Kategoriaren artxiboa: Sailkatugabeak

UZTAILEKO AGENDA

Utzi erantzuna

Uda bero-bero datorkigu eta bertso-saioz beteta. Hemen daukazu uztaileko agenda!


Paella Eguna, Aixerrotan (VII-25), 12etan.


– Josu Landeta
– Beñat Vidal
– Itxaso Paia


Gorliz, Iberre Berri plazan (VII-27), 21etan.


– Andoni Egaña
– A.M. Peñagarikano
– Julio Soto
– Fredi Paia
– Gai-jartzaile: Miren Loizaga


San Inazioak (saio guztiak Algortako Kasino plazan izango dira 13etan, lehen egunekoa izan ezik 20etan izango dela).


1.eguna (VII-29)


– Xabier Amuriza
– Mixel Xalbador
– Joxe Agirre
– Loidisaletxe
– Gai-jartzaile: Xabi Paya 


2.eguna (VII-30)


– Xabi Paya
– Amets Arzallus
– Iratxe Ibarra
– Onintza Enbeita
– Gai-jartzaile: Zuriñe Iarritu


3.eguna (VII-31)


– Fredi Paia
– Andoni Egaña
– Jexux Mari Irazu
– Unai Iturriaga
– Gai-jartzaile: Unai Elizasu


Oharra: beltzez dauden bi bertsolariek BERTSO-MARATOIA egingo dute. Bazkarian izena emateko albegetxo@gmail.com helbidera idatzi.


4. eguna (VIII-1)


– Igor Elortza
– Maialen Lujanbio
– Sustrai Colina
– Unai Agirre
– Gai-jartzaile: Arkaitz Gomez

AHO ZAPORE EZIN HOBEA!

Erantzun 1

Saioa: Bertso-Jaialdi Mundiala, Algortako Bihotz Alai plazako karpan.
Bertsolariak: Amets Arzallus, Andoni Egaña, Maialen Lujanbio, Jon Maia, Fredi Paia eta Xabier Paya.
Data: 2009-VII-15
Ordua: 22:00
Entzule kopurua: 385


Bertso-jaialdi mundiala IV por ti.


Itzela! Izenburuak esaten duen bezala, aho zapore ezin hobearekin geratu ginen Bihotz Alai plazara hurbildu ginen bertsozaleok. Irrikaz nabaritzen zen jendea: zein izango zen saioko gaia, egongo ziren ezusteak,…


Gastronomia izan zen gai nagusia. ALBEk goi mailako sukaldari bat jarri zuen saioa gidatzeko: Peio Unzurrunzaga. Bere txano eta amantalarekin gastronomiaren alde gozo zein mikatzetara bideratu zituen.


Aurreko post-ean esan bezala, une gogoangarri asko izan ziren. Bertsolariek Maialen Lujanbio konkistatu behar izan zuten plater banarekin. Gutiziarik onenak eskaini zizkioten tronuan eseri zen Maialeneri.


Guztioi gustatzen zaigu gastronomiaz gozatzea, baina Fredik eta Xabik zentzu guztiak erne jarri behar izan zituzten Peiok jarritako froga nota onarekin gainditzeko. Bakoitzari antifaz bat jarri eta begiak itxi zitzaizkien. Txandaka, hiru jaki frogatu eta bertso bidez azaldu behar izan zuten dastatutakoa. Esan daiteke, Paiatarrek dastamen ona dutela eta ondo gainditu zutela froga.


Bertsozaleek ere paper garrantzitsua bete zuten saioan. Produktu desberdinen irudiak proiektatu ziren pantailan, Aitzol eta Josu zerbitzariak jendartera hurbildu zen, eta publikoan zeuden pertsonei galdetu zieten zein bertsolariekin lotuko zuten produktu bakoitza. Maialen Lujanbio tortilla frantsesarekin, Xabi Paya karolina batekin, Fredi Paia Pata Negra urdaiazpikoarekin,…


Kanibalak bisitan etorri zitzaizkigun! Haien tribuan gosetuta zebiltzan eta publiko artera jeitsi zituzten Jon Maia eta Andoni Egaña janari bila. Aukera ederra izan zen publikoa zirikatzeko eta barre algarak sortzeko haien artean.



Gaueko unerik ustekabeena, azkena izan zen. Azken afaria egin zuten, guztiak mahaiaren inguruan. Kandelabroak, mantela, ardoa,… giro intimoan afari eder bat egiteko. Baina zeozer falta zen… janaria! Hara non, guztion ezusterako, Telepizzako motorista bat agertu zen eszenatoki gainean eta pìzzak utzi zizkieten mahai gainean.


Bertso-jaialdi mundiala I por ti.


Bukatzeko, txalo zaparrada itzela bertsolari eta gai-jartzaile taldearentzat. Urtero bezala, saioak goia jo zuen!

BERTSO-JAIALDI MUNDIALA!

Erantzun 1

Prestatu zaitezte!


Aurten ere Bertso-Jaialdi Mundiala izango dugu Algortako Bihotz Alai plazako karpan.


Aspalditik dabil bertso-eskolako gai-jartzaile taldea lanean eta ziur gaude, urtero bezala, harrituko gaituztela gai eta une gogoangarri askorekin.


Baina gai onak ezezik puntako bertsolariak ere beharko ditugu, honakoak ibiliko dira kantuan: Amets Arzallus, Andoni Egaña, Xabi Paya, Jon Maia, Fredi Paia eta Maialen Lujanbio. Gai-jartzaile: Peio Unzurrunzaga.


 


        mundiala 2009 KARTELA por ti.


Beraz, zuen agendetan ondo gorde data: uztailaren 15ean, 22.00etan.

SAN JUANAK ALGORTAN

2 erantzun

Urtero bezala, herriko hainbat elkarte batuta, <A href="http://www.blogari.net/egizu/2009/06/30/umeen_san_juan_suaren_irudiak“>Umeen San Juan Sua antolatu genuen San Nikolas plazan. Nola ez, bertsoak ez ziren faltatu!


Aurtengoan bertsolari gaztetxuak izan ditugu guztiak, 9-11 urte bitartekoak. Adina ez zen traba izan ale ederrak botatzeko. San Nikolas Ikastolan hasi dira aurten bertsotan Itxaso Paiaren eskutik.


Sua piztu baino lehen abestu zuten eta gogotsu daude bertsotan jarraitzeko. Eutsi goiari!


                     


          


                        

PEIO ARONDOREKIN HIZKETAN

Utzi erantzuna

Ikasturtea bukatzear dagoela eta, aukera izan dugu Peio Arondorekin hitz egiteko, bertso-eskolako gazteen taldeko partaidearekin. Peioren lehen kontaktua bertsolaritzarekin San Nikolas Ikastolan izan zen, hezkuntza arautuko programaren barruan.


                              


Hemen Peiok kontatu diguna:


– Noiz hasi zinen bertsotan?


  Pasa den kurtsoan hasi nintzen bertso-eskolan, 14 urterekin.


– Zer ematen dizu bertsolaritzak?


  Bertsolaritzak jendea ezagutzeko aukera bikaina eman dit: udalekuak, saioak, bidaiak,… etengabe jende berriarekin harremanetan egon naiz sartu nintzenetik.


– Zer egiten duzue bertso-eskolan?


  Astean behin elkartzen gara bertso-eskolan, bertan hitz egin, kotilleatu, merendolak eta planak egiten ditugu. Bertsotan ere bai.


– Nola animatuko zenituzke gaztetxoak bertso-eskolara?


  Nire ustez, gaztetxoek bertsolaritzari buruz duten ideia aldatu behar da: bertsolaritza ez da tripadun gizon bat baserriari buruzko bertsoak botatzen txapela buruan duela, ahots ozen eta aspergarri batekin. Bertsolaritza bat-batekotasuna, freskotasuna eta umorearekin lotu behar dute.


– Eta bukatzeko, bertso bat eskatuko dizugu.


  Bertsolaritza sozialki dago
  liburuetan gordeta:
  bertsolariak jarrita dauka
  txikitero etiketa.
  Los Angelesko raperoa, berriz,
  ei da kaleko poeta,
  errimaz, doinuz, umorez eta
  errebeldiaz beteta.
  Hip-hop, Rap zein bertsolaritza
  eginda konparaketa,
  txapela eta raper-bisera
  da dagoen aldaketa.
  Eminemek ta Andoni Egañak
  antza badaukate eta.


Milesker Peio!

BALKOITIK BALKOIRA 09

Utzi erantzuna

Ostiral honetan, 22:00etan, Balkoitik Balkoiraren beste edizio berri bat izango dugu Portu Zaharreko Etxetxu plazan.


Desafioetan egiten zen bezala, bertsolari bakoitza balkoi batean jarri da eta bertatik arituko da kantuan. Aurtengoan Unai Iturriaga eta Igor Elortzaren txanda izango da.


Guztiz ilunduta dagoenean hasiko da saioa. Xarma izugarria izaten du saio honek eta behin frogatzen duenak, hurrengoetara ez du hutsik egiten.


Ostiralerarte!


Balkotik Balkoira 2009 por ti.

IMANOL URIA ETA MADDALEN MARKAIDA BIZKAIKO ESKOLARTEKO FINALEAN

2 erantzun

Idatzizko txapelketaren ondoren, bat-bateko txapelketaren txanda izaten da. Kanporaketak egin dira Bermeon, Markinan eta Ondarroan. Bihar izango da Bizkaiko Eskolarteko Bertsolari Txapelketaren finala Bilboko El Carmen aretoan, goizeko 11etan.


Gure eskolak bi ordezkari izango ditu 14-18 urte bitarteko bat-bateko finalean: Imanol Uria eta Maddalen Markaida.


             


Zorte on eta egurra!

BERTSOLARI GAZTETXOEN IX.EGUNA

Erantzun 1

Maiatzaren 15ean, Areetako Andrés Isasi Musika Eskolan Bertsolari Gaztetxoen IX. Eguna eta VII. Euskal Eguna ospatu genituen. Getxon hezkuntza arautuan dabiltzan 350 ikaslek parte hartu zuten.


                     Beñat eta Nahikari aurkezle lanak egiten


Goizeko 10.30etan hasi ginen eta lehendabiziko ekitaldia ikasleek egun honetarako bertsoak abestea izan zen. Bertsoak abesten zituzten bitartean, aipatzekoa da beste ikasleek emandako txaloak eta animoak.


                     Ikasleak prestatutako bertsoak kantatzen


Abestu ondoren, bertso-jolasei pasatu genien txanda. Horretarako Xabi Paya, Ekhi Erremundegi eta Odei Barroso bertsolarien laguntza izan genuen. Oso ondo sartu ziren jokoetan eta gazteek asko gozatu zuten.


                    Bertso-jolasak 


Aurreko post-ean kontatzen dugun bezala, Balendin Txiki III.Bertso-Paper lehiaketako sari-banaketa burutu zen.


                    Saridun guztiak


Saioan ederto batean pasatu zuten gaztetxoek. Ez zen saio arrunta izan, bertsolariak ume artean ibili ziren: zirikatzen, galderak egiten, kantatzera animatuz…


 Xabi goiko palkoan Ekhi umeei bertsotan


                      Odei umeak zirikatzen


Jaiari bukaera emateko, bertso-paperak kantatu genituen guztiok batera.


                      Bertso-paperak abesten


Datorren urtean gehiago eta hobeto!

BALENDIN TXIKI BERTSO-PAPER LEHIAKETAKO SARIDUNAK

2 erantzun

Maiatzaren 15ean Balendin Txiki III. Bertso-Paper Lehiaketako sariak banatu genituen, VII. Euskal Eguna eta IX. Getxoko Bertsolari Gaztetxoen jaialdiaren barruan.


Parte-hartzaileak Getxoko Hezkuntza Arautuko ikasleak izan dira. LHko 5 eta 6.mailakoak. Gai honi bertso batekin erantzun behar zioten: Zein da zure ustez getxoztarrik famatuena?


Arlo desberdinetako pertsonaiak hautatu dituzte, ezagunak zein ezezagunak: Karolo, Xabi Paya, Imanol Landa alkatea, Eneko Acero, Unai Basurko, José Luis Ugarte, Nahikari Ayo, Yahaira Agirre,…


Eskola bakoitzetik bi saridun egon dira eta kategoria orokorrean hiru sari eman ditugu. Saridunak honakoak izan dira:


Zabala: Eneko Camiruaga eta Mikel Gamero


Romo: Olatz Cadarso eta Dorleta Laka


Gobela: Mikel Cárdenas eta Arrate Eguzkitza


Zubileta: Ignacio Zamakona eta Ainhoa Diez


San Nikolas: Beñat Arocena eta Olatz Erkiaga


Andra Mari: Ane Férnandez eta Asier Astorkiza


Geroa: Maite Landaluce eta Ihartze González


Saridun guztiak por ti.


Kategoria orokorrean:


1. Telmo Benito del Valle (San Nikolas): Eneko Acerori buruzko bertsoa egin zuen.


2. Begoña Sustatxa (Geroa): Bere amari buruzko bertsoa egin zuen.


3. Gaizka Astigarraga (Gobela): Nahikari Ayori buruzko bertsoa egin zuen.


3 saridunak por ti.


ZORIONAK GUZTIOI!