Belaunaldiz belaunaldi egindako lana
Zuzendaria: Juan Antonio Bayona
Aktoreak: Lewis MacDougall, Felicity Jones, Sigourney Weaver, Liam Neeson
Herrialdea: Espainia
Puntauzioa: 4
Un monstruo viene a verme ipuin bat da eta bere barnean beste ipuin batzuk agertzen dira. Filmaren hasieran munstroaren ahotsa ipuinaren narratzaile bihurtzen da: “ haurra izateko helduegia , gizona izateko gaztegia den mutiko baten istorioa da”. Istorioaren egitura argi ikusten da Charles Dickensen Gabon kanta batean oinarritzen dela. Iraganeko, oraingo eta etorkizuneko gabonen mamuak, euren istorioekin, kasu honetan munstroa izango da. Honek bere istorioekin mutikoari jasaten ari dituen egoerek (amaren gaixotasuna, eskolako buyllinga,…) ekarritako sumindura, haserrea eta frustrazioa atera nahi dizkio. Istorioak baditu geruza desberdinak. horren azpitik bizitzan irudimenak, fantasia eta istorioen kontaketak duen garrantzia eta balioari buruz hitz egiten da. Eta beste geruza baten bila bagoaz, ikusiko dugu irudimena eta fantasia sortzeko eta berpizteko oso garrantzitsua dela belaunaldiz belaunaldi eginiko lana eta utzitako hazia.
Connorri istorio eta pertsonaia magikoak marrazteko zaletasuna amagandik datorkio, baita zinemaren magiaren ezagupena. Munstroa irudimenak sortzen badu, horren agerpena amarengandik bultzatua dago. Amak Kin-kong filma proiektatzen dio: munstroaren agerpena, honen oinatzak topatzen duen gainetik pasatuz, munstroa mutikoa harrapatzen duenean eta bere eskuan jasotzen duenean… dena filmarekin lotuta dago. Eta amak egindako lana lehenago mutikoaren aitonak alabarekin egin zuen. Alaba maitasunez hitz egiten du bere aitari buruz, ikusten ditugun argazkietan aita eta alaba agertzen dira, aita Liam Nesson da eta ez da kasualitatea jatorrizko bertsioan munstroari ahotsa jartzen diona Nesson bera izatea. Horrela transmisioraren zirkulua ixten da.
Filmarekin Bayonak narratzaile bezala pauso bat aurrera ematen du. Trebezia eta sentsibilitatea azaltzen du zinema barnekoia eta ikusgarritasuna batzeko.