Miserikordiako lorategi ederretik pasatzerakoan, kapera ikustera sartu gara eta han jakin dugu futbol zelaiaren izenaren jatorria, San Mames hain zuzen. Bitxia, benetan. Miserikordiaren Erret-Etxe Santua, erakunde hori ondo errotuta dago Bilboko historian, eta Athleticeko jokalariei emoten jaken lehoiak goitizena, bertan dagoan San Mamesen omenezko kaperatik dator.(www.uriola.eus)
Gure gida partikularrak, Javik, ederto azaldu dizkigu zenbait eraikinen ezaugarri eta bitxikeriak.
Van Goghen bizitza eta lanaren ibilbide hunkigarria Next Museum-en ikusgai. Pintore ezagunaren, Ekiloreak, Gau izartsua, Liliak… koadroekin egindako muntai liluragarriaz gozatu dugu. Bai horixe!
Zorrotzaurre Bilboko itsasadarrean dagoen uharte artifizial bat da. Lehenago, Bilboko gune industrial bat zen. Deustuko barrutiaren barruan dago, Bilbo iparraldean. Guztira, 700.000 metro koadroko azalera du. (wikipedia.org)
Zorrotzaurre ingurua ezagutzeko, ibai hertzetik paseoan. Paseo zabala, eserlekuaz eta eguzkitan etzateko hiri-altzari egokiaz ongi hornituta. Aldaketa handia sumatzen da, obra garrantzitsua, espazio handia, eraikin berriak, dotore… Eta oraingoan ere, Javiren azalpenak lagungarriak guztiaz ondo jabetzeko. Beti ere, bertako norbaiten gida lanek zeharo aberasten dute edozein bisita. Gaurko honetan, Laura eta Javiri gure eskerrik beroenak. Bejondeizuela!!
INFORMAZIO OSAGARRIA
https://thevangoghexperience.com/
https://eu.wikipedia.org/wiki/Zorrotzaurre_edo_Deustuko_Erribera
