Hileko artxiboak: maiatza 2011

KASINOA FAR WEST BIHURTU ZEN GAU BATEZ

Lokartu Jat Hanka indio-txamak gidatuta, Long John eta Little Ortz euskal bakeroen abenturak entzun genituen barikuan. Amak oparitutako musika kutxa, urrearen sukarra, emakume eta tragoak saloon zaharrean… eta, nola ez, azken dueloa! Amaierako duelo horretan entzun ziren agian gaueko bertsorik onenak, 2 duelistak, bata besteari bizkarra emonda, lehen tiroaren zain…



 
Giroak ere asko lagundu zuen gaua berotzen: 60 lagun baino gehiago batu ginen Algortako Kasinoan eta jendearen jarrera itzela izan zen. Mozorroak, zein baino zein dotoreago, eta denak “paperean” sartuta: tiroak airera, bakero eta indio oihuak… Eta pianoaren musika!!!



Adi egon zaitezte! Datorren igandean, ekainak 5, Hitzetik Hortzeran afariaren laburpena emango dute.

BERTSOLARI GAZTETXOEN EGUNA LEIOAN

Ikasturte amaiera heltzen doan heinean, Bertsolari Gaztetxoen Egunak ugaltzen doaz.


Bihar, Leioako txanda izango da. Leioan hezkuntza arautuaren barruan bertsolaritza ikasten duten gaztetxoen abesteko aukera izango dute.


Aurkezle lanetan, Beñat eta Peru Vidal arituko dira. Egun honetarako hiru gonbidatu berezi izango ditugu: Iratxe Ibarra, Ibon Ajuria eta Iñaki Viñaspre bertsolariak.


Noiz? Bihar, Kultur Leioa aretoan, goizeko 10etatik aurrera.


Bidez batez, gaur azken eguna da Western bertso afarian izena emateko. Azkar ibili!

BALENDIN TXIKI V. BERTSO PAPER LEHIAKETA

Astelehenean, Bertsolari Gaztetxoen Egunaren barruan, Balendin Txiki V. Bertso Paper Lehiaketako sarien banaketa burutu zen.


Egun honetan, Getxon hezkuntza arautuan bertsolaritza ikasten duten gazteak batu eta urte osoko lanaren erakustaldia egiten dugu.


Zortziko txikian erantzun behar zioten emandako galderari: Zer eskatuko zenioke zure herriko alkateari? Ikasleek denetarik erantzun zuten: piszina berriak, kolunpioak, obra gutxiago,… Imanol Landa alkateak eskatutakoari buruz oharrak hartu zituen eta gainera bertso eta guzti erantzun zuen.


Bi kategoria izan dira: orokorra (hiru onenak saritu dira) eta eskolaka (eskola bakoitzeko bi onenak saritu dira).


Hementxe saridunak:


Orokorra:


1. Araitz Lasa (San Nikolas Ikastola): Getxo Antzoki berria bukatzea eskatu zuen.

2. Ainhoa Agirrezabala (Gobela Ikastola): Ikastola ondoko bidea konpontzea eskatu zuen.


3. Maider Orueta (Andra Mari Ikastetxea): Planetarioa bat izatea eskatu zuen.


Eskolaka:


Zabala: Beñat Petralanda eta Naia Goitia.
Romo: Markel Rekagorri eta Paula Calvo.
Gobela: Eneko Zabaleta eta Nora Eguzkitza.
Zubileta: Maitane Diez eta Gaizka Criado.
San Nikolas: Amaiur Peña eta Jon Otxoantesana.
Andra Mari: Nagore Meabe eta Leire Rodriguez.
Geroa: Peio Uriarte eta Ainhoa Amezaga.


Estekak:


Bizkaie
Bertsozale Elkartea
Ukberri.net
Nontzeberri
Bertsoa.com
Getxoberri


Zorionak danori!


WESTERN AFARIA

Cowboy txapela prest? Pistola duelu baterako prest?


Jon Maia eta Igor Elortza prest daude Algortako Kasinoko western-ean onena emateko. Nor irtengo ote da bizirik? Jakin nahi izanez gero, maiatzaren 27ko gaba zure agendan gorde ezazu. Zer egin behar duzun?


– 605704385 telefonora deitu edo
albegetxo@gmail.com helbidera mezua bidali


Afariaren prezioa 25 €-koa izango da. Beraz, gogoratu:


Noiz: maiatzaren 27an.
Non: Algortako Kasinoan.
Ordua: 22.00
Prezioa: 25 €
Protagonistak: Jon Maia eta Igor Elortza
Oharra: Animatu zaitez eta western erara jantzita etorri!



Azkar ibili!

IMANOLENGANDIK IKASITAKOAK

Dakizuenez pasadan martitzenean Imanol Lazkano gurera etorri zen bertsolaritzari buruz hitzegitera.  Imanolek esan zizkigun batzuk hemen islatzen saituko gara, merezi dute eta!



Hona hemen, labur – labur, Imanolek azaldu zizkigunak, 3 atal handitan saikatuta:



Bertsolarizaren garapena



60ko hamarkada, bertsolaritzaren garapenean klabea. Ordurarte “baserriko produktua” zen bertsolaritza “kaletartu” egin zen (gai sozialetara hurbilduz). “Izarren” ekarpenei buruz aritu ginen  eta besteak beste Baserri, Uztapide, Amuriza, Egaña edo Maialen aipatu zituen.


Bertso eskola 


Askotan esaten da, Imanolek esan zigun bezala, “bertso eskolatik pasa gabeko” bertsolariak direla bere belaunaldikoak. Baina sorpresa ederra hart genuen Imanolek kontrakoa azaldu zigunean!!




  • Familia izan zan Imanolentzako bertso eskolarik goxoena. Bertso zaharrak belaunaldiz belaunaldi igaro dira sutondo eta afalostetan. Santa Eskeak ere berebiziko garrantzia izan zuen Imanolentzat, beste mota bateko bertso eskola izan zan hura. Exijentzia altuko momentua omen zan Santa Eskea, urtean zehar parez pare irekita zeuden baserrietako ateak izten ziren egun bakarrenetako.

  • Neurtzen eta errimatzen baino gehiago irakatsi behar da bertso eskoletan. Erantzuten, arrazoitzen, ikasi behar da bertso eskolan ere, hori baita bertsolaritzaren muina. Bertso eskolak “muskulatura” (burua) lantzen lagundu behar dio bertsolaritzari. Hemen ere lana badaukagu …

                   


Bertsokera



  • Imanolentzat 2 elementu dira ezinbestekoak bertsotan ondo ibiltzeko: erritmoa eta kantakera.

Agian eskoletan landu beharreko gaia da kantakerarena, ezta?



  • 2. puntua da Imanolentzat bertsoak duen bapatekoena, bertso ona eta txarra ezberdintzeko giltza: “Azkena guztiok pentsatzen dugu, azken aurrekoa bideratu, lehenengo puntua esan baino une bat lehenago taiutzen dugu eta bigarren puntuan ikusten da bertsolaria”. Uzatapideren 2. puntu bat jarri zigun adibide moduan.



  • Irakurtzea: Gaur egun sarritan esaten da bertsokera lantzeko irakurtzea beharrezkoa dela. Eta irakurtzearen garrantzia azpimarratu zigun Imanolek: bizitzaren liburua irakurtzen, bizitzan beti baitago zer ikasia eta zer jasoa. Irakurle ona izan da Imanol zalantzarik gabe: amona baten arrazoi borobila, ume koxkor baten galdera zorrotza… “artxiboan” gorde ditu beti. Beharrak ere asko irakasten duela esan zigun Imanolek. Gainera, libruruek ez dute beti egia esaten:

  •  Bertso jarriak: Zalantzarik gabe, bertso jarriak norberaren bertsokera lantzeko onak dira. Imanolek beti buruz jarri ditu (eta jartzen ditu) bertsoak, ez omen du inoiz papera eta boligrafoa hartuta bertsorik jarri, are gutxiago gaia emanda. Egoera berezi bat bizitzen duenean etortzen zaio Imanoli bertsoak jartzeko gogoa. Orduan puntua (arrazoia) burura etortzen zaio eta bertsoa osatzen du. Hortik aurrera, antzerkien eskema jarraitzen dugu. Hasierako bertsoa (istoria) pentsatzen du eta hortik aurrera sorta eraikitzen du. Pentsatzen duen lehenego bertso hori normalean amaieran sartzen omen du, azken aurrekoa edo. 

BIHOTZ BIHOTZEZ MILA ESKER IMANOL!!!! PLAZER HANDIA IZAN DA!!!


 

IMANOL LAZKANO BERTSO ESKOLAN

Imanol Lazkano bertsolari azpeitiarra, bihar, maiatzaren 10eko
martitzeneko eskolan gurekin izango dugula adierazi nahi dizuegu. Oraingoan bai!!! Bai
martitzenetako bertso-eskolan parte hartzen duzunoi, zein gainontzeko
egunetan bertso-eskolara zoazienoi eta orotara, albekide guztiei, Imanol
Lazkanoren jakinduriaz disfrutatzeko eta ikasteko gonbitea zabaldu nahi
dizuegu.

Hitzordua, maiatzaren 10a, asteartea, Aldai Patronatuan, 20.00etan.