Kategoriaren artxiboa: Sailkatugabeak

BERTSO-IDATZIETAN URIBE KOSTA NAGUSI!

Erantzun 1

Ostiralean Bizkaiko Bertso-Idatzien finala izan zen Gernikako Seber Altube Ikastolan.


Gure eskualdeko ikastetxeek ordezkaritza zabala eraman zuen. Aurretik egindako lanak bere fruituak eman zituen Gernikan eta sari ugari ekarri genituen.


Uribe Kostako finalista guztiak por ti.


Hona hemen saridunak:


5.mailan:


3. Unai Mendiburu (Ander Deuna Ikastola)


2. Fermin Reicnike (San Nikolas Ikastola)


6.mailan:


1. Olaia Prego (Betiko Ikastola)


DBH 1:


2. Aitor Vicente (Ander Deuna Ikastola)


DBH 2:


3. Jon Zurinaga (San Nikolas Ikastola)


1. Peru Benito del Valle (San Nikolas Ikastola)


DBH 3:


2. Andutz Zulaika (Ander Deuna Ikastola)


DBH 4 eta Batxilergoak:


3. Peio Arondo (San Nikolas Ikastola)


1. Imanol Uria (San Nikolas Ikastola)


Aipamen berezia egin zieten eta baita kantatzeko aukera eman San Nikolas Ikastolako Mikel Martinez eta Ander Sarasketari. Bi algortar hauek 9 urte dituzte, eta nahiz eta txapelketa 5.mailatik aurrera izan, maila ederra erakutsi zuten.



Zorionak danori!

ESKOLARTEKOA ZURI-GORRIZ JANTZI ZEN

Utzi erantzuna

Atzo, lehenengo aldiz, Bizkaiko Bertso Idatzien Eskolarteko Txapelketako kanporaketa izan genuen San Nikolas Ikastolan.



Uribe Kostako 105 gaztek parte hartu zuten giro ezin hobean. Athletic-eko finala egun berean jokatzen zenez, zuri-gorria izan zen nagusi ikastolako jantokian.


Bihar finala izango da Gernikako Seber Altube Ikastolan.Uribe Kostatik ordezkaritza zabala joango da. Zorte on!


Gogoratu, bihar ere Getxoko Bertsolari Gaztetxoen Eguna ospatuko dela Areetako Andrés Isasi Musika Eskolan!


GETXOKO BERTSOLARI GAZTETXOEN IX.EGUNA

Utzi erantzuna

Ostiralean, hilak 15, Getxoko Bertsolari Gaztetxoen IX.Eguna ospatuko dugu Areetako Andrés Isasi Musika Eskolan.


Partehartzaileak Getxon bertsolaritza ikasten duten ikasleak izango dira. Ekitaldi mamitsua prestatu dugu ostiralerako: bertso-antzerkia ALBEko gaztetxoen eskutik, ikasleek prestatutako bertsoen emanaldia, bertso-jolasak, Balendin Txiki III. Bertso-Paper Lehiaketaren sari-banaketa, bertso-saioa Ekhi Erremundegi, Odei Barroso eta Xabi Payarekin eta jaiari bukaera emateko bertso-paperak abestuko ditugu.


Gogoratu bihar, San Nikolas Ikastolako jantokian, Bizkaiko Bertso-Idatzien Eskolarteko txapelketaren azkenengo kanporaketa izango dela!


Bertsolari Gaztetxoen Eguna 2008 por ti.

BIZKAIKO ESKOLARTEKO TXAPELKETA, LEHENENGOZ GETXON

Utzi erantzuna

Hogeita sei urte dira Bizkaiko Ikastolen Elkartea Bizkaiko Eskolarteko Bertsolarien Txapelketa antolatzen hasi zela. Txapelketa horretan idatzizko eta bat-bateko bertsoak egiten Bizkaiko ume eta gaztetxorik onenak aukeratzen dira. Gure eskualdeko ikasleek askotan irabazi izan dituzte bai idatzizko sariak, bai bat-batekoak. Besteak beste, iazko Bizkaiko txapelduna, bai idatzietan, bai bat-batekoan, Jone Uria ALBEkidea izan zen.


Aurtengo edizioak, Bizkaiko Eskolarteko XXVI. Bertsolari Txapelketak, ordea, badu berri pozgarri bat guretzat: idatzizko lehiaketaren kanporaketetako bat lehen aldiz Uribe Kostan jokatuko da. Gure eskualdeko haur eta gaztetxoak maiatzaren 13an elkartuko dira, Algortako San Nikolas ikastolan, arratsaldeko 15.00etan. Ziur gaude aurten ere uzta ederra bilduko dugula!


Imanol Uria eta Maddalen Markaida por ti.

BI ESTEKA INTERESGARRI

Utzi erantzuna

Gaur, Maiatzaren 1a, eta betiko lez, gu lanean jo ta ke! Zubia gozatu dezazuen bi esteka interesgarri:


– Pasa den igandean, Gipuzkoako Bertso-Eskolen Eguna ospatu zen Azkoitian eta bertan estrenatu zen Andoni Egañak idatzitako Bertso-esko(lb)a ikuskizuna. Andoni Egaña bera, Amaia Agirre, Maddalen Arzallus, Eñaut Elorrieta, Porrotx pailazoa, Txan Magoa, Ramón Agirre eta Aitziber Garmendiak parte hartu zuten.


Bertso-eskola batean oinarritutako antzerkia da. Bertsoak, kantuak eta magia nahasten dira ikuskizunean. Benetan, ikusteak merezi du. Bertan klikatuz gero, aukera izango duzue ikusteko.


– Bizkaiek blog komunitate bat dauka eta bertan Miren Ibarluzeak idazten du. Hemen daukazue Maiatzaren 1erako idatzi duen artikulua.

LEHEN GOGOETA SAIOA

Utzi erantzuna

Larunbatean 20 bat pertsona bildu ginen Algortako Bertsolari Eskolako kideak eta beste sektore batzuetako eragileak Euskalgintzaz eta bertso-eskolen etorkizunaz hitz egiteko.


Aurretik aipatu bezala, gogoetarako lehen saiora Gotzon Lobera eta Koldo Tapia ekarri genituen.


Fredi Paia eta Gotzon Lobera por ti.


Bi hitzaldiak oso interesgarriak izan ziren. Gotzon Loberak XXI. mendeko Euskalgintzaz hitz egin zigun. Bere iritzia eman zigun kulturaren globalizazioaren inguruan eta ondoren bertsolaritzan eta bertso-eskoletan oinarritu zen. Hizkuntza Politika Zuzendaria izandakoa da Gotzon Lobera, eta aholku asko eman zizkigun instituzioetan nola jardun jakiteko.


Koldo Tapiak Euskalgintzaren hastapenetara hurbildu gintuen. Errepaso bat eman genien Euskalgintzako aroei. Ondoren, Bertsozale Elkarteak duen egitura ezagutu genuen, zer-nolako lanak egiten dituen,… Bere iritzia eman zigun bertso-eskolen etorkizunaz eta nolako pausoak jarraitu behar genituen.


Ondoren, eztabaidarako tarte bat egon zen bi hizlariekin.

GURE NESKAK HERNANDORENA ETA OSINALDE SARIKETETAN FINALISTA!

2 erantzun

Aurten ez daukagu Bizkaiko Txapelketarik, baina gazte sariketa askotan parte hartzen dute gure bertso-eskolako gazteek.


Berri pozgarriak helduko zaizkigu Iparraldetik eta Goierritik. Hernandorena Sarian Itxaso Paia eta Arrate Illaro sailkatu dira finalerako. Esan beharra dago, Itxaso Paiak Maulen burutu zen kanporaketa irabazi zuela. Finala larunbatean izango da Aiherran, arratsaldeko 19.30etan eta Arrate eta Itxasorekin batera bertsolari hauek ibiliko dira kantuan: Ximun Cazaubon, Ekhi Erremundegi, Unai Gaztelumendi eta Patxi Iriart.


                Arrate Illaro por ti.             3015_paiai[1]


Goierrin berriz, Osinalde Sariketan, Jone Uriak txartela lortu du finalerako. Larunbatean jokatuko da finala Gabiriako Osinalde elkartean. Kantukide izango ditu: Maddalen Arzallus, Maialen Velarde, Odei Barroso, Miren Amuriza eta Mikel Artola.


                                   4093_uriaj[1]


Zorterik onena opa diegu, egurra neskak!


Bestalde, gogoratu asteburu honetarako zitak:


– Larunbatean, goizeko 10.30etan, Algortako Villamonte Kultur Etxean, ALBEko lehen gogoeta saioa.


– Larunbatean, arratsaldeko 20etan, Kultur Leioako auditorium-ean bertso-saioa: Andoni Egaña, Sustrai Colina, Fredi Paia eta Uxue Alberdi. Gai-jartzaile: Aitzol de Castro.


– Igandean, eguerdiko 13etan, Kanpomartxo jaiaren barruan, Erandioko Altzaga auzoan: Iker Zubeldia, Peru Vidal eta Arkaitz Estiballes. Gai-jartzaile: Arkaitz Gomez.

ALBEko GOGOETA SAIOA

Utzi erantzuna

Algortako Bertsolari Eskola 1980.urtean sortutako elkartea da. Sorreratik bertsolaritzaren transmisioaren, sustapenaren eta ikerkuntzaren alde jardun dugu Bizkaiko Uribe Kostako eskualdean eta batik bat Getxon. Egun zeregin horretan jarraitzen dugu, bertsolaritzaren alde lan eginez, bertsogintza sustatuz, bertsolariak sortuz eta bertsozaleei euren zaletasunaz gozatzeko aukerak emanez.


2010ean 30 urte beteko ditu ALBEk.Urteurrena bera ospakizun handia izanagatik, eskolak egindako ibilbidearen mugarri eta aurrera begirako pausoen abiapuntu bihurtu nahiko luke data seinalatua. Hori dela eta, 2009ko udaberrian gogoeta-saioak antolatu ditu eta lehenengoa apirilaren 25ean izango da, Algortako Kultur Etxean (Villamonte kalea A-8, 48991).


Lehen egun honetan bi hizlari izango ditugu: Koldo Tapia eta Gotzon Lobera. Bertsolaritzaren eta kulturaren munduan aski ezagunak. Honakoa izango da egitaraua:


EUSKALGINTZA MUNDU GLOBALIZATUAN


Hizlaria: Gotzon Lobera, Bizkaiko Foru Aldundiko Hizkuntza   Politikarako Zuzendari ohia eta Deustuko Unibertsitateko irakaslea. 


Ordua: 10.30


BERTSO-ESKOLEN ERRONKAK XXI.MENDEAN


Hizlaria: Koldo Tapia, Euskal Herriko Bertsozale Elkarteko Idazkari Nagusi ohia eta Itzultzailea.


Ordua: 12.00


Hitzaldi bien ondoren eztabaidarako tarte bat egongo da.

ALBE ERE KORRIKAREN ALDE!

2 erantzun

Apirilaren 3an ALBEkide ugari batu ginen Hotela eta Garai tabernaren artean Korrika egiteko euskararen alde. 1958.kilometroa egokitu zitzaigun.



Lekukoa, Aixerrota Institutuak pasatu zion hainbeste urtetan bertso-eskolako buru izan den Joseba Santxori. Erritmo polita jarri zuen Josebak eta nahiko zaila egin zitzaigun bere atzetik korrika egitea.



Giro polita izan genuen lekukoa hartu baino lehen, guztiok gogotsu euskararen aldeko lasterketan parte hartzeko. 2011rako zin egiten dugu askoz hobeto prestatuko garela!


TIPI-TAPA, TIPI-TAPA KORRIKA!!!


P.D: Argazki gehiago gure argazki galerian.