Zera aurkitu daiteke gaztelera hutsez dagoen Qark enpresaren webgunean:
Arkeologiara dedikatzen den enpresa hau EHUko Arkeologia katedradun Agustin Azkaratek sortua da. Ia ezerk harritzen ez gaituen arren, haserrearekin batera, hainbat galdera sortzen zaizkigu:
- Ez al zuten ba Aldundiak eta EHUk hamar urterako Plan Zuzendaria sinatu, eta Julio Nuñez izendatu aztarnategiko zuzendari? Indarrean jarraitzen al du Plan zuzendari horrek?
- Non dago Julio Nuñezek kontrataturiko lan-taldea, aztarnategian bost urtez jardun duena?
- Zer nolako esperientzia du Qark-ek erromatar garaiko indusketetan?
- Julio Nuñezek zuzendari izaten jarraitzen al du? Dakigunez, ez dauka Qark enpresarekin loturarik.
- Zein prozeduraz adjudikatu zaio Qark-i aztarnategia? Leihaketa publikorik egin al da, legeak agintzen duen bezala?
- Hilabetez jardungo omen dute. Zenbat kobratuko du Qark enpresak? Aurtengo aurrekontuetan esleituriko 160.000 euroak osorik ala horren zati bat?
- Nola ez dute ezer esan honen aurrean Arabako Biltzar Nagusietako talde politikoek, aldundiaren jarduera kontrolatzeko eskubidea eta obligazioa dutenek, alegia?
- Zer dela eta ez du Aldundiak adjudikazioaren berri eman bere jakinarazpen organoetan eta hedabideetan?
- Hain zaila al da ulertzea ez dela metro bat ere induskatu behar auzia “sub judice” dagoen bitartean?
Pingback: Euskeraren jatorria » Blog Archive » Nuñez erre ondoren, Azkarateren azken jokaldia Iruña-Veleian