Etiketaren artxiboa: lokatza

2008 Errepideko denboraldia

Urtarrileko ziklokross zirkuitu hotzak atzean utzi eta errepideko denboraldiari
begira hasi dira Lokatzako txirrindulariak.

Martxoa bertan dago eta berarekin
bat udaberriko lasterketak datoz. Errepideko denboraldi berria behar den moduan
hasteko, taldeko entrenamenduak egiten ari dira Lokatzako gazteak, taldeko
kotxe eta guzti!

Aurtengo denboraldian 8 kadete eta 2 jubenil izango
ditugu errepidean Sumofic-eko mailot txuri urdiña defenditzen. Ea aurtengo
urtea aurrekoa bezain ona irtetetzen den!
Argazkiak

Bazkideak eguneratzeko deialdia

Utzi erantzuna

Urteen poderioz, Lokatza Ziklismo Eskolaren bazkide zerrendan dauden datuak zaharkituak gelditu dira eta dagoen egoeran erabilgaitza bihurtu zaigu. Datuak eguneratzeko asmoarekin gaur egun bazkide direnei eta bazkide egiteko asmoa duten guztiei zuzentzen gara.

Zuzenketa hauek aurrera eraman edo bazkide berri bezala alta emateko formulario bat sortu dugu. Formulario hau Biciprecision Igartuan, Kaxetan lokalean, hemen jeitsiz edo ostegunetan arratsaldeko 8etan Telefonikako aldapan dugun lokalera gerturatu eskero lor daiteke. Formularioa betez, 2008ko denboralditik aurrera kuotak helbideratu eta klubaren inguruko informazioa edozeini azkar eta zuzen igorri ahal izango diogu.

Lokatza Z.E.-tik urteko 10 €-ko kuota proposatzen da, hala ere, norbaitek aportazio handiago egiteko asmoa balu, formularioan bertan aukera eskaitzen zaio 10-€ tik gorako aportazioa egiteko.

Formularioa bete ondoren, guri helduarezteko bide desberdinak daude:

– Posta arruntez

Lokatza ZE

Apartado 202 Postakutxa

20570 Bergara

– Posta elektronikoz:

lokatza_ze@hotmail.com

– Guri eskura emanez

· Ostegunetan, arratsaldeko 8etan, Telefonikako aldapan dugu lokaletik pasatuz.

· Lokatzako Z.E.-ko kideren bati emanez.

– Beragaran, Biciprecision Igartuan utziz.

– Antzuolan, Kaxetan lokalean utziz.

Bestalde, 2008ko denboraldian, 1990tik 1997ra bitartean jaiotako edozein Antzuola, Bergara edo Elgetako neska mutilek lasterketetan aritu nahi badu, jarri batzordearekin harremanetan aurretik aipatutako bideak erabiliz.

Txirrinduzaleen afaria 2007

Utzi erantzuna

Azaroan ohikoa dugun bezala, herriko txirrinduzaleok denboraldia agurtu genuen egubakoitzean, Elorregiko Alkartasuna elkartean.

41 lagun elkartu ginen giro ezin hobean afaltzeko eta tartean ziren Mikel Astarloza, Patxi Vila, Juanma Garate eta Lander Aperribai txirrindulari profesionalak, bizikleta utzi ondoren gaur egun kazetari lanak egiten dituen Iñigo Chaurreau eta amateur mailan ari diren Gurutz Larrea, Asier Penabad, Kepa Varela eta Unai Arantzabal, Lokatzako harrobitik irtendakoak laurak.

Felix Zubiak, Iñaki Pedrejonek eta Mikel Larrañaga Lokatzako presidenteak antolatu zuten afaria eta etorritako txirrindulari guztiek oroigarri bana eraman zuten etxera. Astarlozak, Vilak eta Garatek denboraldi bikaina egin dute eta hurrengo denboraldian garaipen batekin borobiltzeko itxaropena azaldu zuten. Lander Aperribaik (aita bergararra du, Jose Ramon) profesionaletan emandako lehen denboraldia gogorra izan dela aitortu zuen, batez ere bere buruari jarritako presioagatik. Opariaz gain, guztiek zaleon txaloak jaso zituzten afalostean. Era berean, Felix Zubiak Iñigo Larrañaga eta Asier Sanchez zoriondu zituen, joan den azaroaren 1ean Osintxun jokatutako ziklo-kros proba aurrera eramateagatik.

Txirrinduzaleok 1993tik egiten dugu denboraldi amaierako afaria Elorregin. Urte hartan Ramontxu Gonzalez Arrieta izan zen gonbidatu bakarra. Ordutik makina bat txirrindulari ekarri ditugu: Xabier Lazpiur, Jon Odriozola, Markel Irizar (oñatiarrek ezin izan zuten egubakoitzean etorri), Asier Guenetxea, Alvaro Gonzalez de Galdeano, Cesar Solaun, Roberto Laiseka…

Marino Lejarretak egiten zuen moduan Iñaki Pedrejonek eta Fernando Ezenarrok hiru itzuli handiak egin dituzte aurten: Giroa, Tourra eta Espainiako Itzulia. Pedrejonek gogoratzen duenez, Espainiako Itzulian Laisekarekin egin zuten topo, antolatzaileek Ordino Arcalisen egin zioten omenaldian. Fermin Aramendi kazetaria han zebilen, Laiseka elkarrizketatu nahian. Eta Laisekak Aramendiri: “Egon, lehenbizi hauekin argazkia ateratzera noa, bizi guztian animatu naute-eta”. Bergarar koadrila aski ezaguna da txirrindularien artean. Datorren urterako, Euskal Herriko lasterketak zein itzuli handiez gain, Flandeseko Itzulira joateko asmoa dute taldeko batzuek. Bitartean, atseden hartzeko ordua da orain. Txirrindulariek bezala, kilometro ugari utzi ditugu atzean.

Basalgo Igoera

Utzi erantzuna

Urtero moduan, Santiago egunarekin bat Basalgoko jaiak ospatzen dira, jaien barne txirrindulari gazteen Basalgora igoera. Aurten, auzoko jaiak 22-ra aurreratu dira, azken urteotan Santiago eguna enpresa askotan ez bait da jai.

XXV. Basalgora igoera (2007/07/22)

Sailkapen orokorra 18 izen-emandako

Post Dort.   Izen-Abizena   Denbora  Jaiotze urtea Maila
1         43      MarkelJuaristi    0:07:27        1992         Kadetea
2         45      Mikel Aristi        0:07:58        1993          Infantila
3         44     Aitor Juaristi       0:08:22        1992         Kadetea
4         52     Danel Remirez     0:08:22        1991         Kadetea
5         53     Anartz Garcia      0:08:22        1992         Kadetea
6         46     Eneko Lizarralde 0:09:07        1993         Infantila
7         41     Jon Odriozola      0:09:48        1994         Infantila
8         19    Urtzi Muguruza    0:09:53       1996         Alebina
9         42    Asier Taboada      0:10:20       1994         Infantila
10       51    Julen Irizar            0:10:52      1995         Alebina
11       24    Josu Diaz              0:11:11      1994         Infantila
12       29    Mikel Jauregi        0:11:11      1996         Alebina
13       49   Txomin Larrañaga  0:11:30       1995        Alebina
14       50    Mikel Mugika       0:11:30      1995        Alebina
15       21    Unai Gorostidi      0:12:15      1993       Infantila
16       18    Jokin Narbaiza     0:12:35      1996        Alebina
17       48    Aitor Kortabarria  0:12:54      1995        Alebina
18      23    Eneko Zabaleta     0:14:43       1993        Infantila

Katede mailako sailkapena

Post Dorts Izen-Abizena Denbora Aldea Jaiotze urteaMaila
1         43    Markel Juaristi 0:07:27                 1992      Kadetea
2         44    Aitor Juaristi     0:08:22   0:00:55 1992      Kadetea
3         52    Danel Remirez  0:08:22   0:00:55 1991       Kadetea
4         53    Anartz Garcia   0:08:22   0:00:55 1992       Kadetea

Infantil mailako sailkapena

PostDorts IzenAbizena  Denbora  Aldea Jaiotze urteaMaila
1      45      Mikel Aristi        0:07:58                      1993   Infantila
2      46      Eneko Lizarralde 0:09:07   0:01:09     1993    Infantila
3      41     Jon Odriozola     0:09:48    0:01:50      1994   Infantila
4      42      Asier Taboada   0:10:20    0:02:22     1994    Infantila
5      24      Josu Diaz            0:11:11    0:03:13     1994   infantila
6      21      Unai Gorostidi     0:12:15    0:04:17     1993   Infantila
7      23     Eneko Zabaleta    0:14:43 0:06:45     1993   nfantila

Alebin mailako sailkapena

Post Dorts Izen-Abizena  Denbora Aldea Jaiotze urteaMaila
1      19     Urtzi Muguruza     0:09:53             1996          Alebina
2      29     Mikel Jauregi        0:11:11 0:01:18 1996          Alebina
3      49     Txomin Larrañaga 0:11:30 0:01:37 1995          Alebina
4      50     Mikel Mugika       0:11:30 0:01:37 1995          Alebina
5      18     Jokin Narbaiza     0:12:35 0:02:42 1996         Alebina
6      48     Aitor Kortabarria 0:12:54 0:03:01 1995         Alebina

LOKATZAKO TOUR PORRA 2007

Utzi erantzuna

Bihar larunbata uztailak 7 San Fermin eguna; aurtengo Tourrari hasera emango diete txirrindulariek

Lokatzako Porran parte hartu nahi duenak, igande eguerdian ordubiak aurrez bete beharko dute, hortarako egindako inskrizio paperak bete ta entregatzeko gaia erresteko asmoz, izendatutako tabernen aparte, Porrako antolatzaileok; mahai bat jarriko dugu Bergarako kalean; Ariznoa, Usoa inguruan ta bertan egongo gara larunbata goiz,arratsalde ta gauez, ta igandean eguerdirarte.

Beraz berriro errepikatuz, nahi duzuenok, honako tokitan jaso ta entregatu dezakezue

USOA Taberna AVENIDA Taberna

DEPORTIVO Taberna NAHIKARI Taberna

ZABALA Jatetxea ALTZARTE Okindegia(Antzuolan)

Ta aipatutako kaleko LOKATZA TOUR PORRA 2007 mahaian

Animo ta zorte on guztioi ¡¡¡

Afizionatuak bikain astebukaeran

Utzi erantzuna

Aste bukaerako lasterketan bikain ibili dira Lokatzatik pasatako afizionatu mailako txirrindulari batzuk. Esate baterako, Gurutz Larreak, Amorebietako XLVII Udabarri Klasikan 5. postua lortu zuen. Valentziagan berriz, Xabier Aranguren Elgetarra eta Kepa Varela Bergararra batera ihes egida ibili ziren talde baten. Bestalde, Unai Aranzabalek ez zuen sorte onik eduki Belgikan ” Gipuzkoa-Moyua ” selekzioarekin korritu zuen lasterketan, izan ere zulaketa
batek lasterketatik kanpo utzi zuen

Aranzeta, Berriz Garaile

Utzi erantzuna

Atzo, Xabier Aranzeta berriro ere garaile izan genuen Urretxuko lasterketan. Antzuolarrak, Ormaiztegiko bariantean metro batzuk hartu zituen eta beste 3 txirrindularirekin aurrerra egin zuen. Eizagako maldetan taldekoak atzean utzi zituen eta lelen pasa zen gainetik mendiko saria eskuratuz. Lortutako aldea nahiko izan zuen Urretxuko kaleetan bakarrik helmugaratzeko besoak igoaz