Horace Andy ezizena jarri zion. 1951an jaioa, Horace Andy Jamaikako reggae abezleen bigarren generaziokoa da. Horace Andy beste abezleetatik bereizten zuena oso laister geratu zen agerian: bere ahots tenore altua. 21 urtekin Horace Andy musika eskenako beteranoenetarikoa zen eta bazituen grabatuta “Skylarking,” “The Love of a Woman” eta “I Found Someone” abezti arrakaztatsuak beste batzuen artean. 70. hamarkadaren erdi aldera gehien eskatzen zen abezlaria zen eta Bunny Leerekin grabatu zituen hainbat abezti hamarkada honetan zehar.

Bunny Lee utzi ondoren, Horace Andy New Yorkera joan zen Everton Dasilva ekoizlearengana. Honek askatasun gehiago eman zion eta grabatutako abeztiak itzelak izan ziren, Agustus Pablorekin, Horsemouth Wallacekin… ez ziren asko saldu diska horiek 80. hamarkadan eta “In the Light” orain oso diska preziatua da reggaea maite dutenengatik.

Geroago, 80.hamarkadako bigarren zatian, Lloyd Barnesekin aritu zen baina ez zuen maila handiko ezer atera denbora honetan. 1990. urtean ordea, Horace Andy Massive Attack taldearen Blue Lines diskan ahots apartak abeztu zituen eta horregatik bandak 1994. urtean ateratako ondorengo diskan ere abeztera gonbidatu zuten eta baita 1998.urteko Mezzanine diskan ere. Horace Andy bere bakarkako lanak egiten segitzen zuen bien bitartean: Bob Marleyen omenezko LPa edo Blood & Fire berrekoizketa “In the Light” abeztiarekin.

U Roy ( The Originator)

The Originator bezela ezagutua bada ere, U Roy ez zen lehengo DJa izan, ezta diska baten gainean abeztuz grabatzen hasi zen lehena, baina estilo honekin Jamaika osoa mugitu zuen lehena izan zen.

  • 1942. urtean Jones Townen jaioa, Ewart Beckford, bere ezizena, bere izena ondo ahozkatzen ez zekien familiako haur baten erruz datorkio.

U Roy fama lortu arte denbora asko pasatu zen.

  • 1961. urtean Doctor Dickie’s Dymanite Sound systemean hasi zen, Sir Mike the Musical Thunderstorm eta Sir George the Atomic Sound Systemekin beranduago, eta
  • 1968.urtean Coxsone Doddek deitu zuen eta King Stittekin bigarren ahots bezela aritu zen, hau utzi eta Sir Georgekin itzuli zen arte. Denbora honetan zehar King Tubbyrekin ibili zen Duke Reiden estudioan diskak egiten. Mekanika bere musika experimentuen hasiera besterik ez zen izango, horren ondoren proto-dub diskak ateratzen hasi bait zen bere gustokoen DJentzako.

Ordurako, U Roy DJ talenturik handienetarikoa da, Keith Hudson honetaz ohartuz bere estudiora eraman zuen eta “Dynamic fashion way” grabatu zuten. Bunny Leerekin “King of the road” atera zuen eta LLoyd Daleyrekin “scandal” eta “Sound of wise”. Oso entzunak izan ziren sound sistemetan baina ez ziren hortik atera.

  • 1970. urtean John Holtek hori aldatu zuen, sound system jai batetan entzun zuen DJ bezela, abezlaria harrituta gelditu zen bere “Wear you to the ball” kanta abeztu zuenean nola jendetza zoratzen zen. Hurrengo egunean Holt, Duke Reiden estudiora joan zen eta U Roy grabatu behar zuela esan zion, bi diska egin zituzten, biak ikaragarrizko arrakastarekin. Bata “Wake the town” izan zen, Alton Ellisen “Girl I’ve got a date” kantaren bersioa, bestea “Rule the Nation” Techniquesen “Love is not a Gamble” singleak sekulako arrakazta eman zion. Jarraian “Wear you to the ball” atera zuen eta beste biekin batera hiru singleak hilabete eta erdiz entzutetzuenen lehengo postuetan egon zen.

Treasure Isle disketxeko beste klasikoekin eginiko 29 kantako albuma atera zuen.

Momentu hartan, hiriko produktore guztiak DJak bilatzen ari ziren, beren katalogoetako disken gainean abeztu zezaten. Honela gazte gehiago sartu ziren, Dennis Alcapone, Big Youth beste askoren artean.

U Royk ez zituen inoiz gehiago jarriko beste hiru single entzunenen artean ala ere zuzenean jotzen segitu zuen eta jarraitzaile askorekin.

  • 1975. urtean Bunny Leerekin elkartu zen berriro 9 kanta grabatzeko. Arreta internazionala piztu zuen Hall & Oates soul bikoteak bere “soldering” kanta grabatu zuenean, Ameriketan eta Erresuma Batuan ezagutu zuten. 1976an Britainiara joan zen bere lehengo aldiz.
  • 1978.urtean zuzeneko LP bat atera zuen, gero Jamaikara bueltatu eta “Rasta Ambassador” grabatu zuen Sly & Robbie banda bezela edukiz eta The Gladiatorsen koruekin.

Nola edo hala U Royk bazeukan bere agendan denborarik bere sound systema osatzeko eta Stur-Gav sortu zuen.

  • 1980. urtean Jamaikako hauteskundeetan jasan zen biolentzia boladaren ondorioz, Stur-Gav desegin zen. U Roy beste abezlari batzuekin aritu zen, Charlie Chaplin eta Josey Walesekin beste batzuen artean, denbora guztia sound systemean abezten ematen zuen eta denbora joan ahala estandarretatik hurrunduz zioala konturatu eta denboraldi batez, abezten uztea erabaki zuen.
  • 1982. urtean, Jamaikako Reggae Sunsplah jaialdian egon zen lehenengo aldiz, oso emanaldi ona eman zuen jaialdiko onena biltzen duen bideoan ikusi daitekeen bezela. 1985ean berriz gonbidatu zuten.
  • 1987. urtean Tappa Zukckiren estudioan “Line up and Come” albuma grabatu zuen, gero Prince Jazzborekin “Music addict”. Ahotza gehiegi lantzen ari zela eta beste isilune bat egin zuen, 1990. urteko Sunsplasherako ondo edukitzeko.
  • 1991. urtean Mad Professor izan zen estudioetara berriz erakarri zuena, hurrengo urteetan berarekin egin zituen grabaketa pilo bat.
  • 1993.urtean Yabby You, Aisha, Sandra Cross eta susan Cadogan bezelako beste abezlari batzuekin elkartuz ” Smile awhile” atera zuen.
  • 1996. urtean reggae klasikoez beteriko album bat grabatu zuen, oraingo honetan berarekin zituen abezten Dennis Brown, Gregory Isaacs eta Horace Andy.

Israel Vibration (taldearen sustraiak)

“Israel Vibration” Jamaikako reggae talderik garrantzitsuenariko bat da. Roots reggae estiloa abezten duen hirukote hau oso gaztetik hasi zen musika munduan. Albert(Apple)Craig, Cecil(Skelly)Spence eta Lacelle(Wiss)Bulgin 1940. hamarkadako azken urteetan jaio ziren. Jamaika krisialdi ekonomiko bat jasatzen ari zenean. Gainera garai hartan Polio izurrite bat egon zen Jamaikan eta gure hiru lagunak harrapatu zituen Poliomelitisak haur txikiak zirenean. Polioa ur kutsatua edatean hartzen da gehienetan, nerbio sistema afektatzen du, muskuluen mugimendua kontrolatzen dituzten neurona motoreak suntzitu eta elbarri geratzeko arrisku handia dakar.

Israel Vibrationeko hiru kideak Jamaikako herri oso txiroetan jaio ziren, eta bere familiak mantendu ezin zituztenez Kingstoneko Mona Rehabilitazio Zentrora eraman behar izan zituzten. Hemen ezagutu ziren hirurak, eta Polioa gainditzeko egiten ziren experimentuetarako erabili izan zituzten arren, egun batean, zeukaten denbora abezten ematen hasi ziren Applek dioen bezela: “ez geneukan beste ezer egitekorik”. Gizon nagusi bat, Baba Douse ere Zentroan zegoen, eta honek eman zizkien Rastafari, Haile Selassie I Etiopiako Emperadorea, Jah eta Rasta kulturari buruzko ikasketak.

Selassiek irakatsitakoak, asko lagundu zien bizi zuten sufrimendua aurrera eramateko eta bere abeztietan Rastafarismoa bultzatzen eta zabaltzen hasi ziren. Ilea luze utzi zuten eta Rastafarien kulturari segituz “dread locks” moduan jarri, hau ez zegoen Zentroan onartua eta handik bota zituzten, beste batzuetan egongo ziren, baina 1969. urten ez zituzten Zentru baten ere onartzen. Applek pianoa ere jotzen zuen, eta abeztiak egiten eta abezten jarri ziren, “bestela kalean lapurtu edo buruaz beste bakarrik egin genezakelako”.

Kalean jotzen zuten eta hasiera hasieratik jendea hurbiltzen zitzaien entzutera, talentua zeukaten. Ala ere hirukotea sei urte eman zituen kalean jotzen jateko bakarrik irabaziz, eta batzutan ezta hori ere. Mona Rehabilitazio Zentruaren ondoan zegoen “Theological College” izan zen bere lehenengo kontzertu handiaren eskenatokia eta izugarrizko arrakasta izan zuten.

Kontzertu handi haren ondoren, 1976. urtean Twelve Tribes of Israelek “Why worry” singlearen grabaketa ordaindu zien, Treasure Isle Records estudioan grabatu zuten eta 7″ko biniloa oso arrakastatsua bilakatu zen.