Grafitoak Madrileko laborategi batean daude

Jakin dugunez, aukeratutako grafito multzo bat Madrileko Instituto del Patrimonio Cultural de España (IPCE) erakundearen eskutan dago irailaren bukaeratik, epailearen aginduari jarraituz.  Pentsatzekoa da dagoeneko jardungo dutela analisiak egiten, baina ez dago inolako berririk. Noizko egingo dituzten ere ez daki inork. Beste batzuetan esan dugun legez, auzia betiko argituta geratu dadin, beharrezkoa izango da Espainiako estatutik at legokeen beste laborategiren batean ere analisiak egitea, aztarnategian egin beharreko kata kontrolatuekin batera.

Kategoria: Sailkatugabeak. Gorde lotura.

2 Responses to Grafitoak Madrileko laborategi batean daude

  1. egilea: Antton

    Beraz, hila betea izan dute agindutako azterketak egiteko, baldin eta ez bada “itxaron zerrendarik”.
    Nire usteak (eta norbaitek zuzentzea nahiko nuke):
    –Baliteke IPCE institutuak ahalmen teknikorik izatea idazkunak datatzeko, baliteke. Baina, datatzea agindu al dio Epaitegiak? Edo arrastoak (fisikoak, kimikoak…) aztertzeko?
    –Izan ere, Epaitegiak zertarako behar ditu datatu idazkunok? Batzuri arrazoina eman ala beste batzuri arrazoia kentzeko? Hori ez dagokio Epaitegiari, ez dut uste horretan sartu nahiko duenik ere.
    –Epaitegian salaketa bat aurkeztu da: ondare publikoa kulturala kaltetua izan dela. Hori da Epaitegiak epaitu behar duena: izan den ala ez den izan manipulazio zantzurik.Eta izan bada, ikertu. Eta ez bada izan, salaketa artxibatu (eta gastuak noren kontura izaten dira kasu horietan?)
    –Gainera, hots gero: IPCE noren institutua den. Gaur egun dena
    presionatu leike (adittu epaile izandako batek zer zioen, Jordi Eboleren
    programan)

    Esan nahi dut: inork ez ditzagun egin iguripen/espektatiba haundirik, hemen (han) ez da bukatzen deus, ez alde batera, ez bestera.  Pausu bat da, eman beharrekoa, baina ez da helmuga, ez da meta. Hori garbi uztea komeni da, frustraziorik ez ereiteko.

  2. egilea: Anonimoa

    Hara !!. Gaurko BERRIAK dio GuardiaCivilak esan omen diola Epaitegiari zera, beraiek ezin dituztela azterketa fisiko-kimikoak egin, ezin, ez omen dutela tresna egokirik.
    Ene bada !!
    Nongo paper zaharretan aurkitu ote dute “berri” hori BERRIAkoek?

    Iruña-Beleiako gai hau erabat sorginduta da, doike !!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude