Tag Archives: espaloia

`15 euro karua da´: kaka morralian!

by arantzabal

Ez dakit jendeak zelan egiten dituen kalkuluak. Kultura ekitaldi askotara joaten ez den jendea izango da, seguruenik, hain sinple berba egiten duena, hain erasokor eta ezjakin, hain anti-kultura.

Peter Pan Bergarako Musika Eskolak egin duen euskara hutsezko musikala da. Amateurrek egindako musikal profesionala. Landua, borondate ordu asko daudela igartzen den horietakoa, aita-ama asko mugitzen dituena eszenategi osteko lanetan, zuzeneko musika egiten duten hogeita bost bat musikariekin, 70 umetik gora antzezten eta kantuan, denera 120 laguneko ekipo bat taulan, zuzendaria buru-belarri lanean orduari begiratu barik…

Guk talde hau ezagutzeko aukera izan dugu Espaloia Kafe Antzokian. Emanaldi egunaren aurretik ere makinatxo bat lan egin da, eta egunean bertan goizeko 08:30ean hasi zen jendea etortzen. Kafetxoa, eta… beroketa ariketak:
 
Sin título

Ondoren, ahots ariketak:
 

Jendeak ikusi ez zuen orkestra 12:30an entsegu orokorra egiten
Sin título

Eta hori egiten genbiltzan bitartean ez zuen ba kale egin argi-indarrak? Fase bat erre zen. Eskerrak herrian bertan aita-seme elektrizistak ditugun. Banekien konponduko zutela eta Peter Panek hegan egin ahal izango zuela.Eskerrik asko Iramakoei Sin título

Argi eta soinu profesionala. Emanaldi honetan kobratzen duten bakarrenetakoak. Jatorrak eta aretoko arduradunei kasu egiten dioten horietakoak espektakuluaren mesedetan: Sin título

Ez zen ba Wendyren ohea apurtu eszena-tarte batean? trankil! borondateak bai, borondatea egonez gero zailtasunak gainditzen dira. 🙂 Sin título

Beltzezko gizon-emakumeak. Derrigorrezkoak eta gutxien eskertzen den taula osteko hori egiten dutenak goizean goiz hasi eta taula hustu arte (12 ordutik oso gora!) Sin título
Sin título

Zuzendariak antolatu egiten du, gidatu, harremanak egin, entseguak bideratu eta hamaika gauza gehiago. Baita efektu bereziak muntatu eta eztandarazi: Sin título

Ikusten ez den gauza asko. Taula ostean kantuan musika zuzendaria pantaila bidez jarraituz
Sin título

Ikusi zenuten Txilintxo maitagarria? Ba momentu batean lo ere hartu zuen, baina teknika konpondu bizkor batean eta Peter Panen lagun izan zen. Hemen gidarietako bi:
Sin título

Banbalinak gora eta behera erabili bitartean horrela ikusten da Espaloia ilunetatik, argi-argi, bete-bete, poz-pozik: Sin título

Eta publikoak eskertu egiten du txalo zaparrada etenbarikoekin: Sin título

Galdetu umeei ia garestia den bi ordu eta erdi irauten duen ipuin musikatu hau bizi izatea.
Sin título

Eta gero… eta jendearen txaloak jo ostean jarraitzen du lanak, dena jaso beharra dago kamioikada gauza, aulki, mikrofono, dekoratu…
 Sin títuloSin títuloSin títuloSin título

Eta, noski, inori ezin zaio eskatu hau dena ikustea, baina espektakulu horretan sumatzen da lan asko dagoela atzean eta ordu asko. 700 lagunetik gora ikusle eta lanean 130 lagun inguru.

Azkenengo 8 urtetan kultura merkea dela inork ez digu esan, sekula. Baina ohikotasunez antzokira datorrenak badaki jakin zer kostatzen den, eta jakitunago da zenbat irabazten duen norberak horrelakoak ikustera joanda. 15 euro ordaindu eta norbera aberastu. Hori gertatzen da kulturarekin. Herriko 40-50 urte inguruko bi gizonek aitortu ziguten emanaldia negarrez amaitu zutela, emozionatuta, eskertuta. Garestia? kaka morralian!

Kulturak mugitzen du jendea

by admin

<![CDATA[
Xabier Mendigureni irakurri diot artikulu interesgarri bat. Bertan esaten da Goierri aldean oso gutxi mugitzen dela jendea herri batetik bestera. Egia izango denik ezin ukatu. Eta horretan lagunduko du Erandiotik Bilboko alde zaharrera erosoago heldu ahal izateak eta herri arteko 10 kilometro egiteko autoa hartu beharrak.

Baina artikuluak dioenarekin ados egonda ere, sortu dit ba zer pentsatua… Espaloia Kafe Antzokira jende asko etortzen da ondoko herrietatik. Eta egiten ditu 8-15 kilometro inguru. Normalean gauez eta portuan gora eta behera. Eta jende asko da bai. Ekitaldiaren tipoak agintzen du normalean.

Mendigurenek dioenaren kontrara, aste bitan, 1.000 lagunetik gora etorri da Elgetara I. monologo mostra ikustera. Jendetza da hori, eta jendetza gaztea izan da gehienbat. Klaro, etorri dira espektakulu mota hori ikustera eta ez beste batzuk. Zer pentsatua eman digu, euskaraz ez delako, euskarazko kalitatedun hainbat gauza programatzen ditugulako urtean zehar eta horrelako betekadarik izaten ez delako…

Ez dakit zer egiten gabiltzan, baina dena ondo ez, euskal artistak entzutera gutxiago gerturatzen direlako, esaterako.

Beste salbuespen bat hurrengo astean: Peter Pan musikala. Mila lagunetik gertuago egongo da ikusle kopurua 500etik baino. 120 aktore inguru, denak euskaraz eta espektakulu txukun baten.

Zalantzak.

Hori bai, Mendigurenen hitzak ekarrita: Gonbidapena, irakurle guztioi, Debagoiena osoko kultur eskaintza kontuan
hartu, eta beldurrik gabe joateko batera eta bestera, nahiz zeuen
herrian ez izan, nahiz zeuek bereziki menderatzen duzuen alorrekoa ez
izan. Muga horiek hautsiz, seguru deskubrimendu ederrak egingo
dituzuela, eta zuen bizitza zabaldu eta aberastu, gauza gutxi izango
baitira kultura bezain gutxi kostatzen direnak eta horren poz sakona
ematen dutenak.
]]>

PUBLIKOA vs PRIBATUA

by arantzabal

Jose Inazio Basterretxea lagunak badaki zertaz diharduen. Elkarrizketa zintzoa da eta berarekin konpartitzeko aukera izan dudan foroetan argi berba egiten duen irakaslea da. Estimuan dut. EITBz ezin jardun nik, etxean ere nahikoa lan badugulako denona den etxeko hautsak harrotzen hasi barik. Hala ere, deigarria egiten zait PRIBATU us PUBLIKO zelan erabiltzen duen elkarrizketan. Basterretxearena adibide bat gehiago da, eta nago, ezkerrak (luze-zabalean) kontzeptu hauen gaineko hausnarketa egiteko daukala. Edo orain herri ekimena ez da hain guaia? Edo publikoa da edo bestela “beste gurdi bat”?

Hauxe dio Iñazio Basterretxeak Urtzi Urkizuk egindako galderari erantzunez:

Desoreka bat badago Eusko Jaurlaritzak ETBrentzat ematen duen dirua eta tokiko euskarazko kateentzat ematen duenaren artean. Aurten ETBrentzat 124 milioi eta euskarazko tokikoentzat milioi erdia (zazpi kate). Nola baloratzen duzu desoreka hori?
Desoreka diozu… lasai hitz egiteko gaia da. Telebista publiko bati buruz eta zazpi telebista pribaturi buruz ari zara… ez dut uste gai hori horrela planteatu daitekeenik… Bi gurdi dira horiek, eta gurdi bakoitzak bere atoia behar du. Laguntza behar dutela telebista pribatuek? Dudarik ez. Beste inork ematen ez duen edo eman ezin duen zerbitzu publikoa ematen duten heinean, gainbegira eta diru publikoa zor zaizkie, noski. Lan handia egiten dute euskararen alde, euskaldungoa kohesionatzearen alde. Beraz, arbitratu behar da moduren bat telebista pribatu horiek gehiago jaso dezaten, baina ez telebista publikoaren diru-sarrerak oztopatuta. Ez da hori bidea. Niri, behintzat, ez dit barrenak hala agintzen. Aipatzen dituzun zenbaki horiek ez dira inoren gustukoak, ez dira euskaldunen gustukoak, ez dira nire gustukoak. Ez ditut nik erabaki, ezta EiTBk berak ere… baina, ez dezagun ahaztu bat erakunde publikoa dela; eta besteak, pribatuak direla.

Beste gurdi bat… Seguruenik ados egongo gara gaian sakonduz gero ze ezer baino lehen erantzunean esaten da “luze hitz egiteko gaia” dela. Eta bada. Ez bakarrik telebista publikoarena, baita beste hainbat alorrena ere. Ekartzen dut elkarrizketa hau gaiari heltzeko, aitzakia moduan.

Edo publikoa da edo ez da?

Nik Goienan egiten dut beharra. Goiena irabazi asmorik bariko kooperatiba da, euskara elkarteak oinarrian eta jabetzan dituena, erakunde publikoekin eta lan-bazkideokin jabetza konpartituz. Pribatua? bai. Enpresaren nolakotasun juridikoaz gain besterik begiratu beharko genuke? esaterako: euskara oinarria den, irabazirik balego non inbertitzen den, nondik datorren, norantz doan, nondik ateratzen den dirua, herritarrek zein onarpen ematen dioten… Edo enpresa hau publikoa balitz onarpen hobea, euskara hobeto mimatua, irabaziak hobeto inbertituak, jendearengana heltzeko baliabide egokiagoak izango lituzke izaera juridikoa beste bat balitz?

Berdina gertatzen zait barrutik bizi dudan beste proiektu batekin, Espaloia Kafe Antzokiarekin. Herriko hainbatek eta ingurukoek ere batzuetan esaten digute: “zuek pribatuak zarete”. Eta bai, egia da. Baina publikoa balitz ekitaldi gehiago legoke? euskarak leku duinagoa luke? posible litzateke proiektu hori? helburuak beteko lituzke orain moduan? proiektu batzaileagoa litzateke? parte hartzaileagoa?

Uste dut eztabaida zintzoa egin beharrean gaudela eta ez dela eskuina vs ezkerra, ez ikastolak vs eskolak, ez AEK vs HABE, ez…: PRIBATUA vs PUBLIKOA. Ez pribatu guztia da on ezta publiko guztia ere. Eta nik neuk pribatua, berez, kontzeptuz, ez dut alde makurrean ikusten. Zuek bai?

Behar ditugu ekimen pribatuak eta publikoak. Eta txarra ez batak bestearen igurtzi handiagoa balu, seguruen. 

Kerik ez kontzertuetan; ke makina erosi behar?

by arantzabal

Harrituta nago zelan jendeak errespetatu duen legea. Asko eta asko dira atera irtetzen dutenak erretzera.

Eta kontzertuetan? Berez ezingo da erre, baina baditu ez erretzeak bi kalte:

1) atean atzera-aurrera handia egongo da. Kontzertu batera joatea ez da hegazkinean bidaia luze bat egitea. Jendeak erretzeko gogoa izango du eta kanpora aterako da behin eta berriz. Uffff, txarteldegian egon behar denarendako…

2) Ezin atera horrelako argazkiak ze horrela ikusteko jendeak sortzen zuen kea beharrezkoa zen. Ez dakit zer egin beharko dugun… ke makina erosi?
BerriTxarrakElgeta
Argazkia: Aitor Higuerarena. Abenduaren 10ean ateratakoa: Berri Txarrak Espaloia Kafe Antzokian

Bide Ertzean: plazerra

by arantzabal

IMG_3323

Domeka ederra izan zen aurrekoa. Realak zertan ziharduen arduratzeke egin ziren soinu probak eta bazekarten pistarik. Normalean soinu probetan egoten denak badaki zein kalbario diren, baina bateriaren oinarriekin aluzinatzen hasi eta ahotsekin amaitu zen arteko ordubetea entzunda argi eta garbi utzi zuten kontzertu bikaina izan zitekeela.

Ez zuten hutsik egin. Hirukote moduan etorri ziren eta hasieran banuen beldurra gainontzeko bien falta ez ote nuen igarriko. Fran Iturberen gitarrak oso gogoko ditut eta antzeko gutxi entzuteko aukera dago inguruan. Hala ere, ez. Hirukoteak xarma du, konektatzen daki eta beste taldekiderik behar dutenik ere ahazteraino heltzen da bat lehen notak entzuten hasi orduko. Asteon boskote moduan nahasten dihardute disko berria Garaten, baina zinez esperientzia polita izan da hirukotean entzuteko eman diguten aukera.

Hasiera haiek gogorarazi dizkidate ezinbestez. Ni neu ere musikaren bueltan nengoen zentratuago eta gogoratzen dut zelan gozatu nuen Dana lanbrotute ikustot lanarekin, Soraluzen. Oroitzapen horiek bizi izan ditut kontzertuan eta baita taldearen izen bereko diskoa entzutean ere. Balada iheslaria kantua entzuten ez nuela hamar urtetik gora izango dira. Lehenago apalagoak-edo ziren kantuek irabazi egin dute bateria irakurketa berriekin, baxuaren dinamika berriarekin eta kantaera zainduagoarekin. Orain, Bide Ertzean eskamentudun jendeak osatutako taldea da eta profesionalak dira musikagintzan.

Zure Minari diskoko Gure maitasuna kantuarekin antzokia musikaz borobildua geratu zen. Geundenok aurrean genuen alfonbra gorriko eszenatoki zaindu bat, elegantea; argi-joko politekin apaindu zuen Gorkak eta soinua neurrian helarazi zigun Elorrioko Aitorrek. Salom-pop batean geunden, zerbeza batekin jarrita eta dagokion musikarekin.

Kantuak banan-banan aipatzeko bestekoak dira ze errepertorioan asmatu dute. Ez zegoen betegarri den kantarik eta gogoan ditut egunotan liburua aurkezten diharduen Oier Gillanen hitzekin egina, edo Grisa abestia zelako aire ezberdinarekin kantatu zuten. Berriagoak diren 13 arrosa gorriak modukoekin zein eder zeuden domeka arratsaldean ere gogoratu dut…

Ezin zen bestela izan eta jendeak pare bat aldiz eskatu zituen bisak. Lehenengo kantuan bezain apal atera ziren eta aho-soinuarekin lagundutako kanta berriren bat ere bazuten Espaloiko publikoari eskaintzeko. Mikrofonotik galdetu zioten beren buruari ia kanturako balio duten edo ez, baina galderak ez du lekurik. “Zutaz kantatzeko jaio bide nintzen mundura” kantatu zuten eta sinistu ere egin genuen gutako bakoitzarentzat kantatuko lerroak zirela, domeka arratsalde euritsuan Espaloian elkartu ginen denondako eta bakoitzarendako girotuak. Otamendi poeta handiaren hitzekin amaitu zuten emanaldia, erritmo bizian eta gau bustiari lekua utzita. Plazerra.

ipad zoragarri bat eskuartean

by arantzabal

IMG_3262
IMG_3264

Ez dela ordenagailu bat, berotu egiten dela, pantaila arraiaz beteko zaigula, bereizmenak ez duela laguntzen denbora askoan irakurtzen, gehigarriak garestiak izango direla… eta bla, bla, bla, bla. Baina iPad-a zoragarria da!

IMG_3267

Eta hain zuzen arrakasta hortik etorriko zaio, kontra dituen guztiak izanda ere askori gustatuko zaigula eskuartean izatea. Beste barik, gustatuko zaitu eta kito! eta horren kontra…

Hale ere, diseinu hori, 700 gramora ez heltzea, pantaila ederra (9,7 hazbete), multitaktila, erosoa, youtube fenomeno ikusten da, itunes-etik filmak ekarrita ere bai, argazkiak ikusteko oso egokia, baita nabegazio sinplea egiteko ere, pare bat jokotan ibili naiz (doan topatu ditudanak) eta aspaldi nengoen petakadun makina batean jokatu barik… 🙂 Libururik ez, ez dut oraindik irakurri baina euskal argitaldariak ere jarri beharko dira iPad-ari ere begira… iWork ere badakar testuendako, kalkuluak egiteko plantilak eta aurkezpenak egiteko erabiltzen dugun Keynotea ere bai…

Atzotik dihardut makinita berriarekin eta bateria pila bat dauka. 10 ordutik gora, esaten dutenez.

IPad hau Espaloian egongo da edonork erabiltzeko. Bai bai, barran eskatu eta gura duzun egunkaria irakurri: herriko, bailarako, Euskal Herriko zein munduko notiziak kontsultatu, bideoren bat ikusi… eta benga, ez biziatu ze beste batzuk ere gura dute erabiltzea 🙂

Intxortatik Euskal Herrira

by arantzabal

Elgetako Espaloia kafe antzokia
2010ko maiatzaren 23an

– egunon Iban… zelan doaz gauzak?

– Ez dok asteburu lasaixa izan. Atzo goizeko 03:00ak arte bideuaren
formatua zala-eta burrukan. Gaur goizian 09:00etatik idatzi batzuk
egitten, harreraguneko kontrol guztia daroian ordenagailua izorratuta…
baiña denboraz larri bagabiz be etarako juau. Donostiatik jatok
informatikarixa, laster helduko dok.

-Aste osoa holango izan dok. Azken baten, herri txikiak gaztetxe
handiak dira guretzat. Baina ikusten da gauzak aurrera ataratzeko
gogoa. Jende askok egin jok lana, eta emaitza hemen ikusikok,
laburbilduta. Eguraldiak be laguntzen jok, eta eguna bikaina izangok,
ikusikok. Joseba Tapia laster etorrikok, jendea be hasi dok hurbiltzen,
Espaloia txukun txukun jauk, eta Harrera gunea itzela. Non jauk alkatea?

– Bai bai, ez juat sekula horretan pentsau, baiña hau gaztetxe
haundi bat dok bai. Edurne, Oxel, Josuren, Juan Ramon, Iban… atzo
gabekua izan zuan elkalaneko erakustaldi bat. Herri txikixaguetan
ikusten dok posible dala. Alkatia ETB-kuekin juan dok. Ez dok bape
erreza izan harentzako be. Ordu askoko lana jaok atzian, ikusten ez dan
lana eta Edurne eta bixen artian ondo eruan juek kontua. Eskertzekua
herrittarron aldetik.
Hemen jatok Maria Jesus Aranburu be.

-Sarritan ez dozak ikusiko kotxe ofizialak antzoki atarian, barruraino sartu dozak. Aurkezpenak eta hire kontu Iban.

– Bai, ezagutzen juat. Oso osoko andria dok. Oxel etorri bittartian
nere kontu. Luntxera bideratuko jittuau hemendik aurrera datozen OPI
guztiak. Klaro, lehenengo tabakaleraz galdetuko jotsau. Hor jaok hor
anabasia, Odonekin…

-Hi, hor jatok Tapia be, trikitilaria… beragana najoak. Frogatxo bat
egin, eta dana prest. Aulki guztiak prest jauzak, luntxera be hurbildu
da jentia, itxikok haut. Aurkezlea nor dan esan beharko dostek, etzoat
ezagutzen Maider eta.

– Bai, oin kultura teknikarixa dok Bergaran, baiña GOITB-ko
informatibuetako aurpegi izan zuan denbora luzian. Oso ondo egingo jok.
Gaiñera ona dok beti igualok ez agertzia lehenengo lerruan.

-Hi ba dana prest jauk. Probak, pantaila, jendea, hi jezarri hadi
hor, neure ondoan. Lehen lerroan jauzak Elgetako udaleko ordezkari
guztiak, Diputaziñokoa, 37an hildakoen senideak, jende nagusia, Kafe
Antzokian Euskal Herri osotik heldutako jendea. Egun hau historikoa
dok, hemen zeozer hasten dala iruditzen jatek.

– Bai, hasieria baiño ez dok. Animo, Maiderrekin geratu gazen moduan
bera hasiko dok eta gero dokumentala. Ikusiko dok txulo-txulo geratu
dala. 3D-n eginddako zati batzuk, bonba zaratak… baiña batez be
lekukuak. Lekukuena demasa dok, hori behin ikusi eta gero ez dok
ahazten. Ohera be kontu horretxekin juango gaittuk, ikusiko dok. .

(Hasi da ekitaldia. Maider Osa aurkezle. Eta bideo proiekzioa hasi da)

Hori Bittor Garai dok. Asko ez dala etara jittuen basarri ondotik bost lagunen gorpuak. Isiltasuna demasa dok. Ikusi eta ez galdu aukerarik lekuko hau entzuteko, ointxe jatok Antoni Teilleriarena.
Ez dok denbora asko hil dala eta gustora biziko leukek berak be hau
egunau… Bere ikurriña jarri juau erakusketan. Lagaik momentu baten
twitteatzeia eta segi bideuai.

-Bideoa polita dok, gerra garaiko argazkiak, kontakizun historikoa,
hura bizi izandakoen testigantzak, 3D animazioa, eta Euskal Herriko
historiaren zati bat… orain arte inoiz kontatu ez zaigun moduan, eta
euskaraz.


Argazkiak.org | Elgetako gudariak © cc-by-sa: gaztelumendi

– Tapi, ezagutzen dok narratzaillian ahotsa? Ines Osinagarena dok, Gosekua.
Patxi, esan bihar jotset danak batera igotzeko gero taulara, berba egin
bihar daben danak batera. Bideua amaittutakuan Tapiaren txanda, pare
bat kantu Agur, Intxorta maite diskokuak.

-Aupa Tapi, amaitu dok dokumentala. Oin dok hire txanda.

– Honek kantuok ez dittuk izango jende multzo haundixendako, baiña
ederrak dittuk, oso ederrak. Haudixa dok Tapia. Oso kantu pare ona
aukeratu jittuk. 5 banderak kantua joten zebillen bittartian igo izana
be ondo. Kolore asko batera. Ondo. Lopategiren “Gaur hirurogei urte
bezela” kantau jok, politta.

-Eta eskenatoki gainean Intxorta 1937
elkarteko Garai, Elgetako alkate Oxel Erostarbe, ANVko zinegotzi Edurne
Alberdi eta Diputazioko ordezkari Maria Jesus Aranburu. Lau buru,
kolore ugari, bi andrazko eta bi gizonezko. Hobeto ezin.

– Danak ibili dittuk ondo, bakoitzak 3 minutu jauzkan, baiña betiko
letxe luzatu… Ondo egon dittuk, hala eta be. Bereziki ondo ikusi juat
gaur Aranburu. Esandakuak eta esandako modua be gustau jatazik.

-Hemen esandako guztiak sinatzen ditut nik. Frente Popularra emoten
jok honek. Jeltzaleak, gorriak, anvkoak eta alkatea akorduan. Barriro
be etorkozak Elgetara faxistak….

– Hauxe dok herri txikixetatik gustatzen jatana. Bakoitzak jaukak
bere errena, baiña batuta egin bihar danian batu eta egin egitten dok.
Baitta antxitxika egin bihar bada be. Hau amaitzen jaok, Tapi berriro
taulara.

-Eta Tapiari egindako txaloak, ez dozak debaldekoak. Barriro be hasiko jaku kalabazia! alai amaitu ditu gerrako ibilerak, agur Intxorta maite diskoa egin zuen trikitilariak. Orain autobusetara joak jendea, Ibilbide tematikoari ekiteko, trintxera eta lubakiak bisitatzera.

– Autobuskadia beteta. Ni bigarrenan zain geratzen nok. Hik igo
megafono hori. Han joiazak Aldundiko auto ofizialian ANV, EAJ eta
Aralar, ordezkatuta. Euzki begixan jaok Asentzio.

-Intxorta 1937ko ordezkariak euskaraz eta gaztelaniaz jabizek
gerrako kontuak aitatzen. Lubakietatik sartu dok jendea, duela 70 urte
baino gehiago dituzten lubakiak. Lurrak ez ditu berdindu, historia
ahazten saiatu dan arren. Intxorta magalean, 36 eta 37ko estrategiak
entzuten. Garaiok ez dira horrenbeste aldatu. Lubakiak beste batzuk
dira orain.

Argazkiak.org | Intxortako lubakiak © cc-by-sa: goioarana

– Egun ederrak urten jok. Gaur “La Belga” metrailladoriaren lekura
ez juatia gomentatu jotset Intxorta e1936-37 elkartekuei eta
udaletxekuei. Hori beste egun baterako ze 14:00ak pasau dittuk…
Intxortako interesguniak hobeto seiñalizatzia falta jakuk, ibilbidia openstreetmap-etik
hartzia, harreragunia zer dan ikastola eta eskola guztiei esan biharko
jotseu, baitta interes minimua euki leikenai eta interesoi sortu
geinken guztiai be… Hasi dok bigarren etapia.

-Hi, nik ondiño etzoat ezer hartu. Egarri nok, eta tapiatarrak be
etxera joan dituk honezkero. Bazkaltzeko planik bajauk ala? Antzokia be
beteta jauk baserritarrez, euren urteroko bazkaria dok ala?

– A! uste najuan Tapiakin-eta bazkaltzeko hintzala. Hori esan
jostek. Guk gero kontzertu bat jakau Espaloian Or2tan eta Grupo San
Juan Atxabaltarrak. Hori bai, gaur goizago ohera. Ez, ez juat
konkistadoria zein dan jakingo ezta Lost-ena ikusteko jaikiko be.
Gaurkua ondo urtetzia oso garrantzitsua zuan eta urten jok.
Errebentauta najaok, baiña merezi izan jok.

-Niretzat be, lanean hasteko aitzakia ona izan dok. Orain bajakiat
non eta zertan ibiliko noken. Hasiera ona, lana ugari, baina ekipoa be
bajauk inguruan… eta ez dok gitxi. Esan duet, herri txikiak gaztetxe
handiak dozak. Jarraituko joau, eztok?

::::::::::::::::::::::::: :::::::::::::::::::::::: :::::::::::

Patxi Gaztelumendik eta Iban Arantzabalek, dokumentu konpartitu batean idatzitako kronHika. Berbaz, nork bere lubakitik. Bere lantokitik. Bere pantailatik. Bere euskalkitik, bere ahotik eta blogetik.

Hauteskundeak ‘hasi’ dira eta interesgarri datoz

by arantzabal

hauteskundeak09GOITB
Hauteskundeak09GOITB
Hauteskundeak09GOITB
Hauteskundeak09GOITB

Interesgarri datoz bai. Ez dakit aspertuko ete naizen martxua hasi orduko, baiña  gaur be politta izan da hauteskundietako saiua. Teknikoki ixa perfektua eta aurkezlien lana be ederto. Ekipo ona.

Ordu eta erdixan izan dira bakoitzaren proposamena aurkezten (bideoak goien.net-en). Sei alderdi, ze PSE-EE-k erabaki dau ez etortzia Beitialarrangoitia egongo zala jakin dabenian. Egon dirak: Joseba Egibar (EAJ), Marian Beitialarrangoitia (Ezker abertzalea), Jesus Mari Larrazabal (Eusko Alkartasuna), Rafa
Olaizola (PP), Aintzane Ezenarro (Aralar) eta Mikel Arana (Ezker Batua). Danak euskera hutsian eta miñian traba bape barik.

Guk sarri egitten dogun moduan elkarrizketatuak behin nahastu eta hainbat lekutan zabalduko dogu gaurkua. Hau idazten nabillela dihardugu GOITBn emoten, Internetan bihar goizian jarriko dittugu gaika banatutako bideo zatixak, goizian irratittik be entzun ahal izango da 11:30ian eta Goienkariak be laburpena ekarriko dau hiru orrittan.

Alderdixetakuak oso gustura geratu dirala esan doskue eta baitta gu be hori entzun ostian. Egixa esan gure lana erraztu dabe eta giro onian juan da goiza. Ederto.

Argazki gehiago goiena.net webgunean.