Benetakotasunaren aldeko jarrera garbiak ingelesezko hainbat webgunetan

Data: 2010(e)ko apirilaren 19a Egilea: elexpuru

Auzia nazioartekotzen ari da egunetik egunera. Batetik, atzerriko hainbat ikerlarik txostenak idatzi dituzte grafitoak benetakoak izan daitezkeela defendatuz, eta, bestetik, egunetik egunera norabide berdineko gauza berriak agertzen dira ingelesezko webguneetan. Forgotten Languages izeneko gunean, esaterako, Iruña-Veleia Affaire: A Shame for Spanish Epigraphy izeneko artikulu luzea agertu da, eta Maju ezizenekoak argitaratzen duen Leherensuge blogean, berriz, Luis Silgok eta Hector Iglesiasek emandako hitzaldiaren berri ematen da, beste gauza askoren artean.
Hor dago, bestalde, http://www.sos-irunaveleia.org gune handia, ingelesezko hainbat atal ere badituena.

Kategoria: Sailkatugabeak. Gorde lotura.

Erantzun bat Benetakotasunaren aldeko jarrera garbiak ingelesezko hainbat webgunetan bidalketan

  1. egilea: Juanjo
    21:09 2010(e)ko apirilaren 20a

    Gehiago ikertuko bazenu, delako ayndryl blog hori (Iruña-Veleia Affaire artikulua argitaratu duena) frikitegi bat besterik ez dela ikusiko zenuke (hainbat libururen argitalpena iragartzen dute baina asko (guztiak?) faltsuak dira!! hizkuntza zaharrez eta existitzen ez direnez aritzen da… eta blog hartatik beste leku arraro batzuetara ere iritsi zaitezke…Eta arraro diodanean, zentzugabe eta friki esan nahi dut, zentzu txarrenean.

    Ingelesezko hainbat webgunetan?¿? Ayndryl frikitegi hori besterik ez da ingelesezko webgunea. Bai Majurena ere ingelesez dago, baina, uste dut “internazionaltasunaren” prestigioa eta kategoria eman nahi zeniola gaiari eta horregatik aipatu dituzula ingelesezko webguneak, baina Maju euskalduna da, hortaz… SOS-Veleia webguneko ingelesezko atalak bezain internazionala eta garrantzitsua…

    Erantzun

Utzi erantzuna

Zure e-posta helbidea ez da argitaratuko. Beharrezko eremuak * markatuta daude