Santa Ageda eguna aitzakiatzat, Santagedatxera hurbildu gara, Gesalibarreraino autobusez. Giro argia eta goxoa lagun, aise igo ditugu aldapatxoak. Mariren ispilua deritzonera igo eta ikusmiraz gozatu.
Beherakoan, Baztergainazpiko baserriko bidea hartu, eta bertara heltzean nagusiarekin hitz egiteko aukera aprobetxatu dugu. Antzineko labea, goldea eta ondoan dagoen enbor egurrak, Pagaldaik ekartzen dion oroitzapen tristea adierazi digu, zeharo hunkituta, Yolanda Ibañez gogoan. Baserriko ataritik, Arrasateko irudi berezia ikusten da, gaur ikusgarria. Agurtu bada eta garaia, ilundu aurretik, kale aldera jaisteko. Arratsalde atsegina gaurkoan ere!
