Kontraprograma webguneak eztabaida-saioak grabatzen ditu Donostiako telebista plato batean. Pil-pilean dauden gaiak hartu (zezenketak, independentzia, Nafarroa…) eta jarrera bateko bi lagun eta aurkako beste bi gonbidatzen dituzte saio luze batera. Oraingoan Iruña-Veleiaren txanda izan da.
Uztailaren 4an grabatu zen saioa. Benetakotasunaren aldeko jarrera Idoia Filloy zuzendari ohiak eta Juan Martin Elexpuruk defendatu genuen. Beste jarrera, hots, aurkikuntzei sinesgarritasunik ematen ez diena, Mertxe Urteagak (arkeologoa, Irungo Oiasso Museoko zuzendaria), eta Javier Arce-k (arkeologoa, Lille-ko Unibertsitateko irakaslea, zaragozarra).
Esan behar programaren arduradunak saiatu zirela auzian zuzenean inplikatutako jendea mahaira ekartzen: Julio Nuñez, Joaquin Gorrochategui, Joseba Lakarra, Lorena Lz de Lacalle, Alicia M. Canto eta abar, baina inork ez zuela etorri nahi izan.
Eztabaida ikusgai egongo da uztailaren azken aldera, edizio-lanak egindakoan.
