DENBORALDIKO LEHEN FROGA
Bilboko Doña Casilda parkean orientazio froga berri bat ospatu zen igandean. Cobidea talde bizkaitarrak 3 ibilbide eskaini zion partehartzaileari; zailtasunaren arabera, koloreak erabiliz bereiztu ziren. Txikienak edota hasiberriak diren haientzat, HORIA ei da aproposena. GORRIA berriz, kirol honetan esperientzia gehien dutenentzat diseinatutako ibilbidea izaten da. LARANJA kolorez ezagutzen den ibilbidea azkenik, erdibidean kokatzen da; berau osatzeko ezagupen jakin batzuk behar dira; ez da gorria bezain zaila baina badu bere zailtasuna.
Kirola ezagutzen ez duenari horrela azaldu ahal zaio zertan datzan: helburua edo xedea, mapa batean adierazitako puntu jakin batzuk espazio naturalean aurkitzea da. Horretarako, aipatutako mapa eta iparorratza, ez derrigorrez, erabili beharko dira.
Ikasturte honetan iaz martxan jarritako Oñatiko Orientazio Eskola indarra hartzen ari da. Atzoko eguna honen adibide izan zen; Bilboko parkean Orientazio Eskolako 14 kidek hartu zuten parte. Gehientsuenentzat lehen froga izan zen; haien gurasoekin kirol hau hobeto ezagutzeko aukera izan zuten. Astean zehar institutuko gimnasioan jasotzen duten oinarrizko entrenamenduak praktikan jartzeko unea iritsi zitzaien; froga ofizial batek beharrezkoak dituen ezaugarriak ez dira entrenamenduetan ikusten. Izan ere, esaterako, entrenamenduetan erabiltzen ditugun plastikozko zintak balizak ordezkatu zituzten.
Oraindik ere oinarrizko ezagutzak ikasten dabiltza. Mapetako ezaugarri ezberdinak bereizten; koloreak, sinbologia … Horrela, eskolako kide gehintsuenek oinarrizko ibilbidean hartu zuten parte, ibilbide horian alegia. Halere, laranjan parte hartu zuenik ere izan zen. Gainera, emaitza politak lortu genituela esan behar.
Atzo Bilbon: Zutik Haizea, Malen O., Joseba, Malen U., Auritz eta Eneritz ( txikienen begiralea)
Behean Aritz, Olaia, Miren, Maialen, Jone, Aloña, Ane eta Sara.
Hurrengo froga, Ametzagainan ( Donostia)
Datorren martxoaren 24an, Oñatiko Orientazio eskola Ametzagainako parkean izango den frogan arituko da. Froga hau Gipuzkoako Orientazio Taldeak antolatuko du. Hemengoan ere, hiru ibilbide proposatuko ditu antolakuntzak. Ea Bilbon pasatako egun zoragarria errepikatzen den.
Oñatiko Orientazio eskola
Une honetan 18 neska mutikok osatzen dute taldea. Horrela banatuta:
LH 3 et 4 mailak: 8 LH 5 et 6 mailak: 6 DBH: 4
Inor interesaturik egonez gero, zabalik ditugu ateak. Hona hemen kontaktua: asierosi@gmail.com
