Hileko artxiboak: apirila 2007

Maiatzean lasterketak

2 erantzun

Maiatzean, Apirileko klasiketan lehia bizian ibili diren txirrindulariak konpetizio egunen kantitatea jaitsi egiten dute, Tourreko prestaketari begira. Beste txirrindulari batzuk, berriz, Maiatza dute urteko hilabete garrantzitsuena Italiako Giroa, Volta a Catalunya edo Euskal Bizikleta ospatzen bait dira beste proba batzuen artean. Urteko sasoi honetan Bergarak badu bere proba ere, “XLV LABEGARAIETAKO SARIA” hain zuzen ere. Lasterketa hau, gaur egun txirrindulari profesional diren batzuk irabazitakoa da, Alejandro Valverde edo Iban Iriondo esaterako (Ibanek bere urtebetze egunean irabazi zuen Labegaraiteako helmugan bakarrik sartuz).






Bestalde, Bergarako txirrinduzale talde bat maiatzaren 24-etik 28-ra Dolomitetara egingo dute bidaia Italiako Giroa bertatik bertara jarraitzeko asmoz. Ea bueltan beraien bidaiari buruz berri izaten dugun!


Lasterketak

“ultimos kilometros” taldea Euskalherriko Txirrindulari Itzulian

Utzi erantzuna

Itzulian zehar, gure eguneroko eginkizuna, azken kilometroetako pankartak jartzea da. Guztira 4 pankarta jartzen ditugu; helmugarako 5,4,3 ta 2 kilometro falta diren adierazle.



Naiz ta azken urteotan talde berdiña joaten garan, aurrez, direla urte batzuk, Santi Aiastui ta konpañiak hasitako lanaren jarraipena deia esan behar, ta betik ez zela eginkizun berdina izaten, zeren inoiz irteerako ta azken 10 km-takoak ere jarri izan ditugu eta.



Ezin ahaztu bestalde, Euskal itzulitik aparte, Donostiako Klasikoan, ta gazte mailako Gipuzkoako Itzulian ere jartzen ditugula pankartak, horretarako Lokatzako ta beste hainbat laguntzaileek parte hartuz.


Esan bezala gure lanak pankartak jartzea da, ta horretarako non jarri, aurrez beste talde batek señalizatuta uzten digutelarik.


Sarritan gogotik ta eguraldi txarrakin lan egin beharra izanarren, ezin esan gustoko ez dugula, ta guztiontzat, egun batzuk opor gizan pasatzea dela helburu, ta baita lortu ere. Lana bete hostean, aterpe edo aukeratuko tokiren batean, urdaiazpiko, txorizo, gazta ta beste jaki batzuk barruratzen ditugu, nola ez Errioxa ardo ederrez lagundurik.


Gero, etapa bukatzean, pankartak kendu ta inguruko herri edo hiriren batera joaten gara antolakuntzak gaua pasatzeko aukeratu duen tokira. Dutxatu, guapo-guapo jarri, txikito pare bat ta nonbaiten afari pasadatxoa. Tragotxo pare bat eta txintxo-txintxo ohera. Ta bihar…..beste horrenbeste.


Ta hau da hitz gutxitan aurtengo itzulian ere egin duguna, ta…..datorren urtekoan pentzatsen hasi

ronde van vlaanderen

Erantzun 1

Joan den astean bete dut aspalditik neukan ametsa: Tour de Flandes bertan bizi izatea. Bi egun lehenago iritsi ginen semea eta biok eta ibilbedea ikusteko asmotan konturatu ginen zer nolako bideak dituen inguru artan: kopuru aldetik asko, geienak estuak, batzuk asfaltatutakoak beste batzuk arrizkoak (adokinak), seinalizaziorik gabe eta oso trafiko gutxirekin. Kristonak egin genituen ibilbidea topatzen, eta aurkitutakoan, bereala galdu egiten genuen berriz ere. Andoni Aranagak esaten zigun, Chocolates Jaques ekipoan ibili zenean, Warengemen bizi zen eta entrenatzera ateratzen zen bakoitzean, galdu egiten zela.

 Euskal Herriaren alderantziz, Flandes lau laua da eta tarteka gain batzuk ditu karrerako aldapak kokatzen diren tokian. Gizartean zaletasuna, primerakoa. Etxe aurre guztietan bizikleta bat gutxienez ikusten da, eta errepidean bide gorriari ezker, arazorik ez dago ibiltzeko. Karrera bezperan, 25.000 zikloturista atera ziren bi ibilbide betetzekotan: bat 120 kilometrotakoa eta bestea karrerako ibilbide berbera. Benetan, txirrinduzale batek gozatzeko behar duen guztia. Eta eguraldiari begira, egin ditugun egunak, danak eguzkitsuak.

 Karrekako eguna flandriarrendako jai eguna da. Famili osoak ikusten dira ibilbidera inguratzen eta askok, Jaizkibelen bezala Donostiako klasikoan, egun pasa bazkaria prestatuz. Gu gainera, suerte pixkat izan geuen ze, egon ginen herrian, Kwaremonten, pantaila erraldoi bat jarri zuten plazan, eta karrera pasatuta gero, akabera han ikusteko aukera izan genuen. Ze anbiente plazan! Tropela ihes egindako korredoreak arrapatu zituenean kriston zaratak eta Tom Boonen ateratzerakoan…. pasada bat. Korredore guztiak ezaguten dituzte pantailan azalduaz bat eta, gehien, flandiarrak. Baina animatu guztiei. Ikusiko bazenituen nola animatzen zuten Lief Hoste azkenengo kilometroan… Eta gero helmugako marra gainean Ballan gainditu zuenean Ooohhhhhh!… haundi batekin geratu ziren.

 Bukatzeko eta gehiegi ez luzatzeko, zaletu guztiei esaten dizuet: musulmanak La Mecara bizitzan behin joan behar diren bezala, uzte dut txirrinduzale batek Flandesera joan behar lukeela hura esagutzeko. Gainera, turismo egiteko prestatzen da, ze Brujas, Gante, Ostende, etab., hiri oso politak eta oso giro honekoak dira

(Migel Angel Larrañaga)

Argazkiak

Afizionatuak bikain astebukaeran

Utzi erantzuna

Aste bukaerako lasterketan bikain ibili dira Lokatzatik pasatako afizionatu mailako txirrindulari batzuk. Esate baterako, Gurutz Larreak, Amorebietako XLVII Udabarri Klasikan 5. postua lortu zuen. Valentziagan berriz, Xabier Aranguren Elgetarra eta Kepa Varela Bergararra batera ihes egida ibili ziren talde baten. Bestalde, Unai Aranzabalek ez zuen sorte onik eduki Belgikan ” Gipuzkoa-Moyua ”  selekzioarekin korritu zuen lasterketan, izan ere zulaketa
batek lasterketatik kanpo utzi zuen

Apirilan Lasterketak

Erantzun 1

Txirrindularitzan apirila aipatzen denean denoi datorkigu burura klasiken izena. Izan ere, hilabete honetan Tour de Flandres (8), Paris – Roubaix (15), Amstel gold Race (22), La Flecha Wallonne (25)eta La Liege – Bastogne – Liege (29) probak ospatzen dira beste batzuen artean.

Euskal Herrian, Euskal Herriko itzulia (9-14) daukagu egun bateko klasiken ordez. Itzuli honetan Lokatzak esku bat botatzen dio antolatzaileari, helmugarako  5,4,3,2 Km pankartak ipiñiaz.

Hilabete hoenatn, jubenil mailan, klasika garrantzitsu bat izango dugu bigarren aldiz Deban, Gipuzkoako Klasika (21) [Trofeo federacion]. Lasterketa honetan gipuzkoako talde guztiak eta estatu osoko erkide desberdiñetako selekzioak izango ditugu irteeran. Proba hau, Donostian ospatu zen mundiala prestatzeko sortu zen eta ordutik ona urtero ospatu izan
da. Palmaresean, Haimar Zubeldia, Iban Mayo edo Iban Iriondo bezalako izenak
aurki ditzakegu podiumeko postuetan

Lasterketak

Aranzeta, Berriz Garaile

Utzi erantzuna

Atzo, Xabier Aranzeta berriro ere garaile izan genuen Urretxuko lasterketan. Antzuolarrak, Ormaiztegiko bariantean metro batzuk hartu zituen eta beste 3 txirrindularirekin aurrerra egin zuen. Eizagako maldetan taldekoak atzean utzi zituen eta lelen pasa zen gainetik mendiko saria eskuratuz. Lortutako aldea nahiko izan zuen Urretxuko kaleetan bakarrik helmugaratzeko besoak igoaz