Hileko artxiboak: maiatza 2010

ITZUBALTZETAN, ARRATE ILLARO NAGUSI

Ostiralean, Uribe Kostako Bertsolari Txapelketako bigarren  kanporaketa saioa izan zen Erromoko Itzubaltzeta Gaztetxean. 84 pertsona izan ziren afaltzen eta 110 saioa entzuten.  Giro beroa egon zen, bertsotan egiteko ezin hobea.


 


       


 


            Bertsotan Oier Iturralde “Atano”, Peio Ruiz de Agirre, Josu Landeta, Arrate Illaro, Gabi Basañez eta Peio Arondo aritu ziren(azken honek ez zuen puntuatu) Ekain Landa “Txispain”-en aginduetara. Epaitzen, aldiz: Josu Arroyo, Peio Unzurrunzaga, Trino Azkoitia eta Nahikari Ayo.


 


            Giroa bero zegoen, bertako bi bertsolari abesten zutelako eta koadrila asko hurbildu ziren. Ofizioka, orain arteko saiorik borobilenak entzun ziren, eta aipatu beharra dago Josu Landetak eta Peio Arondok egindakoa zortziko txikian. Bakarkako saioak azkarrak eta biziak izan ziren.


 


            Arrate Illaro izan zen saioko garailea. Honek ere itxaron beharko du Algortako Txorimalo Gaztetxeko kanporaketari jakiteko finaleko txartela lortu duen.


 


1. Arrate Illaro 249,5
            2. Josu Landeta 217,5
            3. Gabi Basañez 192,5


4. Oier Iturralde “Atano” 185
            5. Peio Ruiz de Agirre 184,5


 


Hurrengo saioa, ostiralean izango da, hilak 28, Algortako Txorimalo Gaztetxean, hau ere bertso-afari formatuan. Bertan izango dira kantuan:


 


            Miren Loizaga


            Joanes Igeregi


            Aitzol de Kastro


            Jone Uria


            Ekaitz Larrazabal “Katxo”


            Jagoba Pereda


 


            Saiora etorri nahi izanez gero:


 


            – Gaztetxean eman izena
            – Email bat bota albegetxo@gmail.com –era edo


            – SMS bat bota 605704385era.


 

TXORIMALOKO KANPORAKETARAKO SARRERAK SALGAI

Ostiralean giro ederra izan genuen Itzubaltzetako Gaztetxean! Txorimalo Gaztetxean berdina izatea espero dugu.


Ostiralean, Uribe-Kostako Txapelketako azken kanporaketa izango da. Egun horretan bertan jakingo dugu nortzuk lortuko duten ekainaren 12ko finalerako txartela.


Betikolez, saioa bertso-afari formatuan izango da eta honako bertsolari hauek abestuko dute:


Miren Loizaga
Joanes Igeregi
Aitzol de Kastro
Jone Uria
Ekaitz Larrazabal “Katxo”
Jagoba Pereda


     


Sarrerak lortzeko, betiko bidea:


– Emaila bota albegetxo@gmail.com -era edo
– SMS bat 605704385 zenbakira.


Barikurarte!

ITXASO PAIA GARAILE SOPELAN

Ostiralean, hasieran eman zitzaion Uribe Kostako Bertsolari Txapelketari. Lehen kanporaketa Sopelako Ander Deuna Ikastolan izan zen. 60 bat lagun batu ziren afaltzeko eta ondoren saioari eman zitzaion hasieran.


           Sopelako kanporaketa


Itxaso Paia izan zen saioko garailea. Saioa hasieratik goitik ibili zen algortarra, eta txiri-txiri joan zen puntuak batzen ariketa guztietan. Alerik onenak zortziko nagusian eta txikian entzun ziren. Bakarkako saioak motelagoak izan ziren, baina halare lan politak osatu zituzten bertsolariek.


Imanol Uriak eta Inazio Vidalek ez zuten puntuatu, baina saio txukuna egin zuten.


Honela geratu ziren puntuazioak:


1. Itxaso Paia        238,5
2. Peio Etxebarria 186
3. Unai Angulo      184,5
4. Arkaitz Gomez  180,5


Gogoratu hurrengo kanporaketa Itzubaltzetako Gaztetxean izango dela ostiral honetan, hilak 21.

ERROMOKO KANPORAKETARAKO SARRERAK SALGAI

Ostiralean Eskualdeko Txapelketako bigarren kanporaketa izango da Erromon, Itzubaltzeta Gaztetxean, hau ere bertso-afari formatoan. Bertan arituko diren bertsolariak, honakoak izango dira:


Oier Iturralde “Atano
Peio Ruiz de Agirre
Josu Landeta
Arrate Illaro
– Peio Arondo
Gabi Basañez


       


Sarrerak nahi izanez gero bi bide dituzue:


– Emaila bota albegetxo@gmail.com -era edo
– Sms bat bota 605704385 zenbakira.


Zita: ostirala 21, 21.00etan Itzubaltzeta Gaztetxean.


Animatu!

AURTEN ERE ITZEL!

Aurten ere itzel! Uribe-Kostak ordezkaritza zabala eraman du Bizkaiko Eskolarteko Bertso-Idatzien finalera. Ostiralean ospatu zen finala, Gernikako Seber Altube Ikastolan.


Fermin Reicnickek hirugarren postua lortu zuen 6.mailan eta Unai Mendiburuk bigarrena.  DBH 1en, Beñat Gorostiagak hirugarren postua eskuratu zuen eta Paule Loizaga txapelduna suertatu zen. Nagusien kategorian (DBH 4 eta Batxilergoak), Maddalen Markaida hirugarrena izan zen eta Imanol Uria azpitxapeldun.



ZORIONAK DANERI!

BIZKAIKO ESKOLARTEKO BERTSO-IDATZIEN KANPORAKETA SAN NIKOLAS IKASTOLAN

Bihar, Bizkaiko Eskolarteko Bertso-Idatzien kanporaketa izango da San Nikolas Ikastolan. Bertan, bertso-eskolan eta estraeskolarretan dabiltzan ikasleak zein hezkuntza arautuan ikasten dutenek parte hartuko dute.


Zita, bihar 15.00etan izango da San Nikolas Ikastolan. Finala, ostiralean, 15.00etan, Gernikako Seber Altube Ikastolan.


Gogoratu ezazue azken egunak direla Sopelako bertso-afarirako sarrerak erosteko!

PERU VIDAL URIBE-BUTROEKO FINALERA

Ostiralean burutu zen Uribe-Butroeko Txapelketako azken kanporaketa. Bertan, gure eskolako Peru Vidalek abestu zuen. Hirugarren postua eskuratu eta finalerako sailkatu da.


Finala maiatzaren 22an izango da, Derion eta bertan ere Beñat Vidalek abestuko du.


                          Peru Vidal


Zorionak Peru!

SOPELAKO KANPORAKETARAKO SARRERAK SALGAI

Bertsozale, badatorrela!


Maiatzaren 14an Sopelako Ander Deuna Ikastolan izango da, 21.00etan, Uribe Kostako Txapelketako lehen kanporaketa. Kanporaketa guztiak bertso-afari formatuan izango dira. Sarrerak lortu nahi badituzue bi aukera dituzue:


– Email bat bota albegetxo@gmail.com -era.


– SMS bat bota ALBEko mugikorrera: 605704385.


       


Anima zaitez!