Osaba Inixiok erretiroa hartu du. Berez oraindik ez ditu 65 urte bete, baina lantegiko lana utzi du (baserrikoak ere utziko lituzke, baina zailagoa izango zaio hori). Erretiroa ospatzeko bildu ginen atzo familiakook Baztarrikan. Zahartzaroa, erretiroa, lana… horrelakoak izan genituen mahaiaren bueltan berbetarako gaiak.

Josek esan zuen Portugalen erretiratzeari “reformar” esaten diotela. Pozik entzun zuen hori osabak eta ingurukoei egin zien keinua; berak erreformatzeko ordua duela eta baserriko lanak egin beharko dituela besteren batek. Gutxik entzun zuten esandakoa, inork ez zuen-eta aipamenik egin.

Erretiroaz ari ginela, galdera pare bat etorri zitzaizkidan:

• Noiz hartu ahal izango dugu guk erretiroa, etxea ordaintzen 50 urte eman behar baditugu?
• Egongo da norbait guri erretiroa ordaintzeko prest?

Osaba Inixiok ere zalantza horiek zituen orain gutxi arte, baina berak erretiroa hartu duenean aurkitu du soluzioa: egin ezazue guztiok lan 70 urte bete arte! Hori dioen legeren bat ateratzen badute baiezkoa bozkatuko dut nik. Asaldatu egin ginen guztiok. Baina, aizue, ez dut uste hain gaizki dabilenik.

Pasa den zubi honetan Bartzelonan izan gara lagun batzuk beste lagun bat bisitatzen. Anfitrioi lanak egin ditu gure Eneik, eta ederki asko, gainera!

Zazpi lagun egon gara lau egunetan bi logelako bere pisuan lotan. Sei neska eta mutil bat. Oso ondo moldatu gara.

Ez dugu ezer berezirik egin. Bisitatu ditugu Sagrada familia , Santa Maria del Mar eliza, Bartzelonako katedrala andamio eta guzti, “Gaudíren eraikinak”:http://www.bcn.es/turisme/catala/turisme/llocs/14_0.htm eta passeig de Gràcia, “Palau de la Música Catalana”:http://www.bcn.es/cgi-bin/veure_eq.pl?id=92086009102 , La Rambla eta “barri Gòtic.”:http://www.bcn.es/turisme/catala/turisme/llocs/13_0.htm

Horiekin batera beste hainbat txoko interesgarri aurkitu ditugu. El Rabaleko dendak eta giroa, katedralaren atze aldeko kaleak, jatetxe eta taberna interesgarriak… Bapo jan eta edan dugu eta jende berria ere ezagutu dugu, guztiak interesgarriak.

Baina, gure eskursioa hitzez azaltzea baino, hobe argazki batzuk ikustea, ezta? Flickerren jarri ditut Eneidak bidali dizkidan batzuk, ea gehiago iristen zaizkidan!

Azken urteotan ohitura gertatu den moduan, azken zubi honetan ere jende asko joan da kanpora. Hiru lau egun jai ditugunean norabait joateko ohitura hartu dugu eta batzuek norabait joate hori derrigorrezko dutela dirudi. Ez bazara inora joaten ez duzu ondo pasatzen. Hori da batzuen filosofia. Etxean geratu kanpora joateko aukera edukita? Nola ba?

Jakina, ni ere gustura joango nintzateke kanpora, leku ezberdinak ezagutzera, baina ez hemendik alde egiteagatik bakarrik. Izan ere, ondo pasa baitaiteke inora joan gabe (ez duzue horrelakorik inoiz pentsatu, ezta? Ni etorri behar hori esatera…).

Kontua da egoera ekonomikoak eta ingurukoen animuek hala aginduta hemen gelditu naizela azaroko zubi honetan eta lehen esan ditudan horietaz guztietaz pentsatzen egon naiz. Askotan, herrian geratuta ere aspaldian ikusi ez duzun jendea ikusten duzu, ikustea espero ez zenuena edo ezagutzen ez zenuena.

Bartzelonatik bueltan

Joan den aste bukaera luze honetan gure Eneida etorri da Bartzelonatik eta konturatu naiz nahikoa dela pare bat lagun on biltzea ondo pasatzeko.

Baina, abenduko zubian Bartzelonara joango gara! Eneidari bisita bueltatu beharko diogu.

Muxu potolo bat, Enei! Mmmuuuaaa!