Kaixo irkurle guztioi. Hemen nabil nire internet sesioko azken lau minutuetan mezu hau idazten.
Uda beroa daugakagu hemen. Sargoria nagusi. Lan ugari daukat azken egun hauetan jende ugari etortzen delako igerilekura. Uda bukaeran denaren berri emango dizuet.
Ongi izan eta urren arte.
Bukatu da. Bihar 13:30etan eta ez badago holokaustorik, 2004-2005 ikasturtea amaitutzat emango dut eta 2005 udari hasiera emango diot (azken hau ofizialki hasi ez izan arren).
Selektibitateko azken bi azterketak, euskara eta ingeles. Bi azterketa hauek mariatzat hartzen ditugu asko.
Maria terminoak arina eramateko esan nahi du. Bihar klaseko festa edukiko dugu. Azterketak bukatu ondoren Oñatira. Gure gauzak etxeetan utzi eta gero bazkaria eta ondoren bazkalostea, arratsaldeko poteoa, afaria, afalostea, gabeko poteoa, juerga… eta horrela gorputza zutik iraun arte. Azken eguna da denok batera zerbait egiten dugula eta disfrutatu egin behar da.
Hurrengo egunean Txantxiku Sarira joan, bolondres. Eta ondoren Iruñara Osasunaren partidua Gazteluko plazan ikustera!!!
Hurrengo egunean deskantsatu Lizarran eta han geratu uda guztirako.
Hau guztia beraz agur bat da. Agur bat, ez amaierako puntu bat. Idazten jarraituko dut Lizarratik, baina ez egunero. Ahal den heinean.
Agur bero bat eta ongi pasa uda blogari eta irakurle guztioi. Mila esker irakurtzeagatik.
Txantxiku Ikastolako batxilergo bigarren mailako ikasleak Eibarrera bidaiatuko dugu selektibitateko azterketak egitera. 14.30etan autobusa artuko dugu eta Bergarako ikasleak hartu ondoren, azterketa lekura joango gara.
Ikasturtean zehar ikasi duguna erakutsi nahi dugu. Batzuntzat aukera ezin hobea izango da bere batez besteko nota igotzeko eta horrela unibertsitatera sartzeko aukerak haundiagotu egingo zaizkio. Zazpi azterketa, ordu eta erdikoa bakoitza. Guztira hamar ordu eta erdi. Lehenengo aldia eta azkena (gauzak ez badira asko okertzen). Tentsioa nabaria izango da, baina nola jokatuko dugu paperaren aurrean? Batek daki.
Animo selektibitatea egin behar duten ikasle guztie eta zorte on!!!
Pd: Nire lagun batek horrela deskribitzen zuen selektibiteta: Lehenengo eguna zaila, lengu eta historia, bigarren eguna zailagoa, ekonomia, geografia eta matematika, ta azkenengo eguna oso erraza, euskera eta ingles. Ez buru ez hankarik.
Leire Kortabarriak artikulu nahiko interesgarria idatzi du bere blogean Justo Gallegoren ametsari buruz. Eta galdera batekin bukatzen du idatzia, ea ametsik dugun irakurleok. Nik amets ugari ditut. Hainbeste ez naizela kapaz bat aukeratzeko.
Amets gehienak epe motzera dira. Esaterako orain egunero amesten dut selektibitatea bukatu egiten dela eta gainditu egiten dugula. Jai handia antolatzen dugu eta agur esan ondoren hurrengo egunean Lizarrara abiatuko naizela amesten dut.
Amets hori errealitatea izateko probabilitate handia dago. Ez dut beste ezer buruan momentu honetan. Aste hau nahiko magikoa izango da, nahiko garrantzitsua da askorentzat.
Zorte on denoi!!!
Iritsi da ostirala! Eta horrekin batera aste bukaera! Kirolaz gozatzeko hiru egun bikain ditugu.
Alde batetik bizikleta zaleontzat Euskal Bizikleta igandean amaituko dena. Beste alde batetik moto zaleentzat Italiako Sari Nagusia. Eta nik nabarmendu nahi nukeena, Roland Garros tenis txapelketa. Gaur jokatzen ari dira final erdiak. Lehenengo partidan Errumaniar bat eta argentinar bat, baina bigarren partidua da piper gehiena duena. Roger Federer suitzarra Rafael Nadalen aurka. Ni Mallorcarraren alde egingo dut apustu. Baina berdin zait zeinek irabazi. Partidu ederra izango da eta aurrerantzean norgehiagoka berezia izango da. Gazteak direlako eta kalitate handiko tenisa lantzen dutelako. Bere garaian Sampras eta Agassi bezala.
Igandean izango da txapelketaren finala, baina nor izango da garaile Parisen? Dena airean dago.
Bidaia luzeak gustatzen zaizkit. Maratoiak atsegin ditut. Gizakia zenbateraino jokatzeko prest dagoen neurtzen du. Zoratuta egon behar da bidaia luze-luzeak egiteko, baina gogoko ditut.
Nire bidai bizikletaz edo garraio publikoz egitea izango litzateke. Bakarrik edo lagunen batekin. Bakarrik joanda, pentsatzeko aukera, bizitzari buruzko gogoetak egiteko beta izango nuke. Inoiz pentsatu ez ditudan gauzak momentu horietan nire burutik igaroko ziren. Lagunen batekin joanda aldiz, solasaldi entretenigarriak edukiko nituzke. Gure arteko kidetasuna sendotuko zen. Bidai hauek prestatzeko liburutan ordu asko igaroko nituzke. Garrantzitsuena informazioz betea joatea da. Bizikletan izango bazen bidaia, asko entrenatzea komeni litzateke. Eta prest ikusten dudanean nire burua, bidaiari ekin.
Ni ez naiz maleta handietako pertsona. Askotan motxila on batekin aski dut egun asko etxetik kanpora irauteko. Hori gertatu zitzaidan lehengo urtean ikas bidaian. Holandara joan ginen eta nik soilik mendiko motxila bat eta bizikleta motxila bat eraman nituen ia bi astetarako.
Niretako polita izango zen Madril-Gijon-Madril proba egitea, baina oraingoz Donejakue bidaiarekin konformatu beharko naiz. Hala ere nire ibilbiderik luzeenak bizikletan Aiegitik Oñatira eta Oñatitik Aiegira izan dira. Badakit oraindik asko falta zaidala Iraila iristeko, baina denbora badago eta MGM ere iritsiko da… Gaztea naiz eta ez daukat presarik.
Larunbatean mendi bizikleta denboraldia bukatu nuen. Egia esan bizikletan ez naiz asko ibili aurten, baina orain eguraldi onarekin espero gehiago ibiltzea.
Arrasaten izan nintzen antolatutako mendi aste barruko egitarauko ekintza burutzen. Mendi bizikleta. Musakolako kiroldegian elkartu ginen eta antolatzaileentzako sorpresa ikaragarria izan zen halako jendetza bildu izana. Atxabaltara jo genuen lehenik eta ondoren mendia zehar Arlaban-eraino. Tiro zelaian jatekoak genituen eta hortik bueltan Arrasatera. Goiz ederra igaro genuen eta ibilaldi ederra prestatu zuten antolatzaileek. Nik ez nuen inoiz olako parajetatik ibili, ez baitut asko ezagutzen inguru hau asko. Baina horrelako ekintzekin gure ingurua erraz ezagutu dezakegu. Horregatik nabarmendu nahi ditut horrelako ekintzak gure ibarrean ematea. Eskerrik asko goiz eder bat eskaintzeagatik.
Beste alde batetik aurtengo denboraldian lehenengoz mendi bizikleta Durruma Kanpezun hartu nuen. Beste mendi ibilaldi baten. Urriak 31. Bezperan Kalañatasarayko taldearentzat egun ahaztezina bere lehen puntua lortu baitzuen Oñatiko Herriko futbol txapelketan.
Ibilaldia Izkiko parke naturaletik zehar izan zen. Paraje ikusgarriak ikusteko aukera ezin hobea. Datorren urteko urriko azken igandean ere animatu egingo naiz bizikleta hartzera.
Bigarren aldiz Jaen-en eta Kordoban hartu nuen txirrindua. Trena igaro zen lekutik ibili ginen nire aita eta koinatuarekin. Hemen izugarrizko hotza egiten zuen bitartean, han (niretako) uda zen. 33 gradu eta hori eguerdiko hiruretan. Beste aste bukaera zoragarri bat igaro genuen, istripu txiki bat izan arren.
Eta orain errepideko bizikleta hartzeko ordua iritsi zait. Helburu bat dudalako eta nire zaletasuna delako. Helburua: Donejakue bidea egitea Orreagatik irailean.
Horren berri blogean denbora igaro ahala kontatuko dizuet.
Gaur ez dugu eduki klaserik. Txangoa izan dugu. 8.15etan hartu dugu autobusa kiroldegi aurrean eta Sobron -era abiatu gara. Hango kirol eremuan igaro dugu goiza. Daukagun tentsioa kirola egiten kentzeko aukera izan dugu. Jardunaldi ona ikasle estresatuentzat. Praktikatzen eta normalean gure inguruan ez ditugun kirolak egiten ordu alai batzuk igarotzeko aukera izan dugu. Kirolen artean puenting, rappel, kayak, paintball arku-tiroa… aukeratzeko zeuden.
Gure arteko harremanak estutzeko balio izan da egun hau baita ere. Eta ahazteko azterketekin, baina berriro arratsalde honetatik aurrera ikastera ekin beharko diogu. Biharko emaitzen arabera, batzuk datorren asteazkenerako ikasi beharko dute (selektibitatea) eta beste batzuk ekaina bukaerarako (bigarren sufizientzia).
Zorte on guztioi!
Musika meme-a.
1) Testigo recibido de: Bertol Belloso
2) Tamaño total de los archivos de música de mi ordenador: 50 MB inguru.
3) Último disco que me compré: Ez dut gogoratzen…
4) Canción que estoy escuchando ahora: Kaos Etiliko Imposible
5) 5 canciones que escucho un montón o que tienen algún significado para mí:
Liburuei buruzko meme-a.
1) Inoiz izan dudan liburu kopurua
Ez dakit. X.
2) Erosi dudan azken liburua
Memoria de mis putas tristes (Gabriel Garcia Marquez).
3) Irakurri dudan azken liburua
Angeles y demonios (Dan Brown).
4) Niretako asko esan nahi duten bost liburu edo liburu sorta (edozein ordenetan)
Pasa lekukoa bost laguni
Edozein blogari edo irakurleri doa zuzendua meme hauek.
Gipuzkoako Aldundiak DV-rekin blog lehiaketa bat atera zuen. Hasiera batean erdara hutsez izatea erabaki zen. Baina hori ez zen gauza bakarra izan. Aldundiak blog euskaldunen aitzindaritza egunkariari eman zion, eta hori guztiz faltsua da. Blog euskaldunak sustatun hasi baitziren. Ondoren eibar.org-ek zerbitzu publiko bezala eman zuen eta goiena.net-ekoek otsailean hasi zuten ekimen hau.
Hori denagatik nire kexa aditzera ematen dut. Gipuzkoako Aldundira bidali den eskutitzean nire izena jartzeko baimena eman dut guztiz ados nagoelako gutunarekin. Komunitateko blogari gehienko baiezkoa eman diogu eskutitzari.
Gutuna irakurtzea nahi baldin baduzu, jarraitu irakurtzen. Goiena.net-eko blogariok bidali diogun bloga Gipuzkoako Aldundiari:
Apirilaren hondarrean Gipuzkoako Foru Aldundiak hitzarmen bat egin zuen El Diario Vasco egunkariarekin, blog lehiaketa bat antolatzeko. http://blogs.diariovasco.com/ Ez zituen aintzat hartu ordura arte Gipuzkoan bertan blogintzan egindako ahalegin oparoak, eta DV-rekin ezkondu zen.
Nork bere ezkontideak hautatzen ditu, eta Gipuzkoako Foru Aldundiak eskubide osoa du berea aukeratzeko. Hautuak, ordea, sortu zituen protesta batzuk, adibidez: Blog&roll lehiaketa printzipioz gaztelania hutsez izan behar zelako; edo saritzea nahi zutelako blog onena, baina horretarako ezinbestekoa zelako blog hori Diariovasco.com-en egitea; edo, oro har, aitzindarien lana kontuan hartzen ez zelako.
Okerrena, baina, orain dator: Gipuzkoako Foru Aldundiaren organo ofiziala hasi da hainbat informazio banatzen, eta hor aldatu egiten da euskal blogintzaren historia, DV-ri emateko ez daukan aitzindaritza. Eta hori ez diogu onartuko.
Gipuzkoako Foru Aldundiak antolatu du E-gobernua eta hiritarren parte-hartzea, jardunaldi batzuk, non gonbidatu dituen Europa Press-eko ordezkari bat, eta beste bat DV-koa, teknologia berriez hitz egiteko. Eta DV-ren ordezkaria aurkezterakoan, hauxe dio: ³Diariovasco.com fue el primer medio digital en incorporar foros de discusión sin pre-moderación, y ha sido también el primero en poner a disposición de sus usuarios un servicio de blogs².
Blogei dagokienez, hori ez da egia. Gipuzkoako Foru Aldundiak eta DV-k badakite Euskal Herrian lehen bloga, Sustatu, 2001ean kaleratu zela, Code&Syntax (Eibar) eta Goiena (Debagoiena) enpresek sortua. Lehen blog zerbitzua Eibar.org erakundeak sortu zuela 2004ko uztailean. Goiena.net-ek 2005eko otsailaren 22an aurkeztu zuela bere blog komunitatea Koldo Mitxelena kultura gunean, Donostian. Eta gero etorri zela DV bere blog zerbitzuekin. Baina, hor egon liteke aitortu gabeko koska Gipuzkoako Diputazioarentzat, blog horiek guztiak euskaraz daudelako. Horiek ez ezik, beste asko ere, 170 blogetik gora, euskaraz daude, eta Aurki.com albiste biltzaileak jasotzen ditu uneoro.
Bada beste bidegabekeria bat egin duena Gipuzkoako Diputazioak eta da hauxe: asko gara gaudenak izena emanda e-postazko buletin batera, Gipuzkoa.net atari ofizialean zer dagoen berri jasotzeko. Oraingo astean etorri denak, konpentsatzeko-edo, berritasunetan zekarren lotura bat: Goiena.net. Berritasuna, non eta 2003ko udazkenetik dabilenean ekimen hau sarean!. Nola hartuko gaituzte kontuan Deba ibarrean, San Vicente de la Barqueraren parean… Horientzat Gipuzkoa hasten da DV-ko orrietan eta amaitzen da Igara-Ibaeta inguruan.
Gipuzkoako Foru Aldundiak aukeratzea dauka nahi dituen aliatuak, baina, mesedez, ez dezala historia faltseatu eta izan dezala errespetu apur bat punta-puntako teknologia erabiliz euskarazko ekimen berriak bultzatzen dihardutenekiko.
Joxe Aranzabal, Eibar.Org¹ eta Goiena.Net¹ komunitateetako blogarien izenean