Iruña-Veleia, egia ala gezurra?

Informazio osoa Jauzarrea-ren webgunean.

Jende multzo polita bildu zen Gasteizen Eliseo Gil, zurekin gaude, 6 urteko bidegabekeria / 6 años de injusticia pankartaren atzean.

Kezkagarria da hedabideek ekitaldiari eman dioten trataera. Efe agentziako kazetaria eta argazkilaria han ziren, eta Correo, Diario Vasco, Cadena Ser eta beste hedabide batzuetan ondo islatu da gertaera. Ustez hurbilagokoak ditugunetan, berriz, penagarri. Garak argazki txiki baten azpian lau lerro, Berrian ez dugu ezer aurkitu, Diario de Noticias de Alavan ere ez.  ETBk, berriz, kamara bat bidali zuen, eta bi korte ere grabatu zituen, bata euskaraz eta bestea erdaraz. Baina ez zuen ezer eman informatiboetan. Gauza bera egin zuen joan den otsailean analitiken gaiarekin eman genuen prentsaurrekoarekin. Zertan ari da ETB?

Azaroaren 19ko Noticias de Alava egunkariak Mapi Alonso eta Roz Frank doktoreen artikulua dakar. Auziaren egoeraren laburpen zorrotza.

• Larunbata, azaroak 22, 12:30, Andramari Zuriaren Plaza
• ELISEO GIL, ZUREKIN GAUDE!!! 6 urteko bidegabekeria / 6 años de injusticia

Etorri!

Atzo, azaroak 19, egun beltzaren 6. urteurrenean, Euskeraren Jatorria Taldeak kereila jarri zuen Gasteizko epaitegian Arabako Diputazioaren aurka Iruña-Veleiako auzian izandako jokaeragatik. Salaketa nagusia da, Lurmenen kontrako erabakia hartu zutenean, artean entregatu gabe zeudela Adituen Batzordearen txostenak, bat izan ezik. Xehetasunak hemen.  Diario Vascok eta Noticias de Álavak ere ematen dute  horren berri.

Egun beltza benetan 2008ko azaroaren 19a. “Hoy, 19 de noviembre, aniversario del día de la ignominia” titulatu du Koenraad Van den Driesschek Ama atan bere idatzi luze eta dokumentatua. Merezi du irakurtzea.

Hemen Tasiok Garan atera duen biñeta:

Gaur goizean jakin dut: gaur gauean nire korreo elektronikoko klabea eskuratu dute, aldatu dute eta dirua eskatuz mezuak bidaltzen ari dira. Lehen mezua honelakoa da:

De: Juan Martin Elexpuru [mailto:m.elexpuru@gmail.com]
Enviado el: miércoles, 19 de noviembre de 2014 1:25
Asunto: Premiazko // Juan Martin Elexpuru Arregi

“Zer gertatzen da nire aurreko mezua lortu duzu? Atzerriko herrialde batean trabatuta nago, Zure laguntza behar dut, Erantzun nion hau da premiazko. ”

EZ ERANTZUN!  Erantzuten baduzu, honelako mezu bat jasoko duzu, Burkina Fasoko euskalkian:

Me dut bakarrik posta elektroniko bidez komunikatu ahal izango da nire bakarrik esan nahi du, orain bezala. nire atzera egingo dut itzultzeko. Zure erantzuna azkar espero dut, eta behar mesedez, ez honi buruz galdetu edonori zer lortu lotsa me delako.”

Arrakastatsua izan zen atzo Villasuso Jauregian SOS Iruña-Veleiak eskaini zuen hitzaldia. Idoia Filloy eta Koenraad Van den Driessche mintzatu ziren. Lehenak auziaren historiaren laburpena egin zuen eta bigarrenak analitiken gaia jorratu zuen. Van den Driesschek, irudi ikusgarrien bidez, erakutsi zuen Espainiako Kultura Ministerioko laborategiak egin duen txostena iruzur hutsa izan dela.

Ama ata gunean jarri dituzte dagoeneko Koenen hitzaldiaren ondorioak “Porqué el informe Navarro no es válido como peritaje judicial” tituluarekin. Presentazioaren pdf-a ere jaitsi daiteke.

Osteguneko Berria eta Garan Iruña-Veleia: sei urteko bidegabekeria izenburuko gutuna argitaratu zen. Horrela hasten da:

“Datorren astelehenean, azaroak 17, 19:00, Gasteizko Villasuso jauregian Idoia Filloy zuzendari ohiak eta Koenraad Van den Driessche geokimikariak hitzaldia emango dute auziaren inguruan.”

SOS Iruña-Veleiak hitzaldia eta kontzentrazioa antolatu ditu egun fatidikoaren (2008ko azaroaren 19a) 6. urteurrenean. Analitiken gaia eta auziaren egoera jorratuko dira hitzaldian.

HITZALDIA: azaroak 17, astelehena, 19:00, Villasuso Jauregia, Gasteiz. Hizlariak: Idoia Filloy (arkeologoa, aztarnategiko zuzendari ohia) eta Koenraad Van den Driessche (geokimikaria). Titulua: ¿Grafitos verdaderos, conclusiones analíticas manipuladas?

KONTZENTRAZIOA: azaroak 22, larunbata, 12:30, Andramari Zuriaren Plaza. Eliseo Gil, zurekin gaude!!! Sei urteko bidegabekeria.