Gogoratu:
Gaur azken eguna da Abra Sariko afarian izena emateko. Algortako Ugartena jatetxean izango da afaria 12 eurotan. Bi bide dituzue:
– 605704385 telefonora deituta edo
– albegetxo@gmail.com helbidera email bat bidalita
Animatu zaitezte!
Abra Sariaren X. edizioa jokatuko da datorren ostiralean. Ibilbide oparoa du ALBEk antolatutako bertsolari gazteen sariketa honek.
Bertatik hainbat bertsolari igaro dira, gero izen handia lortu dutenak eta gaur egun plazaz plaza dabiltzanak: Xabi Payá, Jone Uria, Jon Martin, Nerea Elustondo, Aitzol Barandiaran,…
Aurtengo sariketak berrikuntza bat izango du: bertso afari formatoa hartuko du. Algortako Ugartena jatetxean izango da. Beraz, txartelak lortzeko bi era izango dituzue:
– email bat bidalita albegetxo@gmail.com helbidera edo
– 605704385 zenbakira deituta.
Bertsotan ibiliko diren bertsolari gazteak, honakoak izango dira:
Eneko Arrate (Bizkaia)
Asier Azpiroz (Gipuzkoa)
Iñaki Aleman (Nafarroa)
Ainhoa Comas (Araba)
Ainhoa Mujika (Gipuzkoa)
Imanol Uria (Bizkaia)
Gai emailea, Beñat Vidal izango da.
Epaile lanetan, berriz, honakoek jardungo dute: Asier Ibaibarriaga, Martin Aramendi, Iñaki Aurrekoetxea eta Patxi Larretxea.
Beraz, gogoratu:
Non: Algortako Ugartena jatetxean (Karitatea 2)
Noiz: Otsailak 25
Ordua: 21.00
Sarrerak: albegetxo@gmail.com -en edo 605704385era deituta.
Ostiralerarte!
Maialen Markaida eskolako kideak Mungiako XIII. San Antontxu bertsopaper lehiaketako lehen saria irabazi du. Hauek dira berangoztarraren bertso sarituak, borobil eta hunkigarriak. Gozatu!
Aurten ere gure martiria koplatuko dugu. Urtero lez, otsailaren 4an Algortako kaleetan zehar abestuko dugu.
Martitzenean, otsailak 1, entsaiatzeko azken aukera izango duzu. 20.00etan, Aldai Patronatuan.
Animatu zaitezte!
Argazkia: www.ukberri.net
ALBE IRRATIAN dituzue entzungai Ahobien Galan Trino Azkoitia eta Joseba Santxori Ahobia eta makila ematean entzun genituen bertsoak, bai eskolakideenak eta baita Joseba eta Trinorenak ere.
ALBE IRRATIAren atal honetan eskolaren inguruko erreportaiak aurkituko dituzue. Historia, klaseak, txapelketak, jaiak… garaiaren araberako kontakizunak.
Abenduaren 13an Ahobien Gala ospatu genuen, eta bertan gure esker ona adierazi genien Trino Azkoitia eta Joseba Santxori eskolaren sorkuntzan eta ibilbidean egindako lanagatik. Aukera polita, beraz, lehen erreportaia hau Joseba eta Trinori buruz egiteko: eurei buruzko deskribapenak, eskolako kideek eurekin bizitako une aipagarriak… Gustatuko zaizuelakoan…
Zein sentsazio geratu zaizkio Jone Uriari Bizkaiko Bertsolari Txapelketako finalean lehen aldiz kantatu eta gero? Nola aldatu da bere bizitza? Bertsolaritzaz gain, zerk betetzen du Joneren egunerokoa? Zer da esnatzean egiten duen lehen gauza? Galdera hauen erantzuna jakin nahi baduzue, ALBE IRRATIAN Joneri urtarrilean egindako elkarrizketa aurkituko duzue!
Gure “Estekak” atalean ALBE IRRATIA-ri eman eta podcast-a aurkituko duzue!
Gaurtik aurrera, ALBE-k podcast-ak igotzeko orria ere badauka! Elkarrizketak, iragarkiak, erreportaiak… Bisita ezazu!
Urrian eman zitzaion hasiera Bizkaiko Txapelketari. Saioz saio ibili gara Bizkaiko geografian zehar, eta azkenik finala heldu da. ALBEtik zazpi bertsolarik hasi zuten ibilbidea eta bakar batek lortu du finalerako txartela: Jone Uria. Algortarraren lehenengo finala izango da. Honako bertsolari hauek izango ditu kantukide: Onintza Enbeita, Miren Amuriza, Beñat Ugartetxea, Etxahun Lekue, Eneko Abasolo “Abarkas”, Arkaitz Estiballes eta Peio Ormazabal.
Bihar hantxe egongo gara Jone animatzen. Bi hitzordu dituzue:
– 12etan Bilboko Unamuno plazan. Bertso-triki poteoa egingo dugu Alde Zaharreko kaleetan zehar.
– 15.30etan BEC-eko atean.
Eguuuuuuurrraaaaaaa Jone!!!
Motorrak berotu nahi dituzula larunbateko finalerako? Aukera ezin hobea daukazu ostiral honetan Erandion. Urtero bezala, bertso jira antolatu dute Berbotseko lagunek.
Fredi Paia eta Aitor Sarriegi izango dira kantuan. Roberto eta Kepak doinuz alaituko dituzte Erandioko tabernak.
Zita, ostiralean, 20.00etan La Plaza tarbernan!