Felix Ibargutxi kazetariak sinatuta, kronika zabala eta zehatza dator gaurko DVn, asteleheneko hitzaldiaz eta erakusketaz, argazki eta guzti. Gipuzkoan editatzen diren beste egunkariek ez dute ezer argitaratu. Bestalde, Ostraka Mundua blogak hitzaldiaren bideoak eskegi ditu. Van den Driessche bat eta bi. Elexpuru bat, bi eta hiru.
Astelehena egunik onena ez izanarren, hirurogeita hamar bat lagun bildu ziren atzo Koenraad Van den Dreisschek eta biok Donostiako Koldo Mitxelenan eman genuen hitzaldian. Kanpoan, Karlos Uraga gasteiztarrak prestatu duen erakusketa ikusgarria. Jendea pozik eta animatuta larunbatean Gasteizen egingo den Biltzarraren atarian.
Aretoa hitzaldia hasi aurretxoan
Erakusketako bi panel
Euskadi Irratiak, Onda Vasca-k eta Onda Cero-k nahiko luze eman zuten atzoko prentsaurrekoaren berri. Euskal Telebistak hitzik ere ez. Prentsa idatzian, Berrian eta Garan informazio zabala, laburra Diario Vascon eta Arabako Diario de Noticiasen, eta hitzik ere ez Correon eta Deian. Argia-ren edizio digitalean Biltzarraren eta Nuñezen aurkako kereilaren notizia.
2. Biltzarraren barruan eta giroan, hitzaldia emango da Langraitzen. Karlos Uragaren erakusketa ere ikusgai egongo da liburutegian.
Iruña-Veleia 2. Nazioarteko Biltzarra. Europako altxor arkeologikoa, historikoa eta linguistikoa. 2016k, maiatzak 7- Gasteiz (Europa Jauregia)
Egun gutxi falta da Biltzarrerako. Parte hartzea pentsatuta baduzu, eskertuko genizuke lehenbailehen izena ematea, eta honen berria zure inguruan zabaltzea. Programa.
Izena emateko: euskerarenjatorria@gmail.com. Bazkariarekin 47 €. Bazkaririk gabe 37 € Kutxabank: 2095-5092-01-1063635469 (jarri izen-abizenak). Laboral Kutxa: 3035-0038-91-0380081747 (jarri izen-abizenak)
(Egunean bertan ere ordaindu daiteke; jakinarazi mezuan)
Gaur goizean Patxi Alañak eta Maritxu Goikoetxeak prentsaurrekoa eman dute Gasteizen, maiatzaren 7an Europa Jauregian egingo den 2. Nazioarteko Biltzarra iragartzeko. Hedabideek ondo erantzun dute. Hona hemen programa. Izena ematea pentsatuta dutenei azkar ibiltzen eskatzen diegu, ez uzteko azken ordurako.
Iruña-Veleia: egia askatu
Antton Erkizia (Lesakatik)
Iruña-Veleia aberastasuna dela jakina da. Gurea. Burdin Arotik datorkiguna, urbanizazio modernoek irentsi gabekoa (gaurdaino, bihar arte ez dakit), Iberiatik Europarako bide nagusi bazterrean baztertua, Iruña-Veleia, Arkiz mendi magalean, ume, nerabe, kokatua eta kikildua.
Banago gu ere halaxe ez ote gauden, kikilduak, gaurko gure gizartea, historiagile ofizialen sareetan kokilduak, ttiki, akonplejatuak, ukatuak, urkatuak, banago halaxe ez ote gauden.
Eta gainera, benetakoak balira (balira) Iruña-Veleian berriki aurkitutakoak eta ukatutakoak? Orduan, aberastasuna ezik, altxorra genuke, izugarrizko altxor linguistikoa, historikoa, arkeologikoa, egundainokoa, gurea, gure eskura, gure zain. Zeren, gure zain jarraitzen dute, denok konbentzitzeko gisan ikertuak izatearen zain. Eta benetakoak balira?
Eta egunetik egunera “logika” gehiago du benetakoak izateak. Urteak daramazkit baten argumentuak eta bestearenak entzuten, honi eta horri eta hari aditzen, ahalbait alde guztietakoen arrazoinei so….urteak. Eta gaur gaurdaino, ondorio hau atera dut: ezinezkoa da faltsutze lan bat izatea. Ez du logikarik horrek. Nork daki aldiberean latin klasikoa eta arrunta eta euskara arkaikoa eta kristautasunaren hastapenak eta zelta, grekera eta iberieraz…Eta taldelana izatekotan ere, noren agindutara, nork ordaintzeko, zer jasotzeko…adarra jotzeko soilik? Zuk ikusten diozu horri inungo logikarik?
Nekea sumatzen da, luze daramagu. Bada hamaika urte, hamaika, lehenengo grafito “ikusgarria” argitaratu zenetik. Bada zortzi urte adituen komisio batek faltsutzat eman zituela. Bada zazpi urte Arabako Diputazioak epaitegietara jo zuena.
Zazpi urtez, zazpi, aizu, eta zazpi urtetan miatu dituzte bazterrak, ikertu aztarnak, bilatu frogarik, kaligrafoak, fisikoak eta kimikoak, ertzainek eta besteek…zazpi urtez, eta oraindik “ez dakite”, “ez dute frogarik aurkitzen” faltsuak direnik, zazpi urtez “instrukzio fasean”. Alafede ! Zer ez dute aurkitzen? Eta ez badute aurkitzen, orduan zer?
Baina altxorrak jarraitzen du “sub judize”, urteak joan, urteak etorri, pertsonak salaketa-pean eta piezak giltza-pean, itzal-pean, salbuespen egoeran, gure herri zahar honen ispilu, eternoki salbuespen egoeran…men egin arte?, amen egin arte.
Bigarren Biltzarra: Ez, ez dugu ezer demostratu nahi.
Bai, guk egiaren bila lanean darraigu, apal, ikertzen jarraitu nahi dugu, instituzio ofizialek itzali duten argia guk piztuta nahi dugu, argia behar dugu ikuskatzeko, argia begiratu ahal izateko, argia eztabaidatzeko lasai, aurreiritzirik gabe, edo bakoitza bere uste eta iritziarekin baina elkar adituz, aintzartuz (elkar aintzat hartuz).
Argiaren bila. Sarrionaindiaren ipuina datorkik gogora, Sarri, “Gu ilunekoak”:
“Hainbesteko argitasuna itsugarria zen…Lehenengoz ikusten genuen batak bestea…Ikasi egin behar zen, ikusten, baina ikaskizuna zaila zen.. ikaragarria zen ikusten zen guztia, dirdira…baina hondamendi… “Izarrargi faltsu horrek gure ohitura guziak hondatu ditu…Gora iluntasuna”…
Hemen ere, “Gora iluntasuna” gogoko al du baten batek? Ez duzu nahiago “Gora argi zatiok” (izpiok) ?
Eta argi zati horien bila, aitortzen ditugu gure mugak. Muga humanoak: lau katu gara borroka honetan, lau katu eta zu; gainerakoak isil-isilik daude, gaurko gizartearen ispilu hau ere. Eta muga fisikoak batipat. Zeren, fisikoki ikusi ezin ditugun grafitoez lan egitera gara behartuak. Bere garaian eginiko argazkietatik ari gara. Eta horrek asko mugatzen gaitu. Egoera kafkianoa askitaraino.
Hirugarren Biltzarrarako egoera aldatuko al da.
Ari da aldatzen, Ari gara iraultzen, irauli-arazten.
Gonbidatuta zaude, zaudete. Maiatzaren 7ean, Europa Jauregian, Gasteizen.
Berriako Iruñaren alde artikulua zela eta, Euskadi Irratiko Faktoria saioan hitz egitera gonbidatu ninduten joan den asteartean. Elkarrizketaren audioa. Asteazkenean Ibon Sarasola mintzatu zen gaiaz. Sarasolaren iritziz, eztabaida artifiziala da guztiz, Iruñea onartuta dagoelako eta ondo erabiltzen delako ia beti. Baliteke hala izatea. Nolanahi ere, ni ez nago hain seguru eta ondorengo testa proposatzen dut. Eskertzen dira erantzunak (serioak, batez ere).
Testa
Itzuli ondorengo esaldiak euskara batuan Xuxen-en laguntzarik gabe
Saria
Galdera guztiak zuzen erantzuten dituenari kafe konpletoa ordainduko zaio Iruña Kafetegian.
Zigorra
Galdera guztiak zuzen erantzuten ez dituzten euskaltzainek ordainduko dituzte Iruña Kafetegiko kafe konpletoak.
Hainbat hedabidetan agertu da berria. EFE agentziari jarraiki, Admiten a trámite una querella contra el director de Iruña-Veleia por daños titulatu du Deiak. Berriak: Tramiterako onartu dute Iruña-Veleiako egungo zuzendariaren aurkako kereila. Garak ere badakar notizia, labur.
