Kategoriaren artxiboa: Sailkatugabeak

ESKOLEN HASIERA

Utzi erantzuna

Urrian sartu berri gara eta eskola astearterako motorrak berotzen hasi da. Asteartea, urriak 5, hasiera emango zaio 2010-2011 ikasturteari.


Hau izango da talde desberdinen banaketa:


– Bizkaiko Txapelketa arituko diren bertsolariak bi taldetan banatuko dira, eta asteartero bilduko dira 20.00etan.


– Txapelketara ez doazen bat-batekoak 20.00etan bilduko dira, hauek ere astearteetan.


– Hastapenetan dabiltzanak, asteartero bilduko dira 20.30etan, hamabostean behin.


– Gazteak, asteazkenero, 20.00etan.


– Gaztetxoak, ostegunetan bilduko dira 18.00etan.


Astearterarte!

ALBEren OHARRA GABI BASAÑEZ GURE KIDEAREN ATXILOKETA DELA ETA

Utzi erantzuna

ALBE-k (Algortako Bertsolari Eskolak) prentsa ohar honen bidez bere kezka eta egonezina adierazi gura du Gabi Basañez bertsolari, musikari eta bertso eskolako kidearen atxiloketaren aurrean. Izan ere, atxilotuta dagoen bitartean jaso lezakeen tratuak izugarri arduratzen gaitu.


 


Azpimarratu gura genuke Gabik bertsolari eskolan zein euskalgintzako elkarte ugaritan bertsolaritzaren eta euskararen alde egindako lan nekaezina. Bere arma bakarrak pazientzia, irribarrea, lan konstantea, konpromisoa, bertsoak eta musika tresnak izan dira urte hauetan guztietan.


 


Eraginkortasunik eduki lezaketen norbanako zein erakunde guztiei dei egiten diegu atxilotuen eskubideak errespetatuak izan daitezen euren esku dagoen guztia egin dezaten. Besarkadarik beroena eta elkartasun osoa helarazi nahi diegu senitartekoei.


 


Hasiera iluna izan duen bertso honek azken puntu zoriontsua izan dezan espero dugu.


 


Mosu bet, Gabi!


 


ALGORTAKO BERTSOLARI ESKOLAKO ZUZENDARITZA BATZORDEA

TTAKUN, TTAKUN!!!

Utzi erantzuna

Larunbat honetan, hilak 25, Algortan aukera izango dugu bertsoak entzuteko. UKTEST taldeak Txalaparta jaia antolatu du eta Txotx-a irekiko dute gure eskolako bi bertsolarik: Arrate Illaro eta Itxaso Paia.


Sagardoaren laguntzaz bertsoekin gozatu nahi duzula? Hementxe zita:


Larunbatean, hilak 25, Algortako Zabala Eskoletan, 14.00etan!


                          Txalaparta Jaia 2010

BIZKAIKO TXAPELKETA BADATORRELA!!!

Erantzun 1

Uda igaro ondoren, bertso gosez zaudela??? Ez zaitez kezkatu! Udagoienerako prestatu zaitezte! Bizkaiko Txapelketa ate joka daukagu, urriaren 10ean Mungian hasiko da. Gure eskolatik zazpi bertsolarik lortu dute txapelketarako txartela:


                           Beñat Vidal


                                     BEÑAT VIDAL


 


                             Joanes Igeregi


                                   JOANES IGEREGI


                           Itxaso Paia


                                     ITXASO PAIA


                           Jone Uria


                                       JONE URIA


                             Peru Vidal


                                        PERU VIDAL


                               Arrate Illaro


                                      ARRATE ILLARO


                                  Fredi Paia - Txapelketa Nagusia 09


                                         FREDI PAIA


Guztiek abestuko dute azken laurdetenetan, Fredi izan ezik, azken txapelketan finalista izan zenez, finaulaurrekoetarako txartela dauka. Eta hauxe duzue egutegia datak gorde ditzazuen:


Urriak 10, Mungia:


Oihana Bartra, Xabi Enbeita, Iker Belaustegi, Itxaso Paia, Ander Elortegi eta Julen Sololuze.


Urriak 17, Balmaseda:


Joseba Artza, Jone Uria, Asier Legarreta, Julen Erezuma, Iñaki Iturrioz eta Lander Ibarluzea.


Urriak 24, Aulesti:


Mikel Goiriena, Ibon Ajuria, Gorka Ostolaza, Arrate Illaro, Xabat Galletebeitia eta Peru Vidal.


Urriak 31, Igorre:


Miren Amuriza, Abarkas, Peio Ormazabal, Ortzi Garitano, Joanes Igeregi eta Beñat Vidal.


Abenduak 5, Gernika (azken finalaurrekoa):


Fredi Paia.


Egurra kuadrilla!

ERANDIOKO SAN AGUSTINAK

Utzi erantzuna

Portu Zaharreko jaiak eta gero, atsedenaldi txikitxu bat izan dugu, baina garai honetan beti izaten dugu zita Erandion. Urtero bezala, San Agustinetan,  Berbots-eko lagunekin batera, bertso-saioa izango da. Miren Loizaga gai jartzailearen esanetara bertsolari hauek jardungo dute:


Uxue Alberdi
Onintza Enbeita
Jon Maia
Igor Elortza


Zita, Irailaren 23ko plazan, larunbatean, hilak 28, 20.00etan.


Bertan elkar ikusiko dugulakoan, zapaturarte!

ERROMOKO JAIAK

Utzi erantzuna

Algortako jaietako ajea pasatu gabe, Erromoko jaietarako motorrak berotzen hasi gara.


Betikolez, bi saio izango dira: saioa eta bertso-jira. Hementxe zitak:


Abuztuak 5, 21.00etan, Santa Eugenia plazan (txoznagunean):


Iratxe Ibarra
Aitor Mendiluze
Joanes Igeregi
Xabi Paya
Gai jartzaile: Nahikari Ayo


Abuztuak 7, 19.00etan, Txoznagunetik abiatuta, bertso-jira auzoko tabernetatik:


Sustrai Colina
Arkaitz Estiballes


Alkarregaz egongo garelakoan, eguenerarte!

ALGORTAKO SAN INAZIOAK

Utzi erantzuna

Gaur hasten dira Algortako San Inazio jaiak! Eta beti bezala, ALBEk saio ederrak antolatu ditu bertsozaleon gosea asetzeko.


Hona hemen zitak:


Uztailak 29, 21.15etan, Kasino plazan:


Mikel Mendizabal
Gregorio Larrañaga “Mañukorta”
A.M. Peñagarikano
Jon Enbeita
Gai jartzaile: Maite Berriozabal


Uztailak 30, 13.00etan, Kasino plazan:


Amets Arzallus
Aitor Sarriegi
Etxahun Lekue
Onintza Enbeita
Gai jartzaile: Zuriñe Iarritu


Uztailak 31, 13.00etan, Kasino plazan:


Andoni Egaña
Jon Maia
Fredi Paia
Jesus Mari Irazu


Gai jartzaile: Unai Elizasu


Egun honetan, bazkaria egongo da Piper´s tabernan 15.00etan eta maratoia Jon Maiak eta Andoni Egañak egingo dute Piper´s tabernatik abiatuta 19.00etan.


Abuztuak 1, 13.30etan, Kasino plazan:


Iñaki Zelaia
Sustrai Colina
Igor Elortza
Julio Soto


Gai jartzaile: Arkaitz Gomez


Gozatu San Inazioak!!!

HISTORIA EGIN DUGU!

Erantzun 1

Uztailaren 14an historia egin genuen Algortako Biotz Alai plazan. Jende ugari etorri zen, ikusminez eta gogo biziz eta saioz gozatzeko gogo itzelekin.


Historiari errepaso polita egin genion. Gertakari desberdinak aukeratu eta bertsolariak paper desberdinetan sartu behar izan ziren. Eva eta Adan, Zesar, gladiadoreak, arkeologoak,…


Aitzol de Kastro doktorearen esanetara ibili ziren sei ikasle cum laude: Andoni Egaña, Jon Maia, Aitor Mendiluze, Amets Arzallus, Maialen Lujanbio eta Xabi Paya.


                     


Adan eta Eva paradisuan ibili ziren. Ondoren sei bertsolariek erabaki behar izan zuten zein bertsolari espeziekoa ziren: Kromañon(tzi), Poto-Habilis, Bertso-erectus, Mañu Antecessor, Negharmentala eta Oro Sapiens. Xabi Payak Poto Habilis espezie aukeratu zuen eta bertsoan potoak egin zituen etengabe


Ikasle onek bezala, azterketa pasatu behar izan zuten eta nota altuarekin gainditu zuten. Lehen puntu zital bati erantzun eta gero argazki bati buruzko iruzkin historikoa egin zuten bertsolariek. Polita izan zen Xabi Payak ALBEko argazki historikoei buruz egin zuen iruzkina. Asko eta asko hunkitu ginen Andoni eta Trino Azkoitiari buruzkoak entzutean.


Arkeologoak ere Biotz Alai plazara heldu ziren. Xabi Paya eta Maialen Lujanbio indusketak egiten ibili ziren eta gauza interesgarriak topatu zituzten Biotz Alaiko hondakinetan.


                     


Bukaeran, munduaren amaieraren simulakroa egin zen. Bertsolariak eta Aitzol de Kastro Doktorea bunker batean sartu eta irtetzerakoan, ez zegoen jenderik, publikoa poltsa beltzekin estali zituzten buruak.


                       


                       


Saio ederra! ALBEko gai jartzaile talde eta laguntzailei eskerrak eman behar dizkiegu aurretik egin zuten lan guztiagatik eta egunean bertan egindakoagatik.