Hileko artxiboak: azaroa 2005

Orient Expresseko hilketa

Orient-Expresseko bagoi batean, trena elur bisutsak Jugoslavian geldiarazita dagoela, amerikar baten gorpua agertzen da, hamabi sastadaz hila.

Ezinezkoa da hiltzailea kanpotik etorri izana: hona hemen, beraz, leku itxiko hilketaren arazo tipikoa, polizia-eleberriaren sail amaigabean idatzi den ospetsuenetako bat.

Hercule Poirot detektibe belgikarrak susmagarrien artean ditu, besteak beste, printzesa errusiar bat, emakume amerikar fantasiatsu bat, hildakoaren idazkaria, bikote hungariar prestu bat, Indiatik itzuli den koronel bat eta bagoiaren antolatzailea.

Hilketa ulertezina, ez bada, behintzat, pixkanaka gero eta argiago gelditzen bidaiari horiek kanporantz adierazten duten baino lotura handiagoa dutela elkarrekin… Hilketa erreginaren maisu lan handienetako dudarik gabe. Irakurri dudan liburu honenetako genero honetan.

Gustatu zait

Amaiera, espero ez den emaitz bat ematen da. Irakurtzen zoazen heinean, hiltzailea nor izan daitekeen suma daiteke.

Ez zait gustatu

Goi mailako klase batean dago kokatua testuingurua, horrela behartu arren egoera. Frantsezesko adierazpen ugari askotan testua ulergaitza egiten du, hala ere ez da asko galtzen.

Nota: 8/10

Libre utzitako beste liburu bat

Gomendagarria: Bai

Bookcrossing-aren:http://www.bookcrossing.com bidez, euskarazko aske utziko dudan lehen liburua izango da. Oñatin utziko dut eta erabakitzeko daukta oraindik noiz.

Asteartetan korrika!

Utzi erantzuna

Asteartetan eta ostegunetan herri lasterketen prestakuntzarako saioak izan ohi ditut. Hogei bat elkartzen gara korrika egiteko. Lehenengo aldia da horrela egiten duda eta gustuko dudala esan beharra daukat.

Saioak aditu batek gidatzen digu. Egoera fisikoa gutxienekoa da, bakoitzak ahal duen neurrian saiatzen da bere onena ematen. Horregatik, uste dut, gusturago egiten dudala korrika. Lagun batek esan zidan bizitzan gauzak indibidualki egin behar direla, baina konpainian egiten baldin bada, are gusturago egiten dela. Adibidez, irakurri edo sexua praktikatzea bakarka egin daiteke, baina besteren batekin askoz hobeagoa da.

Horregatik animatzen dizuet gauzak taldeka egiten. Ikusiko duzue zelako esperientzia zoragarria den.

Hauteskundeak unibertsitatean

Utzi erantzuna

Ostegunean hauteskundeak izan ziren nire fakultatean (Filologia, historia eta geografia). Ikasleen ordezkoak hautatzen ziren.

Alde batetik Ikasle Abertzaleak eta beste aldetik Denok . Pasa den urtean bi mila ikasletik (eta datuak fidagarriak badira) % 10ak bozkatu zuen soilik.

Horrek ondorio zuzenak eduki ditu. Alde batetik joan zen urteko haustekundeen kasurik eza ia, eta aurtengo boto emari kopuru handia. Hala uste dut nik.

Seguruenez iaz baino jende gehiago hurbildu zen bozketa ontzira, boto ugari baitzeuden ni hurbildu nintzenean. Eta atzetik ere ilara ederra zegoen.

Aurten beraz espero dut jende gehiago animatu izana lehengo urteko emaitza kaskarrak ikusi eta gero. Botatu duzuena botatuta ere, zorionak parte hartzeagaitik.

Elurra!

Utzi erantzuna

Tenperaturak zero azpitik. Elurra 600 metrotik gora. Negua… hilabete falta da oraindik. Gaur egungo egoera hori da. Eta ni Gasteizen bizi naiz!

Pasa den ostegunetik eguraldia asko hoztu zen, baina ostiral gabetik aurrera are okerrago bilakatu zen. Baina astebukaeran ez naiz gelditu hirian, Lizarrara etorri naiz lasaitasun bila. Hori bai, bihar bueltatu egingo naiz klaseak ditudalako. Eta eguraldi iragarpena ez da ona. Ea zortea dugun eta ez duen hainbesterainoko hotza egiten… Gainera astearte eta ostegun arratsaldetan entrenamenduak. Eguraldi txarra egiten duelarik ere, korrika egin behar da. San Silbestrerako prestatu beharra dago, kar kar.

Beno, gaurkoz banoa. Bihar unibertsitatetik idatziko dizuet. Liburutegian bero egoten baita. Agurrr!!!

Liburuak Gasteizen

Utzi erantzuna

Gasteizeko hiria liburutegiz horniturik dago. Ni bereziki bitara hurbiltzen naiz: Hegoaldekoa eta Koldo Mitxelena, azken hau EHU-ko Arabako kanpusean kokatua dago.

Lehenengoan Oñatiko txartel berberarekin liburuak maileguan hartu ditzaket. Bigarrenean, nire karrerari buruzko hamaika idazlan aurkitzen dira. Hori oso lagungarria izango zait gutxienez lau urte hauetan. Joxe Aranzabal, bigarren edo hirugarren

Herenegun Boulevard merkatal gunean paseatzen ari nintzela Eroskira sartu nintzen liburuak ikustera. Sorpresa handia hartu nuen gehien salduenetakoen artean Joxe Aranzabalen Medikuak esan dit minbizia dudala ikusi nuenean. Bigarren edo hirugarren postuan zegoen, azken datu hori ez dut oso ongi gogoratzen.

Joxeren bloga ahal dudan gehienetan irakurtzen dut. Blogari on bat dela deritzot. Oso interesgarriak iruditzen zaizkit jorratzen dituen gaiak. Bere liburua irakurtzeko gogoa daukat lehenbailehen.

Hori guztiagatik eta salduenetakoen artean zaudelako, zorionak!!!

Liburu ugari askatuko dituzte

Gaur Boulevardean liburu ugari askatuko dituzte. Xehetasun gehiago ikusteko www.bookcrossing.comÁlava-Vitoria-Gasteiz helbidean.

Beraz jakinean jartzen zaituztet. Egun hauetan liburu bat aurkitzen baduzue, hartu eta gogoratu erregistratzen. Irakurri ondoren berriro aske jartzeko.

Nik Oñatin utzi nuen liburua dagoeneko hartua izan da.

Errepresioa ez da bidea

Utzi erantzuna

*Orain dela hilabete batzuk, galdetu zidatenean blog hau zergatik egin, hau erantzun nuen: gaztea naizelako eta gauza asko kontatu nahi ditudalako. Oñatiko gaztetxearen gaia pil pilean dago oraindik eta orreri buruzko beste artikulu bat idaztera noa. Ez da azkena izango.*

Hiru aste igaro dira dagoeneko A-8tik. 21 egun Oñatiko gaztetxea bota zutenetik. Erarik ankerrenean bota ere. Oraindik kaleak jarrita ez dauden ordu batean, goizeko zazpietan.
Horiek ez dira gazte askori elkartzeko tokia kentzeko era. Goiz hartan hori ez zen gertatu behar. Eraikuntza ez zegoen erortzeko, hortik Oñatiko mila gazte igaro baitira beren deabrukeriak gauzatzeko. Eta jausteko bazegoen, zergatik ez dute bota hori esan zutenetik?

Arratsalde horretan gazte mordoa elkartu ziren herriko plazan. Manifestazio bat deitua zegoen goizeko txikizioa salatzeko. Kale zaharretik gora joan ziren eta bueltarako ertzainak itxaroten. Hauek manifestazioa sakabanatzeko gomazko pilotak jaurtitzen hasi ziren.

Ez al dugu ba pertsonak elkartzeko eskubidea eta adierazpen askatasuna? Ertzaintza ez al da herriaren segurtasuna bermatzen duena? Lehenengo galderari ezetz erantzun zioten beltzek eta bigarrenari berdin. Badirudi indar hauek partidu politiko baten eta tokian tokiko alkatearen mende daudela, kasu honetan PNV eta Andoni Garcia. Edo bestela zergatik ez zuten utzi elkarretaratze baketsu bat egiten?

Hauek ez dira erak, Andoni. Zuk hori ondo dakizu.

Seguruenez artikulu hau ez da izango OGA eta gaztetxeari buruzko idatziko dudan azken artikulua.

Pd: Askok ez dakite Gazteleku eta gaztetxe baten arteko aldea. Askok esaten dute izenak ez duela garrantzirik, ba badu. Hemen erraz samar azalduko dut. Gaztetxe batean gazteek beraiek erabakitzen dute zer egin eta zer ez. Gazteleku batean udalak ezartzen ditu arauak, hau da, proiektu politiko bat da eta beraiek agintzen dute.

Heras, momentuz errugabe

Utzi erantzuna

Txirrindularitza berriro ere informazio lizunez irakurri daiteke egun hauetan. Espainiako lau itzulietako irabazlearentzat, Roberto Heras, egun ilunak dira hauek.

Aurtengo Espainiako itzulian jokatutako azken aurreko etapan EPO nabaritu dute beren gernu analisietan.

Informazio honekin ez da soilik pertsona baten izena zikintzen, kirol oso batena baizik. 1997tik, Festina tourretik bota zutenekoa, gaur egun arte doping kasuak egunkarietako orriak eta orriak betetzen dituzte. Egia da txirrindulari batzuk drogatu egiten direla beren kirol maila igotzeko, baina oso gutxi dira. Kirol guztietan gertatzen dira horrelako kasuak. Zergatik agertzen diren gehien txirrindularitzan? Erantzun erraza: kontrol gehien egiten den kirolean delako.

Min egiten dit entzuteak 200 kilometro egiteko dopatu egin behar dela bat. Hori entrenamenduen ondorioz lor daiteke. Eta bestela horrelako esaldiei erantzuteko horrelako bat erabiliko nuke: Eta 90 minutu baloi bateri ostikadak emateko, eta baloia 100 kilometro baino gehiagoko abiadura hartzeko eta 50 metro eta 100 metro bitarteko distantzia batera botatzeko, ez al da dopatu behar? Eta horrela mila adibide, baina ez dut jausi nahi joku horretan. Guk, txirrindularitza maite dugunok, duinak garelako.

21ean dena argituko da

Momentuz Heras errugabea da eta hilaren 21ean egingo den kontraanalisiaren emaitza jakin arte ezin daiteke ezer esan.

Momentuz dena espekulazio hutsa izan da. Mesedez itxaron dezagun eta utz dezagun gauzak dauden horretan.

Gaztetxea bizirik jarraiutko du

2 erantzun

Oñatiko gaztetxea zer esan ugari eman ditu hilabete hauetan. Bizitza ugari eman dio Kasablankako auzoari, eta are garrantzitsuagoa, gazte mugimendua hazi egin da.

Gaur egun tristea da. Atzo goizean gazteek izandako lekua azken bi hilabeteetan bota egin zuten. Horren ondorioz manifestazioa deitu zuten gazte asanbladakoek eta istilu ugari sortu ziren arratsaldean. Gaur grebatara deituta daude ikastetxeak. Hainbeste orduz lan egin ondoren ikusteak makina batek zure lanak bota dituela ikusten denean, normalean, ez da egoten aurrera jarraitzeko gogorik. OGA-k ordea hori lortu du. Edozer gertatzen dela beti etorkizunera begira dagoen talde bat da. Dagoeneko pentsatzen hasiak dira astebukaera honetan programatuta zutena burutzeko asmoa dutela.

Oñatin gazte mugimendua luzaroan jarraituko du. Gazte ugari dago etorkizunean berriro ekintza ugari egiteko asmoarekin. Gainera herriko hainbat elkarteetako laguntza jasotzen dute.

Nire animurik beroenak OGA-ri, hilabeteetan bizitza eman diola Oñati herri hilari. Inkomunikatutako herri batean, ikusi denez, gazte askok beraien artean koordinatzen baldin badira, bizia ematen diote lotan dagoen gizarte bateri.

Zorionik beroenak eta hurrengo gaztetxea betirako izan dadila!!! Eutsi goiari eta segi aurrera!

Nire lehen hizkuntza

Utzi erantzuna

Gasteizen bizi naiz astean zehar. Residentzia baten nago beste 29 lagunekin. Leku askotakoak gara: gipuzkoarrak, bizkaitarrak, nafarrak… baina Euskal Herritik kanpo ere bada jendea: kataluniarra, kantabriarra…

Hizkuntza hiru daude beraz gure etxebizitzan. Euskara, katalana eta erdara. Unibertsitatean hizkuntza gehiago daude: italiarra, galegoa, frantsesa, ingelesa…
Nire ustez hizkuntza guztiek maila bera eduki behar lukete. Hizkuntza guztiak ofizialak izan beharko ziren eta ez bata bestearekiko mendekoa. Horregatik nik, hiri honetan nire lehenengo berba euskara da. Hatzaileak ez badaki nire hizkuntza ni bere hizkuntzara edo bera nirera moldatuko litzake. Baina garrantzitsuena gai honetan hizkuntza bat ez galtzea da.

Euskaraz berba egin behar, ez bakarrik komunikatzeko, ondare kultural bat urteen ondorioz mantentzeko ere. Horregatik nire animorik beroenak ematen diet euskara defendatzen duten guztiei eta horrela jarraitzeko. Gainera euskal ikasleei eta ez diren euskal ikasleei eskatzen diet beraien lehenengo hizkuntza euskara izan dadila, jakiten badute. Horrela gure bizitza erosoagoa egin baitezakegu.

Lanez gainezka.

Azken aldi honetan lanez gainezka egon naiz. Ahal dudanetan idatziko dut blogean. Ikaslearen mundua ordu askotako lana da.