Eskandalua!!!

Gaur, goizeko 11etan, Arabako Bibat Arkeologia Museoan Arabako Foru Aldundiaren eta EHUren arteko hitzarmena sinatu da. Hitzarmen honen bidez I-Vko aztarnategiaren kudeaketa Euskal Herriko Unibertsitateari eman zaio.
Hitzarmenaren xehetasunak ezagutu nahi dituenak goiko loturan aurkituko ditu. 100.000! euro ematen zaio EHUri plana idatz dezan, datozen bi hilabeterako. Idatzi besterik ez. Erdia gaur eta beste erdia bukatutakoan.
Eta nor izango da horren arduraduna eta itxura guztien arabera I-Vko zuzendaria? Julio Nuñez Marcen jauna, EHUko Arkeologia saileko irakaslea. Nuñezen txostena izan zen Eliseoren taldearen aurka egindakoen artean zakarrena eta kaxkarrena. Irakurri nahi duenak alava.net/publicar/veleia lekuan aurkituko du.
Idoia Filloyk puntuz puntu erantzun eta ezeztatu zuen. Jaun honek, beste perla batzuen artean, esaten du “inposibleak” direla lau hankako mahaiak, marra erdian duten emakume-orrazkerak, arrain-isatzeko sirenak, I-Vn agertzen diren gisako eszena erotikoak…
Ba jaun hau izango da I-Vko zuzendaria. Lehenengo aurkaria txikitu eta gero haren herentzia bereganatu. Alderdi politiko abertzale eta ez abertzaleen bedeinkapenaz eta euskal inteligentsiaren isiltasun konplizeaz.
Zer egingo du induskatzen hasi eta ostraka “inposibleak” agertzen jarraitzen badute?

Kategoria: Sailkatugabeak. Gorde lotura.

1 Response to Eskandalua!!!

  1. egilea: Felix Zubiaga Legarreta

    Gaurko ebangelioan bertan irakurri dot: “Mundu honetako umeak zuhurragoak dira euren arazoetan argiaren umeak baino”. Beste era batera esanda: gorrotoa suminagoa da maitasuna baino. Eta gu gara sumin hori jasan behar dugunak. Frankok erail eta kunetan ehorten zituan euskaldun abertzaleak, honek gauza bera egin nahi dute Iruña Beleiako itxaropenarekin. Kultura politizatzen denean guda gizonek irabazten dute eta Unibertsitatea, arrain buztandun lamina bezala, egia eztaltzeko tapadera bihurtzen. Aiena, profetak hil eta egia, ostraken egia, sastaian ehortzen duzun Unibertsitatea!.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude