Etiketa honen artxiboa: igorelortza

ERANDIOKO BERTSO JIRA

Urtea bukatzear dago, eta betikolez Erandion itxiko dugu bertso urtea. Berbotseko lagunek antolatuta, bertso jira izango da Erandion abenduaren 23an, 20etan hasita La Plaza tabernatik. Protagonistak honakoak:


Onintza Enbeita
Igor Elortza


Bi bertsolariek Oxabi erromeria taldearen laguntzaz ibiliko dira Erandioko kaleetatik zehar.


Barikurarte!


KASINOA FAR WEST BIHURTU ZEN GAU BATEZ

Lokartu Jat Hanka indio-txamak gidatuta, Long John eta Little Ortz euskal bakeroen abenturak entzun genituen barikuan. Amak oparitutako musika kutxa, urrearen sukarra, emakume eta tragoak saloon zaharrean… eta, nola ez, azken dueloa! Amaierako duelo horretan entzun ziren agian gaueko bertsorik onenak, 2 duelistak, bata besteari bizkarra emonda, lehen tiroaren zain…



 
Giroak ere asko lagundu zuen gaua berotzen: 60 lagun baino gehiago batu ginen Algortako Kasinoan eta jendearen jarrera itzela izan zen. Mozorroak, zein baino zein dotoreago, eta denak “paperean” sartuta: tiroak airera, bakero eta indio oihuak… Eta pianoaren musika!!!



Adi egon zaitezte! Datorren igandean, ekainak 5, Hitzetik Hortzeran afariaren laburpena emango dute.

WESTERN AFARIA

Cowboy txapela prest? Pistola duelu baterako prest?


Jon Maia eta Igor Elortza prest daude Algortako Kasinoko western-ean onena emateko. Nor irtengo ote da bizirik? Jakin nahi izanez gero, maiatzaren 27ko gaba zure agendan gorde ezazu. Zer egin behar duzun?


– 605704385 telefonora deitu edo
albegetxo@gmail.com helbidera mezua bidali


Afariaren prezioa 25 €-koa izango da. Beraz, gogoratu:


Noiz: maiatzaren 27an.
Non: Algortako Kasinoan.
Ordua: 22.00
Prezioa: 25 €
Protagonistak: Jon Maia eta Igor Elortza
Oharra: Animatu zaitez eta western erara jantzita etorri!



Azkar ibili!

ERANDIOKO SAN AGUSTINAK

Portu Zaharreko jaiak eta gero, atsedenaldi txikitxu bat izan dugu, baina garai honetan beti izaten dugu zita Erandion. Urtero bezala, San Agustinetan,  Berbots-eko lagunekin batera, bertso-saioa izango da. Miren Loizaga gai jartzailearen esanetara bertsolari hauek jardungo dute:


Uxue Alberdi
Onintza Enbeita
Jon Maia
Igor Elortza


Zita, Irailaren 23ko plazan, larunbatean, hilak 28, 20.00etan.


Bertan elkar ikusiko dugulakoan, zapaturarte!