Balendin Enbeita Bertsopaper Lehiaketako lanak jasotzeko hamar egun geratzen dira. Gogoratu lanak bidaltzeko bi era daudela:
Informazio gehiago nahiz izanez gero hementxe klikatu, edota albegetxo@gmail.com helbidera idatzi.
Badatorrela! Oraindik gogoan ditugu 2005ean BEC-en bizitako une gogoangarriak eta gaur bertan jarri da martxan 2009ko Bertsolari Txapelketa Nagusia. Aurkezpen prentsaurrekoa Euskaltzaindiaren Bilboko egoitzan egin da.
Berrikuntzaz beterik dator txapelketa, eta batez ere teknologikoari dagokionean: web orrialdea behar dugun informazio guztiarekin, bloga, sarrerak lortzeko orrialde berezi bat, saioetan informazioa eta sailkapenak lortzeko aukera bluetooth bidez,…
Emozioen txapelketa izan nahi du aurtengoa, hori transmititzen digu logoak.
Gure eskolak hiru ordezkari izango ditu: Fredi Paia, Xabi Paya eta Jone Uria. Blogean haien saioen eta ibileren berri emango dizuegu.
Gozatu txapelketa eta zorte on Fredi, Xabi eta Joneri!
Ez gaude oso ohituak bertsoak entzutea bertsolariek pantaila bat atzean dutela eta horren inguruan bertsoak entzutera. Baina apurka-apurka gaitasun hori lantzen goaz Bertsophoto saio bereziari esker. Hori egin genuen ostiralean: begiekin eta bertsoekin gozatu.
80 bat entzule izango ziren saioan, Getxophoto eta ALBEren elkarlanari esker sortutako saio esperimental honetan.
Igor Elortza, Aitor Mendiluze eta Jon Martin aritu ziren kantuan. Horrelako saio batean bertsolariek esfortzu bikoitza egin behar dute, baina oso ondo bete zuten lana.
Lehen gaia jarri zien Peio Unzurrunzaga gai-jartzaileak Martin eta Mendiluzeri. Argazkian, gero eta hedatuago dauden bazar txinatar baten argazkia zuten. Mendiluze lehen aldiz sartzen zen bezeroa da eta Martin lokaleko ugazaba. Aipatzekoa da Mendiluzek botatakoa: Euskal Herriko txano bat nahi zuen, baina “made in China” jartzen ez duena.
Agian saioko bertso alerik onenak Mendiluzeren eta Elortzaren bakarkakoetan izan ziren. Lehenengo Mendiluze atera zen mikro aurrean. Unzurrunzagak lau argazki erakutsi zizkion eta aukeratu behar izan zuen bere izakerarekin bat zetorrena, gero argazki horri kantatzeko.
Audrey Hepburni zegoekion argazkia aukeratu zuen. Naufragoaren doinuan abestu zuen eta ideia bat egin dezazuen, hona hemen bere bi bertsotako azken puntuak:
inposatzeko inork ez dauka fatxada zurrun honen atzean
bibotearen beharrik ameslari bat badago
Elortzak Hitlerren argazkia aukeratu zuen. Honek Gai honek badu mamia doinuan abestu zuen. Hemen ere, bere bertso bateko azken puntua:
denok daukagu barruan
gure Hitler txikia
Bukaera aldean, bertsolariak jende artean ibili ziren koplaka barre algarak sortuz. Saioan zehar atzean zegoen pantailako argazkiei abestu eta gero, aurrean zuten argazkiari abestu zioten: publikoari. Argazki makinak puntuan jarri eta argazki politak atera ziren publikoaren artean.
Ezin dugu aipatu gabe utzi bertan egon ziren argazkilariak. Kantatzeko gai izan zituzten argazkien egileak saioan bertan izan genituen:
Wang Qingsong (Txinako argazkilarien artean puntakoena)
Zhan Fang (Txinako fotografia historian aditua)
Shen Chao-Liang (Taiwaneko argazkilaririk ospetsuena)
Hsu Tsun-Tzu (Taiwandarra)
Gure eskerrik beroenak argazkilari famatu hauei!
2009ko Euskal Herriko Bertsolari Txapelketa Nagusia ate joka daukagu, urriaren 3an hasiko da Zestoan.
Irailaren 24 eta 25erako Bertsozale Elkarteak ikastaro bat antolatu du “Bertsolaritza eta Kazetaritza” izenekoa.
Bertsozale diren irakurle, entzule, ikusleei ez ezik, bertsolaritzara hurreratzen den jende berriari ere bertsoez azalpenak emateko bitartekoak eta baliabideak eman nahi dizkie kazetariei.
Informazio gehiago nahi izanez gero, esteka honetan klikatu.
2007an egin zen lehenengoz Bertsophoto emanaldia Getxophoto jaialdiaren barruan.
Antzinako ohitura eta argazkilaritza uztartzen dituen formatu berria garatu du. Peio Unzurrunzaga gai-jartzaile dutela Igor Elortza, Aitor Mendiluze eta Jon Martin, Getxoko kaleetan ikusgai izango ditugun argazki boteretsuenei buruz jardungo dira bat-bateko bertsoak eskainiz.
Zita, ostiralean izango da, irailak 11, 21:00etan, Zabala Eskolan.
Erandioko San Agustinak bukatu dira eta abuztuaren 29an izandako saioa ederra izan zen bertsozaleontzat. Irailaren 23ko plaza jendez gainezka egon zen, erandioztarrak bertso-gosez zeuden eta ez dute galtzen bertsolariekin duten zita.
Bertsotan Arrate Illaro, Maddalen Arzallus, Miren Amuriza eta Unai Iturriaga ibili ziren, Unai Elizasu gai-jartzailearen esanetara.
Ohiko ofizioez gain, ariketa bereziak egon ziren. Aprobetxatuta tenperatura hozten hasi zela honako gaiak proposatu zien Elizasuk: Tenperatura hoztuz doa eta esaiguzue berotzeko zein modu egon daitezkeen. Hori bai, mikro batetik umeek entzungo dute, bestetik umeek ez lukete entzungo. Lau bertsolariek ale politak bota zituzten.
Puntuka aritzeko orduan, bertsolariek Erandio aipatu behar zuten bertso guztietan. Bertso batzuetan ahaztu zitzaien Erandio sartzea eta publikoa builaka hasi zen bertsolariak konturatu zitezen.
Laburbilduz, saio ederra!
Erandioko jaietako saioarekin, bukatutzat ematen ditugu udako jaietako saioak. Uda potentea izan da eta bertsozaleak asetzeko moduko saioak izan dira, bai Getxon zein eskualdeko beste herri guztietan ere.
Baina lasai bertsozale, hemendik aurrera saio ugari izango dira eta blog honen bidez behar besteko informazioa izango duzu.
Milesker saioetara hurbildu zareten guztioi!
Abuztua bukatzen dago, baina bertsozaleok zita daukagu Erandioko San Agustinetan. Abuztuaren 29an, 20.30etan, Irailaren 23ko plazan bertso-saioa izango da, Erandioko Berbots Erandion Euskaraz taldearekin elkarlanean.
Arrate Illaro Maddalen Arzallus
Zapaturarte!
Bi urtean behin egiten dugun bezala, ALBEk Balendin Enbeita Bertsopaper Lehiaketa jarri du martxan. 2009koa 9.saria izango da.
Oraindik denboraz zabiltzate zuen lanak bidaltzeko, epea urriaren 1a da. Lanak bidaltzeko bi era daude:
Informazio gehiago nahiz izanez gero hementxe klikatu, edota albegetxo@gmail.com helbidera idatzi.
Herriko jaiak bukatu dira eta horrekin batera, ALBEk jaietan antolatzen dituen bertso-saioak auzoetako jai-batzordeekin elkarlanean.
Algortako jaiak
San Inazioetako saioak galdu behar ez den zita bihurtu da Algortan eta baita eskualdeko herrietan. 13.00etan Kasinoko plaza jendez gainezka egon da. Urtero legez, jendea gerizpe bila ibili da eguzkitik babesteko eta plaza ertzak beteta egon dira.
Aipatzekoa da lehen eguneko saioa, bertsolari beteranoekin: Mixel Aire, Joxe Agirre, Loidisaletxe eta Xabier Amurizarekin. Saio antologikoa, gutxitan izango dugu horrelako aukera guztiak batera bertsotan ikusteko.
Aurten bideo batzuk grabatu ditugu eta beteranoen saioko bertsoaldi batzuekin gozatu nahi baduzue hemen daukazue aukera:
Joxe Agirre Xabier Amurizaren puntuei erantzuten
Mixel Aire eta Xabier Amuriza 1967ko txapelketaz
San Inazio eguneko bertso-maratoia txapela kentzeko modukoa izan zen. Goizean saioarekin hasi ginen, ondoren bertso-bazkaria Egaña eta Fredi Paiarekin eta ondoren bertso-jira herriko tabernetan zehar. Goizeko ordu txikitan bukatu zen maratoia.
Erromoko jaiak
Aurten bertso-saioaren ordua eta tokia aldatu da, Ganetatik Santa Eugenia plazara aldatu da eta hortxe egon da gakoa. Azken urteetan baino dexente jende gehiago eta saio polita Estiballes, Arzallus, Lekue eta Uriak eskeinitakoa.
Larunbatean bertso-poteoa egon zen herriko tabernetan zehar Elortza eta Xabi Payarekin. Saio ederrak egin zituzten herriko tabernetan zehar. Pena izan zen euritan hastea eta jendea berandu hurbiltzea tabernetan. Hala ere, giro ezin hobea egon zen!
Portu Zaharreko jaiak
Portu Zaharreko jaietako saioa beti izaten da berezia, ez da ohikoa izaten. Aurten ere berezitasunak egon dira. Itxaso Paiak ibili zen gaiak jartzen, baina laguntzaileak izan zituen: bere kuadrilakoek puntuak bota zizkieten bertsolariei. Saio arina, baina intentsoa. Nahiz eta euri jasa itzela bota, jendea ez zen Etxetxu plazatik mugitu bertsoekin gozatzeko.
Getxoko jaiak bukatu dira, baina gogoratu Erandioko jaietako saioa abuztuaren 29an izango dela!
San Inazioak pasatuta, agenda bero-bero datorkigu. Abuztuan ere, aukera paregabea izango dugu bertsoez gozatzeko! Hemen agenda:
Erromo, Santa Eugenia plazan (VIII-6), 20etan
– Arkaitz Estiballes
– Jone Uria
– Etxahun Lekue
– Amets Arzallus
– Gai-jartzaile: Nahikari Ayo
Erromo, bertso-poteoa, txosna gunetik hasita (VIII-8), 19etan
– Xabier Paya
– Igor Elortza
Portu Zaharra, Etxetxu plazan (VIII-15), 16etan
– Arkaitz Estiballes
– Xabier Silveira
– Ekaitz Larrazabal “Katxo”
– Gai-jartzaile: Itxaso Paia
Erandio, plazan (VIII-29), 20.30etan
– Maddalen Arzallus
– Arrate Illaro
– Miren Amuriza
– Unai Iturriaga