sasoibide+: PORTASOL – URKULU – ARETXABALETA (2025-12-3)
Hodeien mehatxuei iskin egin, eta abiatu gara; arratsalde atsegina gaurkoa ere. Urkuluren ur maila gora, nabarmen! Inguruko mendien presentzia dotorea, gozagarri. Arnas sendoa hartu eta, indarberrituta norberaren txokora.
SANTAMAS KROSA, parte hartzeko prest!
Bazatoz gurekin?
SANTAGEDATX (Agingain, 416 m.); (2025-12-04)
Guretzako toki kuttuna Mariren ispilua deritzotena, Santagedatx gaina. Anbototik zuzenean etortzen omen da Mari ispiluan begiratzera; egunen baten hor bertan aurkituko bagenu, Ataunen entzundakoa gogoan izango al dugu? Hori komeni, bai. Gaur Palestinako banderak Nafarroakoari lekua hartu dio, hunkigarria mendietan ere Herri Palestinarraren egoera latza ahazten ez dugularen lekukoa.
Udazken jantziak aukeran! Santagedatxen, Garagartzan, Santa Barbaran, Seberon… Okre koloreak nonahi, tonalitate anitzetan. Naturaren oparia!
