Leire Kortabarriak artikulu nahiko interesgarria idatzi du bere blogean Justo Gallegoren ametsari buruz. Eta galdera batekin bukatzen du idatzia, ea ametsik dugun irakurleok. Nik amets ugari ditut. Hainbeste ez naizela kapaz bat aukeratzeko.
Amets gehienak epe motzera dira. Esaterako orain egunero amesten dut selektibitatea bukatu egiten dela eta gainditu egiten dugula. Jai handia antolatzen dugu eta agur esan ondoren hurrengo egunean Lizarrara abiatuko naizela amesten dut.
Amets hori errealitatea izateko probabilitate handia dago. Ez dut beste ezer buruan momentu honetan. Aste hau nahiko magikoa izango da, nahiko garrantzitsua da askorentzat.
Zorte on denoi!!!
Ez dut ahaztuko selektibitatea egin nuenean, berezia izan zen. Azken aldia ikastolako lagunekin azterketa bat egingo nuela. Urduri geunden, baina xarma berezi bat dauka. Selektibitateko farra eta gero, asko eta asko ez dituzu berriro ikusiko kaletik: kanpora joan direlako, bakoitzak bere bizitza duelako, … Ikusten dituzunean poz handia hartzen duzu eta beti ateratzeko dira ikastolako kontuak.
Selektibitatearen ametsa beteko duzu eta bukatzen duzuneko farra ere! Animo!
Eskerrik asko post honengatik 🙂
Epe motzerako ametsak ere motibazio bikaina dira! Horiek bete eta berri gehiago agertzen dira, beti.
Zorte ona opa dizut, eta benetan aste magikoa izan dadila zuretako ere!