GREBA OROKORRA M-21

Utzi erantzuna

Gero eta gehiago erabiltzen da internet eta horren adierazgarri grebaorokorra.infotik azaldu den kanpainia. Bai benetako web 2.0 kontzeptua lantzen da bertan, telebista bidez berriak ikusteko aukera, herritarrek beraien iritziak bidaltzeko posibilitatea, twitter bidez jarraipena …

Baina nik galdera bat dut buruan, jakina da gaur egun krisi garaian aurkitzen garela mundu osoan, baita Euskal Herrian ere; ez genukeen gogor lan egin beharko krisialditik ateratzeko asmoarekin? Ez dakit zer ekar dezakeen greba orokor bat egiteak, akaso gobernuari pasatzen ari garen egoera erakustea… nork daki. Argi dago banketxeek gauzak gaizki egin dituztela eta gauzak aldatu behar direla. Baina beti pentsatu izan dut Euskal Herrian tajuz lan egin dela eta zerbaitetaz harro baldin banago Euskal Herriko seriotasun, lane egiteko grina eta i+Daz izango litzateke. Gauzak aldatzen hasi dira? Lapsus bat? Egoera berezia? Gustatuko litzaidake besteen iritziak entzutea.

Zein da maiatzaren 21ean greba orokorra egitearen arrazoia?

EITB ETA ATHLETIC

Utzi erantzuna

Aste hau berezia, desberdina izan da. Bilbon Kopa usaina nabaria zen. Etxe, taberna, unibertsitate edozein lekutan aurki genezakeen Athleticen trapuren bat. Kalean, klasean, tabernan, jatetxean, liburutegian, unibertsitatean guztiek hitz egiten zuten partiduari buruz; batzuek Balentziarako bidaia komentatzen zuten, Bilbo Hiria; beste batzuek aldiz Bilbon non ikusiko zuten. Bazirudien San Mameseko zelaian ikustea ere kristorena izan zela; baina barkatu telebistan ikusi nuen pantailen kokapena eta benetan dudan jartzen dut Bilbon partida ikusteko lekurik hoberena zen. Ez nik ez nuen partida zelaian ikusi.

Azkenean lagun batzuekin EITBek kokaturiko pantailan ikustea erabaki genuen, Pozasetik gertu zegoen eta baita gure pixutik. Giroa zoragarria izan zen Bilbon egun horretan baina zenbait gauza ez zitzaizkidan batere gustatu.

EITBk (Euskal Irrati Telebista) aste osoan zehar eginiko kanpainia, ez zitzaizuen gehiegizkoa iruditzen? Nik behintzat ez dut horrelakorik gogoratzen Alaves UEFAko finalera (nire ustez Errege Kopa baino gehiago den txapelketa) iritsi zenean; Osasuna ere ez da gutxitan iritsi Errege Kopako finalera. Ez dakit, baina nire ustez EITBk emandako bonboa gehiegizkoa izan zen.
Bestalde irabaziz gero Gabarra ateratzea egokia iruditzen zait, baina finala galduta jokalariei rezibimendua egitea? Zergatik ez San Mamesen hurrengo partidan egin. Gehiegizkoa iruditu zait, besterik gabe. Argi dago jendeak jai giroa maite duela baina hainbesterako? Non dago gaur egun gure artean dagoen krisi famatua?

Eta benetan tristeena iruditu zitzaidana Unibertsitatean klasekide batek esandakoa: ” Pozik egongo zara ezta? Bartzelonak Errege Kopa irabazi baitu. Ikusi nuen bai Objetivo Euskadin Donostialdetik Bartzelonak irabaztea nahi zenutela “

Argi esan nion, ni partida honetan Athleticekin nindoan, euskal taldea baita, eta penagarria iruditzen zait Objetivo Euskadin eman nahi izan duten irudia. Klasekide honek nirekin hitz egiteko aukera izan zuelako, baina zenbat bizkaitar egongo da pentsatuz donostialdean ez ditugula batere maite? Eskerrik asko berriro ere gure telebista maiteari euskaldun guztiak batzeagatik.

MISERABLEAK MUSIKALA

Erantzun 1

Hondarribian joan den urtean lanean hasi ziren Olearso Kultur Guneko kideak, horrela Olearso Festibal arrakastatsua ikus entzuteko aukera izan genuen.

Aurtengoan ez dute festibalik antolatu, baina musikalki oso interesgarria izan daitekeen musikala antolatu dute Hondarribiako Hondartza Polikiroldegian; Miserableak: munduko musikalik arrakastasuena.

Aipatu beharra dago, Miserableak Bergarako Musika Eskolak 25. urteurrena ospatzeko aurrera atera duen ekitaldia dugula, eta Euskal  Herriko hainbat hiri eta herrietan egon dela, hala nola, Eibarreko Kiroldegia, Donostiako Victoria Eugenia, Iruñako Gayarre Antzokia, edo ta Gasteizko Printzipal antzokia.

Gaur gauean zuzeneko musika ezberdinaz gozatzeko aukera paregabea izango dugu Hondarribian.

info + : Olearso Kultur Gunea

BRASILGO ERREALITATEA

Utzi erantzuna

Atzo arratsaldean klaseak ezberdinak izan ziren, atzo ez nuen Informatikako klaserik izan baizik eta Animación SocioCultural (ASC)eko klasea izan nuen asteazkenero bezala.

Atzokoan irakasleak ez zuen ia ia hitzik esan, gonbidatu berezi bat izan genuen, Bruna. Brasildarra eta gaur egun Deustun nolabaiteko master bat egiten dabilera. Brasilgo errealitateaz hitz egin zigun, batez ere, favelei buruz. Hauen berri baneukan, baina beti prentsak erakutsi nahi duen ikuspuntutik; horrela atzo Rocinhan egon ginen instat batez behintzat, zenbait bideo ikusteko aukera izan genuen eta bertan dagoen errealitate gordinaz hitz egin zigun Brunak. Gazte asko lapurketa edo ta narkotrafikoa erabiltzen dute irtenbide bezala, baina beste bideak ere badaudela erakutsi zigun Brunak; hala nola, Cufai (Central Única das Favelas) buruz hitz egin zigun; egia esateko, nik ez nuen hauen berri ezta ez nukeen inoiz pentsatuko horrelako gauzarik egongo zenik Brasilaldean.

Bestalde musika ere beste irtenbide bat izan zitekeela erakusi zigun Brunak, horrelaxe sortu baita Afroreggae taldea; faveletako jendeak osatzen duten musika taldea. Nahiko famatuak dira, Asian Dub Foundation (ADF) taldearekin ibili baitira behin baino gehiagotan taula gainean. Bestalde zineaz ere hitz egiteko aukera izan genuen eta horrela, Favela Rising zenbait sari irabazi dituen dokumental-filma eta Cidade de Deus film ezagunaz hitz egin genuen.

Argi dago 50 minutuko klase batean ezinezkoa zela askoz gehiago egitea, baina behintzat klasetik pozik irten; ikasleei beste lekuko errealitate batean pentsaraztea lortu zuen. Ez dakit nire uste klasea ez zen 50 minutu horietan amaitu. Gero eta argiago daukat, oso ikasgai politak aukeratu ditudala, nahiz eta injenieritzan ibili. Oraindik gogoan daukat pixukide bati esan nionean nolakoa izan zen klasea eta bere erantzuna:
“Ya sin más, tipica tertulia para pasar el rato para descansar y que no sirve para nada.”

Bakoitzak bere iritzia izango du, baina nik behintzat ez dut horrela sentitzen atzo izan  genuen hitzaldia.

DIGIPEN INSTITUTE OF TECHNOLOGY EUROPE-BILBAO

Utzi erantzuna

Zorionekoak euskaldunak. Badirudi 2010.urtean DigiPen enpresa famatuak Bilbon gune bat irekitzeko prest dagoela.

DigiPen bideojokuen sorkuntzan ezaguna den enpresa Estatu Batuarra dugu, Bilbon irekiko du bere Europako lehen gunea, gaur egun, Seattle, Singapur, Korea edo ta Libanon zenbait gune dituelarik.

Aipatu beharra dago, DigiPen Nintendo bezalako handiekin ibiltzen dela elkarlanean, eta badirudi beraien eskoletan ikasten duen jende askotxok Nintendon lanean amaitzen duela. Badirudi Bilbon 4 urtetako gradu ikasketak egiteko aukera izango dugula eta diotenez bertan bideojokoak egiteko europako pertsonarik prestuenak irtengo direla. Zenbat balioko duen kurtso batek? Horixe galdetzen dio jende askok bere buruari. Zein hizkuntzatan emango dira klaseak? Batzuek inglesez diote, beste batzuk gazteleraz, oraingoz zurrumurruak han-hemenka dabiltza.

Comairrek, DigiPengo zuzendaria, dioenez beraien helburua 8 urte barru DigiPen Institute of Technology Europe-Bilbaok 800-1000 ikasle eta 200 irakasle inguru izatea da.

Badirudi aurtengo udan zenbait kurtso antolatuko dituztela, Wii, DS eta iPhone bezalakoentzat bideojokoak sortzeko asmoarekin.

Argi dago gaur egun krisi garaietan gaudela, baina badirudi DigiPen eta Bilboko Merkataritza Ganberak ez diotela beldurrik.

KASKAGORRI 20. URTEURRENA

Utzi erantzuna

Unibertsitatera joaten naizen bitartean Bilboko kaleko paretetan aurki ditzazkedan paperak, albisteak edo ta kontzertuen berriak irakurtzea gogoko daukat. Duela aste batzuk, edo hobe esanda hilabete Athletikekin Balentziara joateko milaka bidaien eskaintzak irakurri nituen, ez dakit ze nongo peñarekin, Abertzale Sur, H.N.T edo beste Athletik zale ezagunekin; baina gaur Kaskagorrik bere 20.urteurrena ospatuko duela irakurri dut, maiatzaren 9an hain zuzen ere.
Bilbora ikastera etorri baino lehenago ez nuen Kaskagorri ezagutzen, are gehiago txiripaz ezagutu nuen, zeren Zorrozaurren zenbait kontzertu antolatu zituzten, bertan, Los Suaves, Doctor Deseo, Koma eta beste hainbat talde egon ziren; gainera gogoratzen dut Asterixen irudia erabili zutela. Gaur kalean erdi lo joaten nintzela, berriro ere Asterixen aurpegia ikusi dut, badirudi formula ondo daokiela Kaskagorrikoei.

Hona hemen esteka : Egitaraua

MAIATZAK 2 OLABEAGAKO GAZTE EGUNA

Utzi erantzuna

Zenbaitetan izan naiz Bilboko Olabeagako Gaztetxean, berrian duela gutti okupatu zutena; ez du ez urte bat ere izango. Ni egon nintzen lehen aldian behintzat okupatu berria zirudien, argi gutxi, hotz dexente eta oraindik ia ia apaindu gabea, esan beharra dut negu partean izan zela eta aurtengo negua nahiko hotza izan dugula; baina lasai asko jaso nuen bertakoen berotasuna.

Nahiz eta gaztetxe gaztea izan, argi daukate bertan dauden gazteak gauzak antolatu behar direla, Bilbo edo ta auzoa berpiztu eta horrela maiatzaren 2 rako Olabeagako Gazte Eguna antolatu dute.

Ni ez naiz handik azalduko, maiatzeko zubia atzerrian dudan lagun bati bixita egiteko probestuko baitut, baina hala ere, Bilbo edo inguruetan dabiltzan gazteentzat plan ederra iruditzen zait.

Hona hemen beraien webgunetik hartu dudan egitaraua:

-12:30 harrera+ kale animazioa ( batukada, erraldoiak, etab.)
-13:30 triki poteo auzotik
-14:30 indabada + kantautorea ( tipico pero cierto)
-17:00 ginkana
-19:00 kalejira orkresta nazionalarekin
-20:30 kontzertuak frontoian + ekitaldia ( neguri gorriak, itziarren semeak eta bilbomatiks)
– Gaupasa gaztetxean

NOLA HELDU OLABEAGARA (BILBO)
–METRO: San mames geltokia edo Indautxu
–TRENA: Renfe, Olabeaga
–AUTUBUSA: Moyua-Olabeaga (Bilbobus)

PIXUKIDEAK 2.0, PIXUKIDE BILA 2009/2010

Utzi erantzuna

Joan den urtean pixukide bila ibili ginen eta ez zitzaigun asko kostatu pixukide bat lortzea; baina aurten asuntua guztiz ezberdina da. Ikasle pixuan 4 pertsona aurkitzen ginen eta urteak pasa diren moduan jendeak aurrera egin du bere ikasketetan, gauzak horrela hiruetako bat Suezia aldera joango da erasmusean, ikasketak luzatzeko asmoz; gainera titulu bikoitza jasoko du. Beste biak proiektuekin dabiltza jada eta ez dute Bilbon jarraitzeko gogorik, nahiago dute beraien etxe inguruan lan egitea, alegia, Gasteiz eta Donostia inguruetan, jakina baita herri txikietan zail dagoela injenieritza munduan lan egitea.

Horrela 4 ikasleko pixu batean pertsona bakar bat egotearen egoerara iritsi naiz, hurrengo urterako jada badaukat Bilbora iritsi nintzenean ezagutu nuen lagun bat, gaur egun Doktoretza ikasketak egin dabilena, Leioa aldean, ondorioz 2 gela hutsik izango ditugu hurrengo ikasturtean 2009/2010.

Oraindik ez ditugu Unibertsitateak paperez bete, baina joan den urtean sortu genuen email kontuan, pixukideak(arroba)gmail(puntu)com, zenbait  emilio jaso ditugu. Lehenik internet bidez saiatzen ari gara, zenbait lekuetan iragarkiak jarriz, duela urte bat ere lan hau egin genuen eta berriro ere leku horietan zenbait iragarki jarri ditugu. Bestalde euskal webguneetan ere, iragarkilaburrak esaterako iragarkiak jarri ditugu,jende euskalduna aurkituko dugun esperantzaz. Amaitzeko puri purian dagoen Facebook edo ta Tuenti sareetan kontuak sortu ditugu, pixuko zenbait argazki eta informazio ezarriz; behintzat pixu etorri nahi duenak lehen kontaktu bat izan dezan, aipatu beharra dago, honi esker guk ere zertxobait jakingo dugula etorri nahi duten pixukideei buruz.

Besterik gabe, Facebook sarean Piso Autonomia Bilbo ezizena erabiltzen dugu eta Tuentian aldiz, Piso Autonomia beraz badakizue oraintxe bertan 3 bide ezberdin dituzue Pixukideak 2.0n parte hartzeko.

Eta nork esango lieke gure gurasoei pixukideak horrela bilatuko genituela?

ESTERTORES

2 erantzun

Estertores horixe da Unibertsitateko lagun batzuek atera duten azken proiektua. Ez, ez da proiektu informatikoa edo ta teknologia berriekin loturikoa, baizik eta letren munduarekin eta literaturarekin; bai harritzekoa baina zenbait injeniarik ere idaztea eta irakurtzea maite dugu.

Oraingoz  # 1 Resaca izeneko lana bakarrik atera dute, jeisteko moduan dago beraien webgunean .pdf formatuan, pena merezi du irakurtzeak. Dirudienez, paperean ere inprimatu dituzte zenbait ale, horrela Gasteiz eta Bilbo bezelako hirietako leku bitxietan utzi dituztelarik; lasai asko pasatzen den jendeak har eta irakur ditzan; fanzine baten moduan edo.

Gaur egun gaztelaniaz idazten den proiektu irekia da, beraiekin kontatuan jarriz gero parte hartzeko aukera izanez. Benetan aberasgarriak iruditzen zaizkit horrelako proiektu alternatiboak; idazleek kudeatutako proiektua, ilusioz hasitako proiektuak; espero dezagun aurrera jarraitzea.

Posiblea izango litzateke horrelako zerbait euskaraz egitea? Estertoresekin indarrak batu? Euskarazko proiektu berria sortu? Ozen oihu egiten dut euskal blogosferara, erantzunen bat entzuteko esperantzaz.

BOLOGNIA DEUSTUKO UNIBERTSITATERA DATOR

Utzi erantzuna

Iritsi da. Bolognia. Azken urteetan zenbait froga egin ditugu ESIDEn Bolognako plana dela eta; baina guzti hau irakasle eta ikasleen artean geratzen zen. Oraingoan gogor etorri da Bolognia Deustuko Unibertsitateara. Egutegiak aldatu dituzte, azterketa garaiak aurreratu, nahiz eta ESIDEkoei gauzak asko ez aldatu, aurteko irailean behintzat beti hasten baiditugu azterketa abuztu bukaeran.

Baina 2009- 2010 kurtsoa ezberdina izango da, lehenik egutegiak, lehenago hasiko da kurtsoa eta jada ez dira iraileko azterketa existituko, alegia, bigarren kuatrimestrea amaitu eta egun batzuetara udako azterketak deritzogunak izango ditugu. Horrela beste Europear Unibertsitateekin egutegi bateraketa egin nahi da, alde batetik ongi dagoela iruditzen zait, zeren horrela uda libre izateko aukera izango dugu denak gainditzen ez ditugun ikasleek, baina bestalde, bigarren kuatrimestreko azterketak egin bezain pronto berriro ere azterketak izango ditugu eta akaso denbora ez da nahikoa izango lehen kuatrimestrekoak prestatzeko. Esan beharra dago, Bologniarekin 2009-2010 kurtsorako lehenengo mailan matrikula egiten duten ikasleek jada plan berrian sartu direla, alegia, gradu moduan.