ASTEBURUARI BEGIRA EKAINAK 2 ETA 3
Asteburua Chori Castro Irizabal jokalariaren berri batekin hasi zitzaigun. Errealeko jokalari berriak, bigarren abizenari kasu eginez bederen, arbaso euskaldunak ditu. Beraz, ez dakit zein puntutaraino atzerritar bezala hartu beharko gendukeen; askoz ere, lotura gutxiago duten asko bataiatzen baititugu euskaldun bezala interes futbolistikoen aitzakiapean. Eta Madonna abeslari ospetsua ere, euskaldunduta dabil txapela buruan duela; Iparraldeko musikari batzuekin dabil kontzertutan barna abesti euskaldun entzutetsu bat kantatzen. Euskal Herritik mundura, geure xilborretik mundura….
![](http://4.bp.blogspot.com/-vu3-6uXDS6Y/T8yxMYIb39I/AAAAAAAAAHY/32UkUjxGFyo/s200/3hauundiak.jpg)
Sakibaloian Baskoniaren lana bukatu da. Sasoi betean heldu da ligako azken txanpara baina ezin izan du Real Madril kaleratu. Orain denboraldi osoari begiratzeko unea da; denboraldi irregularra egin du talde gasteiztarrak eta hasiera batean ezarritako helburu edo erronkak ez dira bete. Eta Athleticen ibilbide gazi gozoak jarraipena izango du goxoago izateko asmotan; Bielsak urtebete gehiago egingo baitu Bilbon…edo Lezaman esan beharko dugu?; entrenatzaile argentinarrak etxea Lezaman izatea eskatu baitio zuzendaritzari, deskonektatzeko beldur da nonbait. Bielsak asko daki, gehiegi.
Eta egunkari berdinean azaldu zen ere geure argazki bat; gu geu, piropotxoak entzuteko prest bagaude ere, ez zaizkigu horren erraz heltzen. Udaletxeko balkoian atera ziguten Oñatiko Nazioarteko Lasterketaren aurkezpen eguneko erretratua. Datorren larunbatera begira gaude dagoeneko; erakustaldi bikaina izango da lasterketaren X. ekitaldian. Beltzak haginak zorroztuta datoz.
![](http://4.bp.blogspot.com/-V60ycUoVZwI/T8yxjsroT5I/AAAAAAAAAHo/0iBp3_onE0g/s200/DSCF0476%5B1%5D.jpg)
Ibilaldia ere ospatu dute Trapagaranen; astebete beranduago Kopetatik haratiago. Bestalde NAIZ aurkeztu dute; kazetaritza euskaldunari imintzioa eta EPPKak keinu argia egin dio dagokionari.
![](http://4.bp.blogspot.com/-qGyW1tqocs8/T8yxQGwltYI/AAAAAAAAAHg/OontW87CiHs/s200/bruce-springsteen-ofrecera-gira-2012_1_1020013.jpg)