Bihar jakingo dugu nortzuk izango diren BECen abesten duten zortzi bertsolarien izena. Baina bihar, Gernikan abestuko duten bertsolariek zenbat puntu eskuratzen duten ikusi beharko dugu.
Saioa, 17.30etan izango da, Gernikako Jai Alai pilotalekuan. Bertan gure eskolako Fredi Paiak abestuko du. Bertsolari hauek lagunduko diote: Oihana Bartra, Beñat Ugartetxea, Gorka Ostolaza, Xabier Enbeita eta Joseba Artza.
Egurra Fredi!
Aurten ere itzel! Uribe-Kostak ordezkaritza zabala eraman du Bizkaiko Eskolarteko Bertso-Idatzien finalera. Ostiralean ospatu zen finala, Gernikako Seber Altube Ikastolan.
Fermin Reicnickek hirugarren postua lortu zuen 6.mailan eta Unai Mendiburuk bigarrena. DBH 1en, Beñat Gorostiagak hirugarren postua eskuratu zuen eta Paule Loizaga txapelduna suertatu zen. Nagusien kategorian (DBH 4 eta Batxilergoak), Maddalen Markaida hirugarrena izan zen eta Imanol Uria azpitxapeldun.
ZORIONAK DANERI!
1800 bertsozale jaso zituen igandean Gernikako Jai-Alai pilotalekuak. Finala gero eta gertuago dago eta giroa gori-gori bertsozale eta bertsolarien artean.
Finalaurrekoetako bigarren itzuli honetan, Gernikan abestea egokitu zitzaion Jone Uriari. Ikusmira zegoen, gazteak eta beteranoak aurrez aurre. Sustrai Colinak batu zituen puntu gehien, baina oraindik Belodromoan gertatzen denaren zain geratu beharko da.
Aipagarria izan zen Sustrairekin egindako kopla saioa. Honako gaia jarri zieten: Apustuzaleak zarete biok. Duela astebete, elkarrekin egin zenuten apostua, urtebetez aposturik egin gabe nork agoantako ote duen. Frontoia zaudete biok, ezinegonik. Koplatan egitea konplikatua da eta are gehiago txapelketa batean. Baina horrela erantzun zion Jonek Sustrairi:
Nahiz orain zabiltzan Sustrai
ni izorratzeko planean,
apostua ez da apostu izaten
dirurik ez dagoenean.
Zortziko txikian Beñat Gaztelumendirekin egokitu zitzaion kantatzea. Bizilagunak zarete Jone eta Beñat. Beñaten pisu azpian bizi zara, Jone. Lau gau dira Beñatek goizeko 3etan aspiragailua pizten duela. Joneren lehen bertsoa jarraian<.
Lo egoten nahiz beti
nire ametsetan,
eta gero hasten da
hau ez dakit zertan!
Harrituta naukazu
zu Beñat, benetan,
beti garbitzen duzu
parrandatik bueltan.
Kartzelako gaian, gehienek bide bera hartu zuten. 300 eurorekin irten zara etxetik, eta ezer gabe itzuli zara berriz. Parrandan joan eta dirurik gabe itzuli zirela abestu zuten gehienek, nahiz eta baten batek bide zailagoak aukeratu.
Honela geratu zen sailkapena:
Sustrai Colina 655
Igor Elortza 641
Beñat Gaztelumendi 634,25
Miren Amuriza 631,25
Jone Uria 613,25
Jon Martin 606,5
Estekak:
Txapelketa Nagusiko webgunea
Bertsoa.com
Berria
Gara
Eta bukatzeko, Joneren azken agurra:
Udalekutan mila lagun ta
une datozkit gogora,
eskuetatik nahi gabe ihes
joaten zitzaigun denbora,
eta parrandan zenbat alditan
elkartu garen gerora.
Bertso-eskolan ere ze giro
aurrean duzue froga.
Eskolak jaso edo emanda
etxeratzea gustora.
Ta saioetan ze emozio
zuen txalotik txalora.
Zorionez nahiz ta BEC betetzea
den azken aldiko moda,
bertso mundua txapelketa bat
baino askoz gehiago da.
Fredi, Xabi eta Jonerentzat txapelketa bukatu da. Lan ezinhobea egin dute eta harro gaude! Baina Joneren bertsoak esaten duen bezala, bertsolaritza txapelketa baino askoz gehiago da!
Jakingo duzuen bezala, gure eskolakidea den Jone Uriak txartela lortu du finalaurrekoetako bigarren itzulirako. Gernikan egokitu zaio abestea honako bertsolariekin: Sustrai Colina, Miren Amuriza, Beñat Gaztelumendi, Igor Elortza eta Jon Martin.
Saioa, Gernikako Jai-Alai Pilotalekuan izango da, 17.30etan.
Animo Jone!
Ostiralean Bizkaiko Bertso-Idatzien finala izan zen Gernikako Seber Altube Ikastolan.
Gure eskualdeko ikastetxeek ordezkaritza zabala eraman zuen. Aurretik egindako lanak bere fruituak eman zituen Gernikan eta sari ugari ekarri genituen.
Hona hemen saridunak:
5.mailan:
3. Unai Mendiburu (Ander Deuna Ikastola)
2. Fermin Reicnike (San Nikolas Ikastola)
6.mailan:
1. Olaia Prego (Betiko Ikastola)
DBH 1:
2. Aitor Vicente (Ander Deuna Ikastola)
DBH 2:
3. Jon Zurinaga (San Nikolas Ikastola)
1. Peru Benito del Valle (San Nikolas Ikastola)
DBH 3:
2. Andutz Zulaika (Ander Deuna Ikastola)
DBH 4 eta Batxilergoak:
3. Peio Arondo (San Nikolas Ikastola)
1. Imanol Uria (San Nikolas Ikastola)
Aipamen berezia egin zieten eta baita kantatzeko aukera eman San Nikolas Ikastolako Mikel Martinez eta Ander Sarasketari. Bi algortar hauek 9 urte dituzte, eta nahiz eta txapelketa 5.mailatik aurrera izan, maila ederra erakutsi zuten.
Zorionak danori!
