Solaskide ikusezina

Data: 2007(e)ko irailaren 25a Egilea: marijo

Atzera ikusi dut autobus geraleku ondoan, lurrean eserita, bizitza amaitzear balu bezala erre eta erre. Baina ez zegoen bakarrik; oraingoan ere, beste inork ikusten ez zuen hari begira zen bera, harekin hizketan ari zen gainera. Entzun egin nion. Zera esaten entzun nion: nola ez diot bada kasurik egingo? Zuk ere ondo dakizu zer den inork ez ikustea, inork ez erantzutea, inork kasurik ez egitea, ezta?

Eta arrazoia zuen. Izan ere, beste inork ikusten ez zuen bere solaskide hark, beragatik izango ez balitz, ez luke inorekin hitz egiterik izango. Eta ondotxo zekiten biek; batak bestearekin hitz egin ezean, inork gutxik erreparatuko luke batean zein bestean. Ke isuri amaigabea zuenak gizon ikusiezinaren beharra zuen, aspaldi sumatua zuen. Eta berak bakarrik ikusten zuen gizon ikusezinak ere zigarro erretzaileari zor zion hain ikusezina ez izatea. Azken baten horixe behar izaten dugu gutako bakoitzak bakardadeari ihes egiteko edo bakardadean oharkabe eta erremediorik gabe ez jausteko: solaskide bat. Guk gurea eta berak berea esateko esparru komun batean aritzeko solaskidea. Bestela, eta inori kontatzeko aukerarik izan ezean, gure existentzia ere dudan jartzeko arriskuan bizi baikara. Horregatik eskertzen zuen berak gizon ikusezinarekin topo egin izana, eta ondo baino hobeto zekien, barru-barruan bada ere, ikusezinak ere bihotzetik eskertzen ziola solaskidetzarako aukeratu izana.
Eta horrela aritzen ziren egunero; batek beste inork ikusten ez zuen hari begira eta berriketan; eta batek daki, agian, beste inork ikusi eta entzuten ez zuen hark erantzun egiten zion.

Kategoriak Sailkatugabeak | Etiketak , , | 2 iruzkin

Udako zinea

Data: 2007(e)ko irailaren 12a Egilea: marijo

Uda osoan zehar iragarri dituzten Planet Terror  eta Death Proof filmak ikusi ditut; ez bi zuzendariek hasiera batean asmatu zuten moduan, hau da, sesio bikoitz baten Grindhouse  sesio omenaldia egin aldera. Gurean bata abuztuaren hasieran eta bestea amaiera estreinatu dituzte, beraz, Robert Rodriguezena ikusi genuen lehenengo. Eta, horrek eraginda, edo Kill Billen ostean Tarantinoren zain ginelako-edo, Death Proof ikustera gogo biziz joan ginen zine aretora.
Aitortu behar dut, oraingoan, zonbien istorioa eta pelikula, gehiago gustatu zaidala-hiltzailea duen gidari-psikopatarena baino. Eta, hori biek ala biek, lan bikaina egin dutela filmaren muntaia, ikusleari ageri-agerian erakusten zaizkion detaileen aukeraketan, musikan, aktore aukeraketan eta horretan guztian. Baina Tarantinok, film oso “tarantiniarra” egin arren, filma amaitzeko gogoa eragin zidan; astuna egin zait Death proff; luzeegia iruditu zait.
Aldiz, Rodriguezen zonbiak, hain dira “kutreak” ze illuraturik atera nintzen zinetik. Protagonista hainbeste aldiz telebistan eman duten Embrujadas telesaileko sorginik gazteena da, Rose McGowan; bikain aritzen da eta ametrailadora galtzen duen hankaren ordez janzten duenean, ikusgarria da!

Baina bi pelikulak baino askoz ere gehiago gustatu zaizkit filmeen aurretik jarri dituzten trailerrak izan dira; existitzen ez diren filmak dira, baina trailerrak bikainak dira. Gure artean bakarra eman dute, Machete; besteak Interneten ikusi beharra dago ez baitituzte gurera ekarri (Thanksgiving, Werewolf Women of the SS, ‘Don’t’ Faux  eta Hobo with a Shotgun)  Entzun dudanez, hainbeste arrakasta izan du ze zuzendaria benetan filma egitekotan ari da; ia ba! Hori ere, ikusteko moduko pelikula izango da, gaiztoa eta gaiztoagoak, hiltzaileak eta are hiltzaileagoak, gaizto zatarrak eta are zatarragoak…

Bi zuzendariek errekuperatu nahi izan dute “zahar” itxura bikaina da zinta bietan, efektuak oso onak dira eta benetan pelikula zaharkitu eta gaizki zaindutakoa ikusiko duzun itxura hartzen diozu filmaren hasieran, eta baita tartean ere. Radio 3ko zine kritikak egiten aritu den udako bekadunak esan zuen moduan, Tarantinoren filmari buruz, oso ondo egindako pelikula oso txarra da Death Proof; hala ere, bai Tarantinorena zein Rodriguezena ikusteko moduko filmak dira, batez ere, sasoi bateko B serieko zinea atsegin baduzue behintzat.
On egin!

Kategoriak Sailkatugabeak | Etiketak , , , , , | Utzi iruzkina

Lekitxon bai, Honddarbin ez

Data: 2007(e)ko irailaren 6a Egilea: marijo

Sanantoliñetan izan nitzan atzo, antzar egunian. Sekulako egualdixa egiten zeban eta atsaldeko 5:30ak aldera aillegau giñan portura eta girua ikustekua zan!. 70 bateletik gora zeuala entzun giñuan: gu 49.ean aillegau giñan. Ordurako 18 jasoaldi eginda zeuskan batek eta denbora dezentia eutsi zotsan markiari; 20 egin zitxuan errekorra kendu zotsanak, baina zamia ezin izan zotsan kendu antzarrai.
Han egon zan girua animatzen Sabino Madariaga, lekitxarra. Itsosokoa, portukoa etzala esaten zeban berak, baina artian esplikaziñuak sekulakuak emoten zitxuan batelen izenen inguruan eta arrantzalien arteko berben inguruan. Berriketerua primerakua tipua! Hondarribian ez, baina hemen bai eta holakuak esaten aritxu zan eta orduan akordau nitzan: gurian bai! Gurian neskak ai die: aurten bederatzi! esan zebanian konturatu nitzan. Aurten bederatzi emakumezkok egin dabe antzarraren lepotik heldu eta zamiakin geratzeko saiakeria. Kolore biziz margotutako bederatzi bateletan, bederatzi koadrilek, bederatzi neska aukeratu dittue jauzi eitteko, dzanga!
Eta, ikusi be egin giñutzen horietako batzuk; zorterik ez zeben euki gehixenek, baina gogua sekulakua ipini zotsen! Eta, tartian, tripulaziño dana, harrapatzaillia eta patroia be, danak, neskak zeuzkak batela be ikusi giñuan.
Horreatik aritxu ei zan girua jartzen aitxu zan berriketerua, Hondarribian ez, baina Lekitxon bai eta ia datorren urtian Lekitxon mduan Honddanbin be baietz dan!

Kategoriak Sailkatugabeak | Etiketak , , , | Utzi iruzkina

Athleticek gaztelaniazko ikasketen aldeko apustua egin du

Data: 2007(e)ko irailaren 4a Egilea: marijo

Izugarria, ikaragarria, onartezina, salatzekoa, lotsagarria… Nahi duzuena esan daiteke Athleticen presidente Macuaren egitasmoaren gainean. Badirudi, horrela irakurri nuen larunbateko Pais egunkarian,  kadete A mailako mutikoak eskola berean matrikulatu nahi ditu, errendimendua gehitzeko. Hori etorkizuneko futbol jokalari profesionalak “egiteko” bidea izan daiteke. Baina, dirudienez, ikastetxe horretan eskola guztiak gaztelaniaz izango lirateke eta euskaraz, bakar-bakarrik, natur zientzien ikasgaia litzateke. Nola daiteke Athleticen presidente jaunak horrelako eskaintza egitea?

Atzo komentatu zidan Athleticen bazkide dudan ohe-lagunak. Ia ezer nekien horri buruz, lankideen artean komentarioak entzun zituela eta… Interneten sartu ginen eta zapatuko Paisen aurkitu genuen Luis Martinek sinatutako albistea. Han esaten denez, gurasoek ez dute begi onez ikusi proposamena (abuztuan egin zieten), besteak beste, eta orden honetan agertzen da egunkarian:  logistikagatik (mutikoetako batzuk ordu bi lehenago jaiki beharko lukete goizetan eskolara joateko), orain arteko ikastetxeekin gustura daudelako, hau da, mutikoek nota egokiak dituztelako gurasoek aukeratutako ikastetxeetan, aldaketak errendimenduan eragin dezakeenagatik, eta azkenik (horrela jasotzen da ere egunkarian), ikasketei eta euskararen babesari dagokien arrazoiengatik.

Ia argi ikusten dudan: RHaren bila hainbeste buelta ematen dituen euskal talde batek, Basaurin jaio, baina kanpoan hazitako andaluziar bat fitxatu nahi zelako zaleen artean sekulako iskanbila eragin zuen talde batek, etorkizunean taldeko jokalari izan daitezkeenak gaztelania hutsez hezi nahi ditu!???? Eta gero, Macuak Bai Euskarari ziurtagiriaren alde egingo du,esaterako; edo, euskal jatorrizko jokalariak fitxatzearen aldeko politikaren defendatzaile sutsu izateari eutsiko dio… Euskaldun egiten gaituena ezta bada euskara? Edo, ez zen horrela…

Kategoriak Sailkatugabeak | Etiketak , , , , | 3 iruzkin

Donostian ala nazioartean?

Data: 2007(e)ko irailaren 3a Egilea: marijo

Donostiako banderaren lehenengo saio egunean istiluak izan
ziren Donostiako Alde Zaharrean. Bigarren zatia ez da hain arraroa egiten, eta
egun benetan jendetsua aukeratu izana horretarako ere, jada, ohitura bihurtu
da. Harritu nauenak, Diario Vascok albistea ilustratzeko aukeratu duen Jose
Mari Lopezen argazkia izan da.

JMLpz-DV

Begira ezazue argazkia eta zuek esan, Donostian ateratakoa
da argazkia ala munduko beste puntan? Nonork esango luke laguntza humanitorioa
deitzen diren ekintza hoietako bat egitera bidali dituztela ertzainetako
batzuk, Ekialdeko herrialderen batera edo.

Euskal Herria aldatzen ari da, guk uste baino azkarrago. Amaren
etxea joan nintzen zapatuan eta aitak kontatu zidan Donostiako eraikin publiko
batera sartu ziren pakistandar batzurekin erabat txundituta geratu zirela hango
beharginak, eta Antzuolara ere deitu zutela, euskaraz bakarrik egiten zutelako
pakistandar haurrek. Pantxike andereñoak kontatu zidan urtarrila aldera,
Antzuolan bizi den Pakistango familiako neska-mutiko guztiek ikasi dutela
euskaraz, eskolan eta lagunartean, eta gaztelaniaz ez dakitela. Beraz, euren
hizkuntzan eta euskaraz egiten dabe. u003c/font>u003c/p>nnu003cp>u003cfont sizeu003d”2″ faceu003d”Arial”>u003cspan langu003d”EU” styleu003d”font-size:10.0pt;font-family:Arial”>Euskal Herria aldatzen ari da eta gu ere moldatu beharkongara; multietnikoa da gure herria eta horrek dakarren aberastasunaz ohartutanjardun behar dugu herria egiten.u003c/span>u003c/font>u003c/p>nnu003c/div>nnu003c/div>nnn”,0]
);
D([“ma”,[0,”u003ctable classu003datt cellspacingu003d0 cellpaddingu003d5 borderu003d0>u003ctr>u003ctd>u003ctable cellspacingu003d0 cellpaddingu003d0>u003ctr>u003ctd alignu003dcenter>u003ca targetu003d_blank hrefu003d”/mail/?attidu003d0.1&dispu003dinline&viewu003datt&thu003d114ca6c133824605″>u003cimg classu003dthi srcu003d/mail/?attidu003d0.1&dispu003dthd&viewu003datt&thu003d114ca6c133824605>u003c/a>u003ctd widthu003d7>u003ctd>u003cb>021D1GENP1_1.jpgu003c/b>u003cbr>14K u003ca targetu003d_blank hrefu003d”/mail/?attidu003d0.1&dispu003dinline&viewu003datt&thu003d114ca6c133824605″>Vistau003c/a> u003ca href u003d”/mail/?attidu003d0.1&dispu003dattd&viewu003datt&thu003d114ca6c133824605″>Descargau003c/a> u003c/table>u003c/table>”,”114ca6c133824605″]
]
);
D([“ce”]);

//–>

Euskal Herria aldatzen ari da eta gu ere moldatu beharko
gara; multietnikoa da gure herria eta horrek dakarren aberastasunaz ohartuta
jardun behar dugu herria egiten.

Kategoriak Sailkatugabeak | Etiketak , , , | Utzi iruzkina

Deprea? Bai, zera…

Data: 2007(e)ko irailaren 3a Egilea: marijo

Asteleheneko Goienkaria (20007-09-03)

Uda-herriek “Graziarik
gabeko itxura” zutela esan zuen atzo Teleberriko aurkezle Africa Baetak. Baina, seguru nago oporrosteko lehenengo lan egun
bezperagatik baino eguraldiagatik izan dela. Edorta Romanek ere ez du asmatzerik izan. Atzo ere hondartzakoa
iragarri zuen, baina… Tira, etsi egin beharko dugu, amaitu baita jada urteko
oporraldirik luzeena. Imazek bere
iritzi artikulua idatzi zuenetik ere hilabete luzea igaro da, nahiz eta
oraindik hortxe ari diren, batzuek eta beste, hika-mikan; eta, Nafarroan ere,
antzera: Blanco jauna saiatu da
atzera, logikak azaldu ezin duena arrazoitzen. Groucho Marx gogora ekarriz, abuztuan bere heriotzaren 30.
urteurrena bete da, “Arazoak bilatu, aurkitu, diagnostiko faltsua egin eta
okerreko erremedioak aplikatzeko artea da politika”. Baliteke.

Osterantzean, denak berdin
jarraitzen du: etxera bueltako deprea gaindituta, lanera bueltakoa gainditu
beharko dugu, gaurtik hasita. Ez da ordea hainbesterako izango; Sara Vitoria psikologoari irakurri diot
goienaneten “opor osteko depresioa askotan guk geuk sortzen dugula”. Hortaz, ni
lasai. Ez sortu eta zoriontsuago izango naiz, ikasturte hasieran behintzat!

Kategoriak Sailkatugabeak | Etiketak , , | Utzi iruzkina

Athletic-Osasuna, noren alde egin?

Data: 2007(e)ko abuztuaren 26a Egilea: marijo

Bilboko Aste Nagusian izan nintzen atzo. Euria egin ez duen egun bakarra izan zenez, eta azken aurreko eguna zenez, jende mordoa zebilen handik eta hemendik. Migel Boseren kontzertua ikustera ere gerturatu ginen Botika Zaharrera, eta han ere lekurik barik egon ginen. Hura jendetza! Denak, pentsatzen dut, ez zirela Boseren zaleak izango eta kurioso asko egotez gainera, aurtengo jaietan aterik egon den kontzertu bakarra izateak zerikusia izan zuela uste dun han batu zen jendetzarekin.

Baina, horrez gainera, gaur bertan San Mamesen jokatzen den Athletic-Osasuna derbyaz aritu ginen. Hiru bizkaitarrekin nintzen eta ia ni, gipuzkoarra, izanik, noren alde egingo nuen jakin nahi zuten. Egia esateko, futbolaz, jokoaz, ez dut batere entenditzen eta futbol zelaian, San Mamesen, egon izan naizen arren hainbat aldiz, giroak erakarrita hurbiltzen naiz horrelako “saraoetara”. Hortaz, eta jakinda lagunak zirikatuko nituela, Osasunaren alde egingo nuela esan nien lagunei.

Banekien! Realekoek beti egiten du Athleticen kontra! esan zidan lagunak.

Agian, bai ezta? Gipuzkoa eta Bizkaiaren arteko lehia horretan, jadanik maila berean jokatzerik ez dugunez, ba bigarren aukera: bizkaitarren kontra jokatuko duenaren alde egin behar! Lagunak zioen berak ezingo lukeela hori egin; lehenengo Athleticekoa eta gero Realekoa dela, gertukoena, eta gero…
Gero zer? Osasuna ala Alaves?

Ez ginen inora heldu, jakina. Beno, ni bai: lagunak zirikatu nituen!

Kategoriak Sailkatugabeak | Etiketak , , , | Iruzkin 1

Gobierno de España, publizitate kanpaina berria

Data: 2007(e)ko abuztuaren 20a Egilea: marijo

Oporraldi aurretik konturatu nintzen zela auto istripuen kontrako telebista kanpainetan “Gobierno de España” esaten amaitzen zituzten iragarkiak; lehen, oker ez banago, “Ministerio del Interior” esaten zuten. Gauza bera igarri nuen suteen kontrako kanpainetan: “Ministerio de Medioambiente” beharrean “Gobierno de España” esaten zuten. Eta, are argiago geratu zitzaidan euskarazko iragarkietan ere “Gobierno de España” esaldiarekin amaitzen zirela iragarkiak. Ohe lagunari komentatu nion eta berak “bitxia” esan zidan.
Joan zen astean, Andaluziako kostaldeko hondartza baten, karramarroarena egiten nengoela, El Mundon irakurri nuen artikulu “bitxi” bat: Espainiako gobernuak antolatutako “logotipo” lehiaketaren  irabazleak Alemaniako gobernuaren irudi korporatiboarekin antzekotasuna handia duela zioen; kopia bat zela. Egia esaten badute bai antza; baina tira…

Igandean honetan Paisen bertan beste artikulu bat zetorren administrazio zentralaren iragarki kanpainak eta logotipo lehiaketa hori lotzen zituena: Zapaterok erabaki duela España hitza errekuperatzea eta alderdi popularrak eman izan dion erabilera pribatu horri buelta emanez, España berba sozializatzea eta erabilera gehitzea. Horregatik erabaki duela ZPren gobernuak iragarki publikoetan “Gobierno de España” esamoldea erabiltzea, “lotsa galdu arazi nahi ei die ZPk espainiarrei”.

Aznarrek eta bere lagunek “españa” berba euren interesen arabera gehiegitan erabili dutela igarri dio Zapaterok eta “nahikoa” dela pentsatu du. Horregatik erabaki omen dute gobernuaren irudi korporatibo berria sortzea eta horren barruan sartu dituzte publizitate kanpainak ere. Zera diote: A lo largo de la legislatura, el PP ha presentado sus protestas contra el Gobierno como actos “en defensa de la nación”, convocando “a todos los españoles a los que le importe España” frente al Ejecutivo y concluyendo alguna manifestación cuadrándose ante la bandera de la plaza madrileña de Colón (14 x 21 metros) mientras sonaba el himno. El PSOE lo criticó entonces por considerarlo un uso partidista de los símbolos “de todos”. Ahora, apagadas las polémicas por los estatutos de autonomía, que le valieron la acusación del PP de estar “rompiendo España”, el Gobierno inicia, sin ruido, su pugna por esos símbolos. “No se trata de descubrir España. Buscamos un nuevo logotipo porque en los que tenemos no existe la denominación ‘Gobierno de España’. Está en todos, menos en este y el PP nunca se preocupó por ello”.

Baina, horrekin batera, eta artikulu berean esaten denez, badirudi sozialistek beste alderdiei helarazi dieten RTVEri buruzko proiektu-aginduan jasotzen dela “ente publikoak Españaren identitatea eraikitzen lagundu behar duela”. Hortaz, Españaren irudi hori sortzen hasi da lehenengo TVE trafiko kanpainekin eta horrelakoekin eta, bitartean, logotipo lehiaketari ekin dio Zapateroren gobernuak. Beste hark zioen moduan “España apurtzeko” beldur izango ote da baita ere alderdi sozialista?

Kategoriak Sailkatugabeak | Etiketak , , | Utzi iruzkina

Aldaketa barik, dena atzera berdin

Data: 2007(e)ko uztailaren 17a Egilea: marijo

Ikusi ondotik danak jakitun izaten gara, baina aitari esan nionean hauteskunde osteko egunean Nafarroan zer nolako aukerak zituen Nafarroa Baik, zera esan zidan: “no te emociones tanto. Yo no me fiaría”.
Eta, bazekien bai zertaz ari zen. Arrazoia eman beharko diot hurrengo berarekin izaten naizenean, ze, sozialistek ez dute garbi jokatu Nafarroan eta aitak horixe iragarri zidan. Eta, zerbait bazekiela diodanean zeragatik da: Aspaldi gertatu zen, beste sasoi baten. Orduan gure aita eta haren lagunak sindikatuan ari ziren (CCOOen uste dut; gero ESKra pasa bazen ere); baina orduan Ramon Jauregi, Txiki Benegas eta horrelako izenak ere maizago entzuten ziren beharginen artean; baita gure aitaren lagun taldekoen artean ere. Kontua da, amak kontatzen duenez, behin hola aitak etxera gonbidatu zituela bazkaltzera. Gure amak ederra “ratu txarra” pasa zuena. Berak, behintzat, halaxe dauka gogoan. “Nolatan gonbidatu dituzu, baina?” galdetzen omen zion aitari; “zer eskainiko diet, baina, jateko?”. Aitak, berriz, edozer gauza jartzeko esan omen zion eta oker ez banago, oilaskoa eta entsaladaren bat jan zuten.
Gerora, baina, amak inoiz Txiki Benegas telebistan ikusi izan duenean esan izan du: “hara! ikusi! gure etxean izan zenean dezente argalago zegoen!”. Eta, akaso, egia izango da, baina goi mailako politikara iritsi ziren haiek ere, eta tarteko bidelagunak ahaztu zituzten.
Hurrengo aitarekin egoten naizenean ere, gogoraraziko diot sozialisten istorioa eta atzera esan dit, “esan nizun, baina”. Eta, nik zera esango diot, “baina Ramon Jauregi agurtu nuen azkenekoan, zure partez goraintziak eman nizkion hartan, aldaketa posible zela eta etorriko zela esan zigun; bai eta, tentuz eta pazientziarekin arituko beharko liratekeela abertzaleak, ez zelako erreza izango. Baina hark ere ez zuen esan ezinezkoa izango zenik. Eta hori maiatzaren 25ean izan zen, Gasteizen”.

Kategoriak Sailkatugabeak | Etiketak , , , | Utzi iruzkina

Antzuolakoak be jun dia! Pobre, gu

Data: 2007(e)ko uztailaren 16a Egilea: marijo

Iñork pentsauko dau blog hau irakurritta, parrandia besteik itxen eztotela aspaldian, baina… Danak batera tokatzen die-ta euskal herri honetan! Antzuolakuak pe jun die; Karmen jaixak horrek pe, baiña egun hori baino batzuk lehenau ospatu die aurten be: uztaillak 12txik 15era bitxartian.
Nobedade haundixena euskal ezkontzia izan da. Usoa Agirre izan dan emaztegaixa, baina argazkixetan ikusitta dudak dauzkat gustura ote zeuan. Egixa esan, eguenian elkarrekin topau giñan, ordu txikixetan, eta txoritxo batek esan dostenez halaxe ibili ei da beste egunetan be; hortaz, pentsatzekua da senargaixa gustukoa ez eukitzia baiño gehixau bixamoniak eragindako aurpegi serixua izan da Uxona.
Neuk, badaezpada, eguena bakarrik egin neban herrixan. Neskalagunekin afarixa egin giñuan Ariñenian; han egon giñan Tomas Gesalaga eta konpaiñiaren kantu zaparradia entzuten, geu eta zapatuan beste ezkontza baten zitia zeukan Soraia eta bere lagunak pe. Haura izan zan “eskandalua”!
Gero, ba gerokuak; handik urten eta tabernetan, barruan eta kanpuan, dantzan eta batez be, zela ez, berriketan! Denboratxua nindoiarren-eta Antzuolatik agertu barik! Han ibili nitzan, batian Edurne, Rakel, Itziar, Amaia eta Mirenekin, baina gehixen-gehixenetan lagunak zain edo ni barik alde itxen euki nittuan, barriketera on moduan, danekin geratzen nitzalako kontu-kontari.
Agurtu neban jente mordua eta tarte batian herritxik berriz agertu barik egongo naiz, sobredosia eukiko dabe-ta, batek baiño gehixau nerekin.
Etxera jun aurretik, eta San Fermiñak pe bazienez oindio, bariku goizian entzierrua ikusi giñuan Gailurren. Marijek pertsiania igo zoskun eta gu barrura, telebisiñuan zain egon giñan eta 8retan: pun!! Etzan ezebe pasau, baina han egon giñan ui eta ui, minutu pare baten.
Handik etxera jutia erabaki neban ze, tabernatik urten eta sekulako eguzkixa somau neban… Eta holakuetan pasatzen dan moduan, “bajoia” haundixaua izaten da. Hortaz, etxera bidia hartu giñuan Jabik eta bixok, bidian Silbia eta Beñatekin juntau giñan eta kotxian igo gintxuan etxera; bera lanera zoiarren eta gu, berriz, ohera!
Datorren asteburuan be beste herri mordo bateko jaixak die, baina, pentsatzen nabil, tarte baten behintzat, atsedena hartu biharko dotela. Ikusiko dogu, ezta Uxo?

Kategoriak Sailkatugabeak | Etiketak , , , | Iruzkin 1