Iruña-Veleia, egia ala gezurra?

Gaurko DNAn irakur daitekeenez, Arabako Entzutegiak betiko artxibatu du Euskotrenen kereila. Kereila honen bidez miloi bat euro inguru kendu nahi zieten Lurmeneko Eliseo Gili eta Idoia Filloyri, azkeneko urteetako subentzioak, alegia, iruzur ekonomikoa leporatuta.
Dena dela, DNAko berria ez da guztiz zuzena, une honetan ez baitago inolako kereilarik indarrean Idoia Filloyren kontra. Aldundiarena da airean geratzen den bakarra, “ondareari kalteak” egotzi nahi diena Lurmeneko langile ohi  Eliseo Gili eta Oscar Escribanori, eta enpresarentzat lan bat egin zuen Ruben Cerdani.

Gasteizko Epaitegiak atzera bota ditu Lurmenen bi helegite. Lehena 2009koa zen eta bere egunean kendutako indusketa-baimena itzultzeko eskatzen zuen. Bigarrena 2010ekoa, eta Arabako Foru Aldundiaren eta EHUren artean izenpetutako kontratua gelditzeko eskatzen zuen. Honela ekarri zuten notizia hurrengo egunean Berriak, Garak eta DNAk

Hitzaldia: “Iruña-Veleiako ezohiko aurkikuntzak eta analisis fisiko-kimikoen beharra”
Hizlariak: Idoia Filloy, Koenraad van den Driessche, Juan Martin Elexpuru
Lekua eta ordua: Hikateneo (Pintoreria kalea, Gasteiz), ekainak 8, asteartea, 19:30
Antolatzailea: Sos Iruña Veleia Plataforma

Atzo eguerdian Gasteizko Epaitegian entregatu zuen idatzia Plataformak, eta ondoren prentsaurrekoa eman zuen atean. Hona hemen haren oihartzuna gaurko prensan: Noticias de Alavan, Berrian eta Garan

Honela dio fiskalari eta prentsari emandako agiriak

Plan Zuzendaria geldiaraztea eskatzen dugu, ondorengo arrazoiengatik:

1. Auzia
   oraindik ‘sub judice’ dagoelako, eta ondorioz oraindik ez delako hartu
   ez erantzukizunei eta ez ustezko delituei buruzko erabakirik.
2. Jakin ahal izan dugunez, gaur egun pieza batzuk ez daude lehengo ekipoak entregatu zituen egoera berean (argazkiak eranskinean).
3. Euskal
   Herriko Unibertsitatea epaile eta parte izan da auzi honetan. Eta esan
   beharra dago aztarnategiaren arduradun ohiak kaleratzeko oinarri gisa
   erabili ziren EHUko txostengileen  baieztapen asko eta asko ez direla zuzenak, eta gainera ez dutela frogatu  inskripzio bakar bat ere ezinezkoa zela proposatzen den garaian.
4. Julio Nuñez izendatu da Planaren zuzendari berri, eta askoren ustez haren txostena,  oso erasokorra izateaz gain, era guztietako akatsez betea dago.
5. Ez dira kontuan hartu aurkikuntzak benetakoak izan litezkeela adieraziz idatzi diren 16 txostenen edukiak.
6. Hurrengo
   indusketa prozzesuak isilpekotasun klausula bat izango du, eta horrek
   esan nahi du baimena izango dutela agertutakoaren berri ez emateko.
7. Kudeatzaile berrien prestigioa eta lanpostua jokoan egongo da,  aurrekoak ere benetakoak direla frogatzen duten aurkikuntza berriak egingo balira.
8. Oso
   susmagarria da Aldundiak auzia betiko erabakiko luketen analitika
   berriei uko egitea, jakinda, gainera, badirela hori egiteko gai diren
   laborategiak.
9. Aipaturikoez gain, beste irregulartasun ugari gertatu da prozesua hasi zenetik (Ik. eranskina)
10. Oraindik ez da aurkeztu konbenioa onartzeko legeak agintzen duen  EHUko Erretore Kontseiluaren sinadura.

Esandako guztiagatik pentsatzen dugu ez dagoela jokabide egoki eta jator
baterako bermerik, eta ezta talde berri baten eskutik indusketei
berrekiteko, eta lehengo arduradunak eta haien lana mespretxatzeko
arrazoirik, epailearen erabaki argi bat egon arte, bederen.

100 lagunetik gora bildu ziren atzo Donostiako Koldo Mitxelenako aretoan Idoia Filloy eta Koen Van den Driesscheren hitzaldia entzutera. Arkeologoak auziaren historiaren laburpena egin zuen lehendabizi, eta agertutako piezen nondik norakoak azaldu zituen gero, sos-irunaveleia guneko ostracabase atalaz lagunduta: grafitoen agerlekua, estratoak, testuingurua eta abar, argazki eta planoak pantaila handian zirela. Geokimikoak grafitoetan aurkitzen diren ebidentzia fisikoak jorratu zituen: ildoen gaineko kare-geruzak, ustezko karbonatoa, buztin egosi gabean eta hezurrean egindako inskripzioak, eta abar, piezen datazioa posible egiten dutenak.
Arrakastatsuak izan direla esan behar Herriaren Lagunak Elkarteko EGAN aldizkarikoak antolatu dituzten bi hitzaldiak, aurreko astekoan ere, euskal grafitoei buruzkoan, jende asko bildu baitzen.

Datorren asteazkenean, maiatzak 26, arratsaldeko 7etan, Idoia Filloy
arkeologoak (aztarnategiko zuzendarikide ohia) eta Koenraad Van den
Driessche geokimikoak hitzaldia emango dute Donostiako Koldo
Mitxelenan. Alderdi arkeologikoa eta piezen datazio gaia jorratuko dute
bereziki. Joseba Lakarra zen egun horretan hitzegitekoa, baina uko egin
dionez, antolatzaileek eta hizlariek horrela bete dute hutsunea. Euskararen gaia izan da eztabaida-ardatz sarri, baina hura bezain
garrantzitsua edo garrantzitsuagoa da Arkeologiarena auzi honetan.
Hurbiltzeko gogorik edo astirik ez duenak hemen eta hemen eta hemen aurki ditzake Filloyren txostenak eta hemen Van den Driesscherena.

Sos Iruña Veleia Plataformak CDa argitaratu du auziari buruzko informazioarekin: txostenak, kronikak, prentsa-artikuluak, audioak eta abar. Plataformak LAGUNTZA EKONOMIKOA behar du hitzaldiak eta era guztietako ekitaldiak antolatzen jarraitu ahal izateko. Horretarako, kontu korrontea ireki du Euskadiko Kutxan: 3035 0012770121217042
Diru-ekarpenen bat egiten dutenei, cd-a bidaliko zaie etxera postaz. Horretarako aski da sosirunaveleia@gmail.com helbidera mezua idaztea izenarekin eta helbidearekin. Hemen ikus dezakezu cd-aren karatula eta zenbait informazio.

Bihar, asteazkena, iluntzeko 7etan izango da honako honen hitzaldia Donostiako Koldo Mitxelenan. EGAN literatura eta filologia aldizkariak antolatzen du eta “Iruña-Veleia: Benetako aurkikundea? Iruzurra?” du titulua.
Bestalde, esan datorren asteazkenerako iragarrita zegoen Joseba Lakarraren hitzaldia ez dela egingo. Irakasleak Sustatu-ra bidali duen idatzi batean azaltzen ditu uko egiteko arrazoiak (#167 komentarioa). Beste batean komentatuko ditugu.

Euskeraren Jatorria taldearen 5. Biltzarraren barruan hitzaldia emango dut Arteagan, maiatzaren 15ean, larunbata, 19:15. Gaia: Azken urte honetako bilakaera Iruña Veleiako auzian. Hemen egitarau osoa.

EHUren Irakasle Eskolako zenbait irakaslek antolatuta, honako bi hitzaldi hauek emango dira laster Donostiako Koldo Mitxelenan:

Izenburua: Iruña-Veleia: Egiazko Aurkikundea? Iruzurra?
Maiatzak 19, asteazkena, 19:00
Hizlaria: Juan Martin Elexpuru

Izenburua: Iruña-Veleia: Egiazko Aurkikundea? Iruzurra?
Maiatzak 26, asteazkena, 19:00
Hizlaria: Joseba Lakarra

Lehenago Sustatu-n adierazi nuen bezala, iruditzen zait une honetan interesgarriagoa litzatekeela debate bat bi monologo baino, eta entzuleek ere eskertuko luketela. Ni behintzat prest.