Etiketaren artxiboa: telebista

Mundua ezagutzen

Bidaiatzea asko gustatzen
zaigu orokorrean. Leku berriak aurkitzea eta gustukoak izatea ona da.
Gainera askotan bidaiatzen dugunean beti izaten dugu lagunen bat edo
beste aholkatzen diguna leku batetara edo beste hartara joatea. Hemen
aurrerantzean nik deskubritutako leku batzuen gomendioak erakutsiko
dizkizuet. Ondoren aholku hauekin egin dezazuen nahi duzuena.

Lisboako Pois kafetegia

2008ko apirilean Lisboara
joan nintzen Iron man erdi batean parte hartzera. Bost eguneko bidaia
bat izan zen. Asteazken eguerdian irten eta astelehenean itzuli.
Txapelketa larunbatean izan zen eta hurrengo eguna Lisboako hiria
bisitatzeko erabili genuen. Beste egunetan EXPOa egon zen tokian
hartu baikenuen ostatu eta hirira hurbiltzeko aukerarik ez genuen
izan.

Alfamako auzotik paseatzen
ari ginela igande eguzkitsu hartan (zorionez Lisboako auzo zahar
hartako kaleak oso estuak dira eta nagusi itzala zen) nire lagunak
ikusten ez diren kafetegi horietako bat aurkitu zuen: Pois Cafe. Ezohiko
dekoratu bat Friends telesaileko Central Perk kafetegia ekartzen
dizuna gogora. Sofak, liburuz eta aldizkariz jositako apalategiak…
Ordu erdiz egongo ginen han kafea hartzen baina arratsalde osorako
gonbita egiten duen toki bat da.

Kafea lasai hartzea gustatzen
bazaizu eta dekorazio arruntek aspertzen badizute, Lisboan toki
egokia irudituko zaizu Pois kafetegia.

Gustuko ditudan telebistako pertsonaiak (II)

Utzi erantzuna

Xabier
Usabiaga

Oraingo honetan aurkezle euskaldun bat
aipatuko dut jendeak ez esateko soilik telebistako pertsonai erdaldunak gustuko
ditudala soilik. Euskaldun pertsonaien artean Xabier Usabiaga daukat gogokoenen.

Bikai bat merezi duen profesional bat dugu
Xabier. Batez ere euskadi irratian entzuten dudanean daukat gustokoen.
Txirrindularitza proba garrantzitsuenetan aritzen da esatari bezala.

Bere dokumentazio lana altxor bat da
belarrientzako. Gaur egungo datuak eta berriak datu historikoekin maisutasun
handiz tartekatzen ditu. Lasterketa irakurtzen ondoen dakien kazetarietako bat
da. Hala ere agian txirrindulari ohiek eta aldi berean esatariak direnek
ikusten dute beste batzuek ez duguna ikusten ta horrek beste irakurketa bat
ematen die lasterketarena. Aitak esaten dit Joseba Beloki gasteiztarra oso ona
dela aspektu horretan. Nik noizean behin entzun izan diot eta egia esateko ez
du lan txarra egiten bere iritzia ematerakoan.

Xabier Usabiagarekin jarraituz eta amaitzeko
gehitu behar dut Berria egunkarian irakurri izan dudala noizean behin eta esan
beharra dago komunikabide idatzian esatarian bezalako maila ematen duela.

Bergara-Lizarra trenbidearen bide berdea, telebistan.

Utzi erantzuna

Bergara-Lizarra trenbidearen bide berdean, garai batean Lizarratik (Nafarroa) Mekolalderaino (Gipuzkoa) zihoan eta Gasteiztik igarotzen zen trenbidearen ibilbidea berreskuratu eta aisialdirako egokitu da. Espainia osoan, erabiltzen ez diren tren azpiegitura horiei dagokienez, ia 1.600 kilometro birmoldatu dira bizikletaz ibiltzeko edo bidezidor kirola egiteko, Bide Berdeak programari esker. Fundación de Ferrocarriles Españoles fundazioak koordinatzen du programa hori, eta, halaber, era aktiboan parte hartzen dute Ingurumen Ministerioak, autonomia erkidegoek, aldundiek eta udalek, bizikletari eta ekologiari loturiko taldeekin nahiz herritarren kolektiboekin batera. Dagoeneko 64 bide berde egokitu dira.

Ibilbide horiek sustatzen aldera, TVEk Vive la vía telesaila ekoiztu du, eta, lehen fasean, La 2 kateak kapitulu zenbait eman ditu jadanik. Bigarren fasea urrian hasi zen, eta han Bergara-Lizarra trenbidearen bide berdeari buruzko kapitulua sartu dute. Gaur, urriaren 20an, emango dute, 23:00etan.

Albistegiak

Utzi erantzuna

Telebista aldatzen ari da. Kanal berriak jaiotzen ari dira eta lehia nork lortu audientzia handiena inoiz baino gogorragoa da. Baina gauza bat ez da aldatu denbora igaro arren, albisteen tarteetan ari naiz.

Normalean hiru edizioetakoak izaten dira: goiz, eguerdi eta gaua. Baina azken urteetan badirudi goizekoak indarra galduz joan dela eztabaidei lekua utziz eta gabekoak sekulako indarra hartu duela.

Logikoa da gabekoak indarra hartu izana. Gusturago ikusten dugu egunean gertatu dena, bezperan gertatutakoa baino. Hori logikoa deritzot, gaur egun bizi garen garaian, azkartasunak eta abiadurak garrantzi handia duena, iazko egunean gertatutakoak garrantzia segituan galtzen duelako.

Gainera kate gehienetan ia guztiek emisio ordua antzeko dute.Gehienez ere batetik bestera ordu erdikoa izaten da aldea edo asko jota ordubetekoa. Askotan bi albistegi desberdin ikusteko aukera izan ohi dugu, eta muturreraino joaten bagara hiru arte ere begira dezakegu.

Berritasun ugari eta emakumeak buru

La Sexta katea izan da azkena bere albiste tartea estreinatzen. Azpimarratzekoa hiru emakume jarduten dutela berriemaile bezala (Mamén Mendizabal, Helena Resano eta Cristina Villanueva).

Nik gustuko dut albistegi hori.Gainera egin duten iragarki kanpaina nahiko ona deritzot: “gustatuko litzaiguke politiko bat taberna batean sartzea…” edo “gustatuko litzaiguke etxegile bat etxebizitzen zozketa batean parte hartzea…”.

Uste dut bere lemak bete betean jotzen dutela katearen filosofiarekin: “Beti kaletik gertu”. Oso kritikoak dira, eta hori asko eskertzen da.

Azpimarratzekoa da baita ere Wyoming handiaren fitxaketa. Gabeko albistegiaren ondoren izaten du tartea, errealitatea ikuspuntu desberdin batetik ikusteko aukera dugu, eta aldi berean komunikabideek duten gudari buruzko informazioak ematen dizkigute.

Telecinco

Harrituta utzi ninduen beste albistegi bat da. Orain dela hilabete batzuk kazetari batek berri bat zabaltzen ari zen aldi berean kaleko pertsona bateri elkarrizketatu zion.

Sorpresa izan zen niretzat ekintza hura, horrekin kateak adierazi nahi zuelako kaleko pertsonen gertu egon nahi dutela.