Mertxe Urteagari elkarrizketa ZuZeun

medium

medium

 

Zuzeu atariak elkarrizketa grabatu dio Mertxe Urteaga arkeologoari. Iruña-Veleiaz, batez ere. Kontraprograman esandakoak errepikatzen ditu gutxi gorabehera. Erantzun-sorta polita ere izan du elkarrizketa honek. “Txerritxoaren” gaia ere badakar berriz, eta bere ezinezkotasuna, eta beraz faltsutasuna, begibistakoa dela dio.
Badira gai horretan sakondu dutenak eta hipotesi serioagoak plazaratu dituztenak, Hator-ra esaterako Iruina blogean. Nik neure aldetik hurrengo iruzkina jarri dut Zuzeun:

‘Waltdisneytarra’ ei da goian datorren ostrakako txerria. Egungo komikiaren berririk ez duenari guztiz EZINEZKOA ei zaio horrelako txerri bat marraztea. Hori entzun diegu beti falsistei, eta Mertxe Urteagari ere bai hemen goian eta  Kontraprogramako saioan.
Zenbaiten ziurtasunak txunditzen nau. Txerria edo basurdea zeramika
puxketa baten marrazten hasita, marrazkilariaren araberakoa izango da
emaitza orain, eta duela bosteun urte eta bi mila urte. Eta txerria
txerri, orain eta beti. Eta basurdea marrazten hasi, eta gero txerriaren
antz handiagoa badu… Ni hasiko banintz auskalo zerk irtengo lukeen.
Baina gauza bat: gezia sartuta daukan txerririk aurkitu al duzue Walt
Disneyn?
Agian beste hipotesi batzuk ere jorratu behar dira, Iruina blogean egiten den bezala. Batzordeko arkeologoak eta Mertxe ez dira konturatu nonbait pieza horrek inskripzioak dituela beste aldean, eta FAVNO / MAMERS/ MAMERCO jartzen duela. Hor egon liteke marrazkia interpretatzeko giltza. Begira zer dakarren mitologiako hiztegi batek Mamercus sarreran:
“The second legend is in Plutarch and was obviously inspired by the
myth of Meleager. Mars, disguised as a herdsman, had made Sylvia, the
wife of Septimius Marcellus pregnant. He gave her a lance, with a note
setting out the destiny of the unborn child attached to it. When this
son was born he was called Mamers Mamercus. He fell in love with the
daughter of Tuscinus who was later killed by Septimius, his mortal
father. “When MAMERS MAMERCUS was out hunting HE SLEW an enormous BOAR which had been sent by Ceres”. He gave his lover the head and the feet,
but his mother’s two brothers, Scymbrathes and Muthias, were annoyed and
snatched the trophies back. Mamercus then killed his uncles but to
punish him Sylvia burned the lance and Mamercus died.

Alegia, Plutarcoren arabera, Mamers Mamerco mitologiako pertsonaia da. “Ehizara
joan zen eta Ceresek bidalitako basurde ikaragarri bat ehizatu zuen”, dio testuak.

Egia da marrazkikoak txerria ematen duela eta ez basurdea, baina marrazki domestikoa edo eskolakoa izanda, haur batena agian, edo marrazkilari txar batena…
Ikertzen jarraitu nahi duenak badu gaia.”

Kategoria: Sailkatugabeak. Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude