Gogorra
ari da izaten…

…baina gustura egiten ari naiz egiten dudana.
Egunero zerbait idaztea blog honetan eta entrenamenduak jarraitzea oso gogorra
egiten ari zait. Baina gogortasun era bat azkenean eskertu eta disfrutatu
egiten duzunaz.

Egia da batzuetan ideiak ez ditudala batere
garbi eta blog honetan ekarpenak egitea kosta egiten da normala baino pixka bat
gehiago. Eskertzen den gauza bat da azkenean, munduarentzako idazten dudalako
eta munduak irakurri egiten du (ados jende guztiarentzat idazten dudalako eta
lau katuk irakurtzen didate).

Gabilondoren iritzi berekoa naiz aspektu
horretan. Nik ez dut idazten hamar, ehun edo mila irakurlerentzat. Pertsonalki
idazten dut, irakurtzen didan bakoitzarentzat eta irakurle kopuruek ez didate
axola, axola zaidana pertsona horiekin konektatzea baita.

Eta entrenamenduei buruz zer esan. Maratoiaren hilabetera iritsi garela
aipatu beharra daukat. Aste hau eta hurrengoa oso garrantzitsua izango da,
17tik 23 bolumena jaitsi egingo dut eta azkenengo astea izango da zaila. Erabat
deskantsatu beharko dudalako eta zazpi egunak ezer egin gabe luze egingo
zaizkidalako.