Koldo Urrutiak Sustatun argitaratu duen “Malentxo anderea, Iruña Veleiako gaia konpon ezazu datazioak eginez” artikuluaren harira eztabaida piztu da berriz ere, nahiz eta ez beste batzuetako indarrarekin. Ostraka.mundua blogera ere heldu da honen oihartzuna.
Azpimarratzekoa da I-Vri buruzko sarrera bat izan zela orrialderik irakurriena eta eztabaidatuena joan den urtean blog horretan. 340 komentario eta 75.000 bisita izan zituen (bigarrena baino ia zazpi aldiz gehiago). Hemen ikus daitezke estatistikak.
Gehien ikusi diren albisteak
Hauexek dira 2010ean gehien irakurri diren albisteak.
- XX. mendeko otoitzak Veleian (75.052 bisitaldi)
- Pagola eta Jesus, hurbilketa patetikoa (11.776)
- Euskal dantza eta reggaetona konparatzen dituen bideoa (10.882)
- Mendi tontorretako drama ez da amaitu Annapurnan (10.633)
- Patxi Lopez lehendakaria, orekaren pultsera magikoaren erabiltzaile (9.457)
- Egibarren hitzak eta Herri Irratia-Onda Vasca (7.520)
