Gaurkoa irteera berezia. Hasieran Markel, kirol teknikaria, gurekin osasun arloko gomendioak azaltzeko; egingo dugun ibilaldirako beroketa ariketa egokiak egin, eta giro ederrean abiatu gara.
aholku osasungarriak 
ibilaldirako prest 
Markelek gogoratu digu gorputzak EGARRIA sentitu aurretik, hidratatu egin behar dela; horrela, Asuelan ura eta fruitu lehor batzuk hartu ditugu. Hortik aurrera, bidea erraza, dena aldapan behera.
Andramarizuri Arrasateko ermita da, Bedoñakoa hain zuzen, eta Oñatiko Zubillagarekin mugan; hala ere, zenbait arrasaterri ezezaguna egiten zaie. Merezi du bai, inguruak ezagutzera hurbiltzea.
aintzinako «labadora» 
Ermitaren ezaugarri txiki bat, kanpaia, erdi ezkutuan. Txoko polita eta gustuz zainduta!
armarri ikusgarria
Zubillagarantz paseo atsegina, baratza, baserri, etxe eta armarri dotoreak, guztiak. Eta arrosak, bere momentu ederrenean; gure lagun kuadrillak, guztiak banan-banan loreak usaintzen. Hori gozamena!
ederraz gain usainduna, lurrina
Bazkaltzeko ordua eta lagunartean egoteko aprobetxatu dugu. Gustuko bazkaria, giro ezin hobean, eta postreetara helduaz bat, gure lagunaren urtebetetze ospakizun txikia sortu da: bertsoak, kantuak, kandela…
esku trebeak lagunarentzat 
zuretzat bertsoa 
ZORIONAK eta urte askotarako!
Eta eguna borobiltzeko, etxerako bidea, aukeran: busean batzuk eta indartsu sentitzen direnak… bueltan, OINEZ! Bejondeizuela, kuadrilla!
