Joan den astelehenean jarri zituen Eliseoren abogatuak errekurtso horiek epaitegietan. Jakina denez, Diputazioak hitzarmena egin du EHUrekin, eta Julio Nuñez irakaslea izendatu du plan berriaren zuzendari.
Gogoratu Nuñez izan zela Eliseo Gilen aurkako txostengileetariko bat, gaia “sub
judice” dagoela, eta epaileek ez dutela oraingoz Iruñako arkeologoen aurka
inolako neurririk hartu. Are gehiago, ETSren kereila artxibatu dute betiko.
Grafologoen aferari dagokionez, Diputazioak izendatutako grafologoek grafitoekin zuzenean lan egin ahal izan dute, Eliseo Gilek izendatutakoei behin eta berriz ukatu zaienean eskubide hori. Horrela jasotzen dute albistea gaur Berria eta Gara-k
